Lewitikɔso 5:16 - AHYERƐLƐ KRONGRON

¹⁶ Na krongron nikyee bɔ wayɔ ye nwo bɔne ne, odi kyɛ ɔfa sɔ nikyee ne bie osi ye gya nu; odi kyɛ ɔbɔ ye nwo nnu nu ngyɛmuɛ ko na ɔ́fa ma ɔsɔfo ne, na ɔsɔfo ne kɔfa foɛlilɛ afɔleɛ boaen nyii ne kɔpata kɔma ye, na Nyameɛ kɔfa ye bɔne kɔhyɛ ye.

Lewitikɔso 5:16 Iomraidhean Croise

Edwein 69:4

Bɛ bɔ bɛpɔ me mbaen ne, bɛsone bɛtra me ti nwiaa; bɛ bɔ bɛpena me beku me, bɔ bɛ yeɛ bɛpɛ edwirɛ bɛto me so ne, bɛ nwo yɛ se. Nikyee bɔ nnwuale ɔ, aso odi kyɛ mefa bie mesi ye gya nu?

Ɛksadɔso 22:1

“Sɛ ebie wua nandwie anaa boaen, ná oku ye, anaa ɔyɛ ye atɔen a, ɔsɛ kyɛ ɔfa nandwie nnu tua nandwie ko ne kerɛ, ná ɔfa mmoaen nna tua boaen ko ne kerɛ. Ɔsɛ kyɛ awueniɛ ne tua mbata, nakoso sɛ wangora ye tua a, ye de ɔsɛ kyɛ bɛyɛ ye atɔen betua kerɛ.

Lewitikɔso 22:14

Na sɛ ebie di akyɛdeɛ krongron ne bie, ná ɔnze kyɛ ɔte akyɛdeɛ krongron a, odi kyɛ ɔfa akyɛdeɛ krongron ne bie si ye gya nu pɛpɛɛpɛ; odi kyɛ osa fa nnu nu ngyɛmuɛ ko ɔboka so ná ɔ́fa ma ɔsɔfo ne.

Lewitikɔso 27:13

Nakoso sɛ kaka ne mene kuro kyɛ ɔpɔ kaka ne a, odi kyɛ ye nyɔboɛ ne, ɔfa nnu nu ngyɛmuɛ ko ɔboka so.

Lewitikɔso 27:15

Na sɛ sona bɔ otuli awuro ne siele berɛ mane AWURADE ne, okuro kyɛ ɔpɔ awuro ne a, odi kyɛ ye nyɔboɛ ne, ɔfa nnu nu ngyɛmuɛ ko ɔboka so, maa osa bayɛ ye deɛ.

Lewitikɔso 27:27

Sɛ ɔte kaka bɔ ye nwo nde a, ye de sese ye nyɔboɛ, ná ma ye mene ne ɔfa nnu nu ngyɛmuɛ ko ɔboka so ɔpɔ ye; sɛ wambɔ ye a, odi kyɛ bɛtɔne ye kyɛbɔ asi asese ye nyɔboɛ ne ala.

Lewitikɔso 27:31

Na sɛ ebie kuro kyɛ osa fa ye buru nu ngyɛmuɛ ko ne anu bie a, ye de odi kyɛ ye nyɔboɛ ne, ɔfa nnu nu ngyɛmuɛ ko ɔboka so.

Lewitikɔso 4:20

Kyɛbɔ ɔfale bɔne nwo afɔleɛ nandwie nyii ne yɔle ne, sɔ ala yeɛ ɔsɛ kyɛ ɔfa sɔ nandwie ne ɔyɔ ɔ. Ɔsɔfo ne kɔpata kɔma bɛ, ná Nyameɛ kɔfa bɛ bɔne kɔhyɛ bɛ.

Lewitikɔso 4:26

Odi kyɛ ɔyera ye loe ne amu wɔ afɔleɛ bokyea ne aso kyɛbɔ ɔyerale asomdwee afɔleɛ ɛloe nen. Ɔsɔfo ne kɔpata wɔ sona ne bɔne nwo kɔma ye, na Nyameɛ kɔfa ye bɔne kɔhyɛ ye.

