Lewitikɔso 5:2 - AHYERƐLƐ KRONGRON

² Anaakyɛ sɛ ebie nwo ka nikyee biala bɔ ye nwo nde: sɛ kaka bɔ ye nwo nde fuin ahɔ oo, anaa ayɛmmoa bɔ ye nwo nde fuin ahɔ oo, anaa kaka bɔ ɔtwe ye nwo ase bɔ ye nwo nde fuin ahɔ oo, maa ɔnate so ye nwo gua fiɛ a, ɔwɔ nu kyɛ ɔnze de, nakoso odi fɔ.

Lewitikɔso 5:2 Iomraidhean Croise

Edwein 19:12

Nwa yeɛ ye nye kora ba ye nwo so wɔ ye bɔbɔ ye mvomsoɛ nwo ɔ? Me mvomsoɛ bɔ wafea me ne, fa kyɛ me.

Yesaya 52:11

Ɛmɔ bɔ ɛmɔsoa AWURADE ngukue nemɔ ne, ɛmɔhɔ, ɛmɔhɔ, ɛmɔfi berɛ bɛhɔ, nnɛma ɛmɔfa ɛmɔ nwo bɛkã nikyee biala bɔ ye nwo nde ɔ; ɛ́mɔfi ye nu béfite bɛhɔ, ɛ́mɔte ɛmɔ nwo.

Lewitikɔso 11:11

Bɛkɔhɔ so bɛkɔyɛ akyiwadeɛ; nnɛma ɛmɔdi bɛ naen, ná bɛ fuin koso ɛ́mɔbu ye akyiwadeɛ.

Lewitikɔso 11:8

Nnɛma ɛmɔdi bɛ naen, yeɛ bɛ fuin koso nnɛma ɛmɔsɔ nu; bɛ nwo nde mma ɛmɔ.

Lewitikɔso 4:13

“Na sɛ Yisrael ama mukoraa bammoapa ná bɛyɔ bɔne, ná sɛ bɔne ne ɔfea mmenia ne amu a, sɛ bɛyɔ nningyein bɔ AWURADE abra bɛ kyɛ nnɛmaa bɛyɔ ne anu biala, ná yiti bedi ye nwo fɔ a,

Lewitikɔso 5:17

“Sɛ ebie yɔ bɔne, kyɛ ɔyɔ nningyein bɔ Nyameɛ abra kyɛ nnɛmaa bɛyɔ ne anu biala nwo a, sɛ ɔnze po a, odi ye nwo fɔ, na ye musue kɔbɔ ye ti so.

Lewitikɔso 5:3

Anaa sɛ ye nwo ka nikyee fiɛ biala bɔ ofi kuro sona nu a: nikyee biala bɔ ogua kuro sona nwo fiɛ, ná sɛ ɔnze po a, sɛ onya nwu ye a, okoli fɔ.

Lewitikɔso 5:4

Anaa sɛ ebie bukye ye noa, ná ɔpere ye nwo hyɛ bɔ nikyee bie anwo a, kyɛ paa oo, anaa tɛɛ oo, ndaen biala bɔ sona perepere ye nwo ɔta ne, sɛ ɔnze po a, sɛ onya nwu ye a, okoli nu biala nwo fɔ.

Lewitikɔso 7:21

Na sɛ ebiala nwo ka nikyee bɔ ye nwo nde: sɛ nikyee fiɛ bɔ ofi sona nu oo, anaa kaka bɔ ye nwo nde oo, anaa abɔdeɛ biala bɔ ye nwo nde oo, na sɛ odi AWURADE asomdwee afɔleɛ naen ne bie a, odi kyɛ bɛpɛ sɔ sona ne asue befi maen ne anu.”

Hagae 2:13

Yeɛ Hagae bisale kyɛ, “Sɛ ebie fa ye nwo kã efuin maa ɔnate so ye nwo gua fiɛ, ná ɔfa ye nwo kã sɔ nningyein nemɔ anu bie a, aso sɔ nikyee ne nwo agua efiɛ anaa?” Yeɛ asɔfo nemɔ buale kyɛ, “Yoo, ye nwo agua fiɛ.”

Numeri 19:22

Sona bɔ ye nwo nde ne, nikyee biala bɔ ye nwo kɔha ye ne, sɔ nikyee ne nwo kogua fiɛ, na ebiala bɔ ye nwo kɔha sɔ nikyee ne, ye nwo kogua fiɛ maa okoodwu nɔsoa.”

Luka 11:44

Ɛmɔ yaakɔ! Ofikyɛ, ɛmɔte kyɛ asieleɛ mɔ bɔ bennwu bɛ, bɔ mmenia nate so nakoso bɛnze ɔ.”

2 Korintofoɛ 6:17

Yiti Awurade nwa nyoo: “Ɛ́mɔfi bɛ nu befite, ná ɛmɔhwe ɛmɔ nwo béfi bɛ nwo; nnɛma ɛmɔfa ɛmɔ nwo bɛkã nikyee bɔ ye nwo nde ɔ, na ngole ɛmɔ.

Deuteronomi 14:8

Prako koso, ofikyɛ ye gya mbaboa ne anu apakye de, nakoso ombu ye aleɛ nza mbesa. Yiti ye nwo nde mma ɛmɔ. Nnɛma ɛmɔdi ye naen, yeɛ nnɛma ɛmɔka ye fuin.