Lewitikɔso 5:7 - AHYERƐLƐ KRONGRON

⁷ “Na sɛ ye nwo ngɔso boaen so a, ye de maa ɔfa mmorɔma nyɔ anaakyɛ mmorɔnoma buruwa nyɔ ɔɔbɔ foɛlilɛ afɔleɛ ɔma AWURADE, ɔnate bɔne bɔ wayɔ ne ati; odi kyɛ ɔfa ko ɔbɔ bɔne nwo afɔleɛ ná ɔfa ko koso ɔbɔ naen yeralɛ afɔleɛ.

Lewitikɔso 5:7 Iomraidhean Croise

Lewitikɔso 12:6

“Na ngyẽa bɔ braa ne ɔfa pete ye nwo ne yie a, kyɛ baa bienzua deɛ oo, anaa baa brasua deɛ oo, odi kyɛ ɔfa ɛhemɔ brɛ ɔsɔfo ne wɔ ɛtena sua atenaleɛ ne nyunu berɛ: boaen akrɔngrɔma bɔ wali afoɛ ko bɔ ɔbaafa bɔ naen yeralɛ afɔleɛ, ɔne aborɔnoma buruwa ko anaa aborɔma ko bɔ ɔbaafa bɔ bɔne nwo afɔleɛ ɔ.

Lewitikɔso 12:8

Na sɛ braa ne nwo ngɔso boaen so a, ye de ɔ́fa mmubure nyɔ anaa mmorɔnoma buruwa nyɔ ɔ́bra; ko te naen yeralɛ afɔleɛ, yeɛ ko wora te bɔne nwo afɔleɛ; odi kyɛ ɔsɔfo ne fa yɛ mbata ma braa ne ma ye nwo fi.”

Lewitikɔso 14:30

Mmorɔma anaa mmorɔnoma buruwa bɔ sona ne nwo kɔsõ so ne, ɔsɛ kyɛ ɔsɔfo ne fa bɔ afɔleɛ.

Lewitikɔso 14:31

Nnomaa ne bɔ sona ne nwo kɔsõ so ne, ko te bɔne nwo afɔleɛ yeɛ ko koso te naen yeralɛ afɔleɛ; sona bɔ bɛwɔ so bɛte ye nwo ne, odi kyɛ ɔfa aburoo afɔleɛ boka so, ná ɔsɔfo ne ɔpata ma ye wɔ AWURADE nyunu.

Lewitikɔso 15:30

Odi kyɛ ɔsɔfo ne fa ko bɔ bɔne nwo afɔleɛ, ná ɔfa ko koso bɔ naen yeralɛ afɔleɛ; na ɔsɔfo ne kɔpata kɔma ye wɔ AWURADE nyunu, ɔnate mogya bɔ onwuni ye nyunu maa ye nwo guale fiɛ ne ati.

Lewitikɔso 16:5

Odi kyɛ ode mbɔngye nyii nyɔ fi Yisrael maen berɛ bɔ ɔfa bɔ bɔne nwo afɔleɛ ɔ, ɔne boaen nyii ko bɔ ɔfa bɔ naen yeralɛ afɔleɛ ɔ.

Lewitikɔso 27:8

Sɛ ɔnate ehiaa ti sona bɔ wabɔ anohoba ne ɔngɔhora ye ti nyɔboɛ ne tua a, odi kyɛ ɔfa sona bɔ wafa ye wabɔ anohoba ne ɔba ɔsɔfo ne nyunu maa ɔsɔfo ne pɛ ye ti nyɔboɛ. Ɔsɔfo ne kɔsesẽ nyɔboɛ ne, kyɛbɔ sona bɔ wahyɛ bɔ ne ye nwo kɔsõ so ɔ.

Lewitikɔso 5:11

“Nakoso sɛ ye nwo ngɔso mmorɔma nyɔ anaakyɛ mmorɔnoma buruwa nyɔ so a, ye de ɔnate bɔne bɔ wayɔ ne ati, ɔ́fa aburoo esam paa olonka ko ɔɔbɔ bɔne nwo afɔleɛ. Nnɛmaa ɔfa ngoo anaa ɛyɛɛ gua so, ofikyɛ ɔte bɔne nwo afɔleɛ.

Lewitikɔso 7:1

“Foɛlilɛ afɔleɛ nwo nhyehyɛleɛ ɛhe: ɔte krongron paa.

Lewitikɔso 9:3

Na ka kyire Yisraelfoɛ kyɛ, ‘Ɛ́mɔfa abɔngye nyii bɛ́bɔ bɔne nwo afɔleɛ, ná ɛ́mɔfa nandwie akrɔngrɔma ne boaen akrɔngrɔma bɔ bali afoɛ ngoko ngoko, bɔ bellili nnɛen biala ɔ bɛ́bɔ naen yeralɛ afɔleɛ.

Numeri 5:6

“Ka kyire Yisraelfoɛ kyɛ, Sɛ bienzua bie anaa brasua bie yɔ obiɛngo tɛɛ, maa ɔnate so ti ɔyɔ bɔne tia AWURADE a, sɔ sona ne di fɔ,

Numeri 6:10

Ye ɛlɛbɔtwɛ ne aso, odi kyɛ ɔfa mmubure nyɔ anaa mmorɔnoma buruwa nyɔ brɛ ɔsɔfo ne wɔ ɛtena sua atenaleɛ anoa nu berɛ.

Numeri 6:11

Odi kyɛ ɔsɔfo ne fa ko bɔ bɔne nwo afɔleɛ, ná ɔfa ko koso bɔ naen yeralɛ afɔleɛ, ná ɔpata ma ye, ofikyɛ ɔnate efuin ne ati wali fɔ. Odi kyɛ osa te ye ti ne anwo maa ɔyɛ krongron sɔ kyẽa ne ala,

Mateo 10:16

“Ɛ́mɔtie! mésoma ɛmɔ kyɛ mmoaen maa ɛmɔkɔ mbataku nu. Yiti ɛ́mɔma ɛmɔ nye la berɛ kyɛ ewoo, ná ɛ́mɔbrɛ ɛmɔ nwo ase kyɛ mmubure.

Mateo 21:12

Yesu wurale [Nyameɛ] asɔneyɛɛ sua ne anu, na ɔfoane bɛ bɔ bɛtɔne nningyein ne bɛ bɔ bɛtɔ amukoraa fili asɔneyɛɛ sua nu berɛ. Na obutubutuli sikaasesãlɛfoɛ bɛ poen nemɔ, yeɛ bɛ bɔ bɛtɔne mmorɔnoma ɔ bɛ bia mɔ.

Mateo 3:16

Mmerɛ bɔ ɔbɔle Yesu asu yiele nen, Yesu fili nzue ne anu fitele pɛ, yieee, anwuro bukyele (mane ye), na onwuni Nyameɛ Sunzum ne kyɛ abubure odwu ba ye so,

Luka 2:24

na bɛɛbɔle afɔleɛ kyɛbɔ bahã ye wɔ Awurade mmeraa ne anu ne, bɔ ɔte mmorɔma nyɔ anaa mmorɔnoma mmaa nyɔ.

2 Korintofoɛ 8:12

Na sɛ ɛmɔaye bɛ kunu kyɛ ɛmɔkɔboka a, nikyee bɔ sona le ye fa ma ne yeɛ ɔsɔ anyeɛ ɔ, na nna nikyee bɔ olle bie ne ɔ.