Lewitikɔso 6:10 - AHYERƐLƐ KRONGRON

¹⁰ Odi kyɛ ɔsɔfo ne wura ye nwera ataadeɛ ne, ná ówura ye nwera pieto ne ɔ́fa kata ye nwo. Naen yeralɛ afɔleɛ bɔ bayera ye wɔ afɔleɛ bokyea ne aso ne, odi kyɛ ɔsesa ye nzoen ɔfa gua afɔleɛ bokyea ne ngyɛnu.

Lewitikɔso 6:10 Iomraidhean Croise

Edwein 20:3

AWURADE ɔ́kaye w’afɔleɛ amukoraa, ná ɔ́ma ye nye sɔ wɔ naen yeralɛ afɔleɛ. Sela

Edwein 37:20

Nakoso bɔnefoɛ de, bɛ boso konua, na AWURADE pɔfoɛ mɔ, bɛte kyɛ ndire nyerɛen; bekotu bekomini, bekotu bekomini kyɛ nwosina.

Hesekiel 44:19

Na sɛ bɛbaahɔ maen ne berɛ wɔ aluo berɛ pato nu berɛ a, odi kyɛ bepuropuro ndaadeɛ bɔ bewura bɛyɔle ɛsɔnenɛ adwuma ne begua pumbu krongron nemɔ anu, ná bewura ndaadeɛ mbaen bie; amaa ɔnate so bɛ ndaadeɛ ne amma mmenia ne anyɛ krongron.

Lewitikɔso 1:13

Nakoso ye kunu nningyein ne ye gya ne de, ɔ́fa nzue ónwunzi bɛ nwo. Odi kyɛ ɔsɔfo ne, ɔfa ye mukoraati ɔyera ye wɔ afɔleɛ bokyea ne aso. Ɔte naen yeralɛ afɔleɛ; ɔte afɔleɛ bɔ bɛbɔ ye see so bɛma AWURADE ná ɔbo ye fona ɔ.

Lewitikɔso 1:9

Nakoso ye kunu nningyein ne ye gya nemɔ de, odi kyɛ bɛfa nzue benwunzi bɛ nwo. Ɔsɛ kyɛ ɔsɔfo ne yera ye mukoraati wɔ see ne aso fa yɛ naen yeralɛ afɔleɛ; ɔte afɔleɛ bɔ bɛbɔ ye see so bɛma AWURADE ná ɔbo ye fona ɔ.

Lewitikɔso 16:4

Odi kyɛ owura nwera ataadeɛ tendenn krongron ne, ná owura nwera pieto ɔfa kata ye nwo, ná ɔbɔ nwera abɔsoɛ ne, ná ɔbɔ nwera abotire ne; ɛhemɔ te ndaadeɛ krongron. Ɔsɛ kyɛ ɔfa nzue bia koraka né wawura ndaadeɛ nemɔ.

Lewitikɔso 2:11

“Aburoo afɔleɛ biala bɔ ɛmɔbɔ bɛma AWURADE ne, onni kyɛ ɛmɔfa mɔle harewaa bɛbɔ; ofikyɛ onni kyɛ ɛmɔfa mɔle harewaa anaa woɛ bɛbɔ see so afɔleɛ bɛma AWURADE.

Lewitikɔso 21:22

Ye Nyameɛ aleɛ ne, bɔ ɔte krongron paa ɔne bɔ ɔte krongron ne, ɔkɔhora koli bie.

Lewitikɔso 4:12

kaka ne mumua ne, odi kyɛ ɔsoa kɔ asikyeleɛ ne asi nekaa bɔ berɛ te sannwuu, nekaa bɔ bɛto nzoen begua ɔ, ná ɔ́yera ye wɔ see so. Nekaa bɔ bɛto nzoen begua ne yeɛ odi kyɛ ɔyera ye ɔ.

Lewitikɔso 6:11

Afei odi kyɛ ɔye ye ndaadeɛ ne, ná owura ndaadeɛ foforɛ, ná ɔsoa nzoen ne kɔ asikyeleɛ ne asi dɔ nekaa bɔ berɛ te sannwuu ɔ.

Lewitikɔso 6:18

Aarɔn bosoniɛ baa bienzua biala, oli AWURADE afɔleɛ bɔ bɛbɔ ye see so bɛma AWURADE ne bie, kyɛbɔ bahyehyɛ bato berɛ daa wɔ ɛmɔ aworɛ ndoatoasoɛ amukoraati nu ne; sona anaa nikyee biala bɔ ɔkɔfa ye nwo kɔha sɔ afɔleɛ nemɔ ne, ɔkɔyɛ krongron.

Lewitikɔso 6:22

Aarɔn bosoniɛ ɔsɔfo biala bɔ bɛkɔpopa ye ngoo maa okoosi Aarɔn gya nu ne, ye yeɛ ɔkɔbɔ sɔ afɔleɛ ne kɔma AWURADE kyɛbɔ bahyɛ ye afebɔɔ ɔ; odi kyɛ bɛyera ye mukoraa.

Lewitikɔso 8:2

“Fa Aarɔn ne ye mma mmienzua nemɔ, ndaadeɛ ne, ɛpopalɛ ngoo ne, bɔne nwo afɔleɛ nandwie nyii ne, mmoaen nyii nyɔ ne, kɛndɛen bɔ paanoo kabrɛdi gua nu ne;

Numeri 16:21

“Nnɛma ɛmɔfa bɛ nwo bɛkɔfra sɔ ɛlɔen he anu, na mebaanua bɛ boso kekesaala ye.”

Numeri 16:35

Na see fili AWURADE berɛ ɔɔyerale mmienzua ɛyaa nyɔ ne aburannu bɔ né bɛbɔ ɛyɛɛ afɔleɛ ne.

Nyekyire 19:14

Na ɛlɔen bɔ bɛwɔ nyameɛso, bɔ bewurawura nwera paa, fufue bɔ ye nwo te ɔ, né bɛtete mbɔngɔ fufue so beli ye si.

Nyekyire 19:8

Na bɛfale nwera paa bɔ ɔte fufue, bɔ ye nwo te ɔ bɛmane braa ne kyɛ ɔfa hera.” Na nwera paa ne ole anwoteefoɛ bɛ tenenee.”

Nyekyire 7:13

Na afei mbanyi nemɔ nu ko bisale me kyɛ, “Ɛhemɔ bɔ bewura ndaadeɛ fufue ye, nwa mɔ ɛne, na nisua yeɛ befi bɛwale ɔ?”