Lewitikɔso 5:15 - AHYERƐLƐ KRONGRON

¹⁵ “Sɛ ɛmɔ nu bie yɔ bɔne, bɔ ɔyɔ bɔne fa AWURADE nningyein krongron ne anu biala nwo, ná sɛ sɔ sona ne ɔnze kyɛ wayɔ bɔne a, odi kyɛ ɔfa mmoaen kure ne anu boaen nyii ko bɔ ollili nnɛen biala ɔ ɔbɔ foɛlilɛ afɔleɛ ma AWURADE. Pɛ ye nyɔboɛ ne wɔ sikaa nu, kyɛbɔ nekaa krongron berɛ sekel te ɔ; ɔte foɛlilɛ afɔleɛ.

Lewitikɔso 5:15 Iomraidhean Croise

2 Ahemvo 12:16

Foɛlilɛ afɔleɛ, ɔne bɔne nwo afɔleɛ esikaa ne de, bamva bangɔ AWURADE awuro berɛ bie; né ɔte asɔfo nemɔ deɛ.

Ɛsra 10:19

Bɛhyɛle ɛbɔ kyɛ bɛkɔfoa bɛ ye nemɔ maa bekofi bɛ nu bɛkɔhɔ. Belele bɛ mvomsoɛ bɛtole nu, na bɛfale boaen nyii ko bɛbɔle mvomsoɛ afɔleɛ.

Ɛksadɔso 30:13

Ebiala bɔ bɛkɔha ye wɔ mmeniahalɛ ne anu ne, sɔaa yeɛ okotua ɔ: sekel bue, kyɛbɔ nekaa krongron berɛ sekel te ɔ, (sekel ko te gyera aburanyɔ.) Sɔ sekel bue ne te afɔleɛbɔlɛ nikyee ma AWURADE.

Hesekiel 40:39

Na abrannaa so berɛ anoa piri ne anu, né ɛpoen nyɔ gyigyi bue ko, yeɛ nyɔ koso begyigyi bue ko, bɔ so yeɛ beku naen yeralɛ afɔleɛ, bɔne nwo afɔleɛ ne foɛlilɛ afɔleɛ ngaka nemɔ ɔ.

Lewitikɔso 1:10

“Akyɛdeɛ bɔ sona ne ɔbaafa bɔ naen yeralɛ afɔleɛ ne, sɛ ofi mmoaen kure anaa mbɔngye kure ne anu a, odi kyɛ ɔfa nyii bɔ ollili nnɛen biala ɔ.

Lewitikɔso 1:3

“Sɛ ye afɔleɛ ne te naen yeralɛ afɔleɛ bɔ ofi nandwie kure ne anu a, odi kyɛ ɔfa nyii bɔ ollili nnɛen biala ɔ; odi kyɛ ɔbɔ afɔleɛ ne wɔ ɛtena sua atenaleɛ anoa nu berɛ, amaa AWURADE ale ye ato nu.

Lewitikɔso 14:12

Odi kyɛ ɔsɔfo ne fa mmoaen akrɔngrɔma nyii nemɔ anu ko ɔboka ngoo towaa ko so, ná ɔfa bɔ bɔne nwo afɔleɛ. Odi kyɛ ɔpagya so fa bɔ ɛnwahanɛ afɔleɛ wɔ AWURADE nyunu.

Lewitikɔso 27:3

Bienzua biala bɔ wali afoɛ aburanyɔ bɔ ɔkwaadwu aburasia ne, ye ti nyɔboɛ te ɛdwetɛ sekel aburannu, kyɛbɔ nekaa krongron sekel te ɔ.

Lewitikɔso 4:2

“Ka kyire Yisraelfoɛ kyɛ, ‘Nningyein bɔ AWURADE akanzo ɛmɔ kyɛ nnɛma ɛmɔyɔ ne, sɛ ebie ɔyɔ nu biala, bɔ sɔ sona ne ɔnze kyɛ wayɔ bɔne a,

Lewitikɔso 5:14

Na AWURADE sele Mose kyɛ,

Lewitikɔso 5:16

Na krongron nikyee bɔ wayɔ ye nwo bɔne ne, odi kyɛ ɔfa sɔ nikyee ne bie osi ye gya nu; odi kyɛ ɔbɔ ye nwo nnu nu ngyɛmuɛ ko na ɔ́fa ma ɔsɔfo ne, na ɔsɔfo ne kɔfa foɛlilɛ afɔleɛ boaen nyii ne kɔpata kɔma ye, na Nyameɛ kɔfa ye bɔne kɔhyɛ ye.