Lewitikɔso 5:10

Odi kyɛ ɔsɔfo ne fa anomaa bɔ ɔtɔ so nyɔ ne ɔbɔ naen yeralɛ afɔleɛ, kyɛbɔ nhyehyɛleɛ ne te ɔ. Ɔsɔfo ne ɔ́pata ma ye wɔ bɔne bɔ wayɔ ne anwo, na Nyameɛ kɔfa ye bɔne kɔhyɛ ye.

Lewitikɔso 5:13

Yiti ɔsɔfo ne kɔpata kɔma ye wɔ bɔne bɔ wayɔ wɔ ɛhemɔ biala nu ɔ, na Nyameɛ kɔfa ye bɔne kɔhyɛ ye. Afɔleɛ ne ngaa ne koso kɔyɛ ɔsɔfo ne deɛ, kyɛ aburoo afɔleɛ ne ala.

Lewitikɔso 5:6

ná ɔ́fa ye foɛlilɛ afɔleɛ ɔbrɛ AWURADE, ɔnate bɔne bɔ wayɔ ne ati. Odi kyɛ ɔfa boaen beleɛ anaa abɔngye beleɛ ɔbɔ foɛlilɛ afɔleɛ, na ɔsɔfo ne kɔsrɛ mbata kɔma ye, ɔnate ye bɔne ti.

Lewitikɔso 7:2

Nekaa bɔ beku naen yeralɛ afɔleɛ ngaka ne, berɛ yeɛ odi kyɛ beku foɛlilɛ afɔleɛ kaka ne ɔ, na odi kyɛ behwie ye mogya ne begua afɔleɛ bokyea ne anwo bɛbra beyia.

Numeri 5:7

na odi kyɛ sɔ sona ne ka bɔne bɔ wayɔ ne. Odi kyɛ ɔfa nikyee si ye gya nu otua kerɛ; ósa fa nnu nu ngyɛmuɛ ko boka so ná ɔfa ma sona bɔ wayɔ ye tɛɛ ne.

Numeri 5:8

Sona bɔ bayɔ ye tɛɛ ne, sɛ wawu ná olle abusuaniɛ kaenn biala bɔ bɛkɔfa nikyee bɔ bɛfa besi ye gya nu ne bɛkɔma ye a, ye de sɔ nikyee ne te AWURADE deɛ, na odi kyɛ bɛfa bɛma ɔsɔfo ne. Mbata boaen nyii bɔ bɛkɔfa bɛkɔpata bɛkɔma sona bɔ wayɔ tɛɛ ne, bɛ́fa bɛ́boka so.

Luka 19:8

Yeɛ Sakeo dwɔso gyinane, na osele Awurade kyɛ, “Ao, Awurade, mefa m’anwonyadeɛ bue mekyɛ ehiafoɛ; na sɛ mafa aminɛlilɛ so male ebie nikyee a, ngɔbɔ ye nwo pɛen nna ngotua ye kerɛ.”

Asomafoɛ 26:20

Na nnili moa ngane edwirɛ ne wɔ Damasko, afei Yerusalem, ɔne Yudea maen ne anu mukoraa, ɔne Amaenmaensofoɛ nu; kyɛ bɛsakyera b’adwene bɛbra Nyameɛ berɛ na bɛbɔ bra bɔ okyire kyɛ basakyera b’adwene ɔ.

1 Samuel 6:3

Na bebuale kyɛ, “Sɛ ɛmɔye Yisrael Nyameɛ apam alaka ne befi wa bɛkɔ a, ye de nnɛma ɛmɔfa ye mbaen bɛkɔ, na mmom ɔsɛ kyɛ ɛmɔfa foɛlilɛ afɔleɛ bɛboka so bɛkɔma ye. Na ɛhe kɔma ɛmɔ anwonyerɛ ne kɔhɔ, na ɛmɔkonwu bɔ yiti yeɛ ɔmma ye amaneɛ piri paa he omvi ɛmɔ so ye.”