Lewitikɔso 5:3 - AHYERƐLƐ KRONGRON

³ Anaa sɛ ye nwo ka nikyee fiɛ biala bɔ ofi kuro sona nu a: nikyee biala bɔ ogua kuro sona nwo fiɛ, ná sɛ ɔnze po a, sɛ onya nwu ye a, okoli fɔ.

Lewitikɔso 5:3 Iomraidhean Croise

Hesekiel 44:27

na kyẽa bɔ ɔ́kɔ nekaa krongron berɛ, wɔ ye kunu dɔ aluo berɛ, kyɛ ɔkwaayɔ ɛsɔnenɛ adwuma wɔ nekaa krongron berɛ nen, odi kyɛ ɔfa ye bɔne nwo afɔleɛ ɔba, AWURADE Nyameɛ noa dwirɛ ɛne.

Lewitikɔso 13:3

Odi kyɛ ɔsɔfo ne neanea nekaa bɔ anwonyerɛ ne agua ye ne; na sɛ berɛ nwiaa ne ayɛ hoyaa, ná berɛ ne adidi ahɔ nu atra ye nwonaen ngaa ne a, ye de né ɔte kwata anwonyerɛ; sɛ ɔsɔfo ne neanea ye nwo yie a, odi kyɛ ɔfa to dwaa kyɛ sɔ sona ne nwo nde.

Lewitikɔso 5:2

Anaakyɛ sɛ ebie nwo ka nikyee biala bɔ ye nwo nde: sɛ kaka bɔ ye nwo nde fuin ahɔ oo, anaa ayɛmmoa bɔ ye nwo nde fuin ahɔ oo, anaa kaka bɔ ɔtwe ye nwo ase bɔ ye nwo nde fuin ahɔ oo, maa ɔnate so ye nwo gua fiɛ a, ɔwɔ nu kyɛ ɔnze de, nakoso odi fɔ.

Lewitikɔso 5:4

Anaa sɛ ebie bukye ye noa, ná ɔpere ye nwo hyɛ bɔ nikyee bie anwo a, kyɛ paa oo, anaa tɛɛ oo, ndaen biala bɔ sona perepere ye nwo ɔta ne, sɛ ɔnze po a, sɛ onya nwu ye a, okoli nu biala nwo fɔ.

Lewitikɔso 7:21

Na sɛ ebiala nwo ka nikyee bɔ ye nwo nde: sɛ nikyee fiɛ bɔ ofi sona nu oo, anaa kaka bɔ ye nwo nde oo, anaa abɔdeɛ biala bɔ ye nwo nde oo, na sɛ odi AWURADE asomdwee afɔleɛ naen ne bie a, odi kyɛ bɛpɛ sɔ sona ne asue befi maen ne anu.”

Numeri 19:22

Sona bɔ ye nwo nde ne, nikyee biala bɔ ye nwo kɔha ye ne, sɔ nikyee ne nwo kogua fiɛ, na ebiala bɔ ye nwo kɔha sɔ nikyee ne, ye nwo kogua fiɛ maa okoodwu nɔsoa.”