Lewitikɔso 5:18

Odi kyɛ ɔfa mmoaen kure ne anu boaen nyii bɔ ollili nnɛen biala ɔ ɔbrɛ ɔsɔfo, kyɛbɔ ɛnea a, ye nyɔboɛ fata foɛlilɛ afɔleɛ ɔ, na ɔsɔfo ne kɔpata kɔma ye wɔ mvomsoɛ bɔ wayɔ na ɔnze kyɛ wayɔ ne anwo, na Nyameɛ kɔfa kɔhyɛ ye.

Lewitikɔso 6:6

Na odi kyɛ ɔfa ye foɛlilɛ nwo afɔleɛ bɔ ɔfa ma AWURADE ne ɔbrɛ ɔsɔfo: mmoaen kure ne anu boaen nyii bɔ ollili nnɛen biala ɔ, kyɛbɔ ɛnea ye nyɔboɛ fata foɛlilɛ afɔleɛ ɔ.

Lewitikɔso 7:1

“Foɛlilɛ afɔleɛ nwo nhyehyɛleɛ ɛhe: ɔte krongron paa.

Lewitikɔso 7:6

Bienzua biala bɔ ɔwɔ asɔfo abusua kure ne anu ne, ɔkora di bie; odi kyɛ bedi ye wɔ nekaa bɔ ɔte krongron ɔ; ɔte krongron paa.

Numeri 15:24

ná sɛ ɛmɔanhyɛ da yeɛ ɛmɔbuli so bɔ maen ne nze ye nwo hwee a, ye de odi kyɛ maen ne amukoraati bɛfa nandwie nyii akrɔngrɔma ko bɛbɔ naen yeralɛ afɔleɛ, bɔ ɔbo AWURADE fona ɔ. Odi kyɛ bɛfa ye nwo aburoo afɔleɛ ɔne ye nwo anonneɛ afɔleɛ bɛboka so, kyɛbɔ nhyehyɛleɛ ne te ne, ná bɛ́fa abɔngye nyii ko bɛ́bɔ bɔne nwo afɔleɛ.

Numeri 5:5

AWURADE sele Mose kyɛ,

Numeri 5:8

Sona bɔ bayɔ ye tɛɛ ne, sɛ wawu ná olle abusuaniɛ kaenn biala bɔ bɛkɔfa nikyee bɔ bɛfa besi ye gya nu ne bɛkɔma ye a, ye de sɔ nikyee ne te AWURADE deɛ, na odi kyɛ bɛfa bɛma ɔsɔfo ne. Mbata boaen nyii bɔ bɛkɔfa bɛkɔpata bɛkɔma sona bɔ wayɔ tɛɛ ne, bɛ́fa bɛ́boka so.

Deuteronomi 12:26

Nakoso wɔ ndoboa krongron bɔ ɔsɛ kyɛ ɛfa bɔ afɔleɛ ne, ɔne w’aboadeɛ afɔleɛ ne de, fa kɔ nekaa bɔ AWURADE kɔneanea nu kɔye kosie berɛ ne.

1 Samuel 6:3

Na bebuale kyɛ, “Sɛ ɛmɔye Yisrael Nyameɛ apam alaka ne befi wa bɛkɔ a, ye de nnɛma ɛmɔfa ye mbaen bɛkɔ, na mmom ɔsɛ kyɛ ɛmɔfa foɛlilɛ afɔleɛ bɛboka so bɛkɔma ye. Na ɛhe kɔma ɛmɔ anwonyerɛ ne kɔhɔ, na ɛmɔkonwu bɔ yiti yeɛ ɔmma ye amaneɛ piri paa he omvi ɛmɔ so ye.”