Lewitikɔso 5:1 - AHYERƐLƐ KRONGRON

¹ “Sɛ ebie nye tua edwirɛ bie, anaakyɛ ɔte edwirɛ bie, ná bɛfrɛ ye kyɛ ooli ye nwo adanzeɛ, ná wangɔ maa ɔnate so ɔyɔ bɔne a, ye musue kɔbɔ ye ti so.

Lewitikɔso 5:1 Iomraidhean Croise

1 Ahemvo 22:16

Nakoso Nana Ahabo bisale Mikaya kyɛ, “Pɛen nyɛɛ yeɛ odi kyɛ memaa ɛta ndaen kyɛ AWURADE dumaa nu edwirɛ nahorɛ ngome yeɛ ɛkɔhã kohyire me ɔ?”

1 Ahemvo 8:31

“Sɛ ebie yɔ obiɛngo bɔne, ná bɛkã kyɛ ɔta ndaen a, sɛ ɔba w’afɔleɛ bokyea ne anyunu wɔ sua ye anu ɔbata ndaen a,

2 Aberɛso Dwirɛ 18:15

Nakoso Nana Ahabo bisale Mikaya kyɛ, “Nea, pɛen nyɛɛ yeɛ odi kyɛ memaa ɛta ndaen kyɛ AWURADE dumaa nu edwirɛ nahorɛ ngome yeɛ ɛkɔhã kohyire me ɔ?”

Edwein 38:4

Ofikyɛ m’amumuyɛɛ abungam afa me so; na nu nonɛ obu me kɔme anu.

Ɛksadɔso 22:11

ɔsɛ kyɛ bɛ munyɔ bɛta ndaen wɔ AWURADE nyunu; ná ɔsa ye nwo kyɛ ɔyyɔle obiɛngo kaka ne hwee. Ɔsɛ kyɛ kaka ne mene pene so, na ɔnzɛ kyɛ ode obiɛngo ne berɛ.

Anyandera 29:24

Ebiala bɔ ɔne awueniɛ bekotu nu ne, ɔpɔ ye bɔbɔ ye kra, ɔte amoenwaa ne de, nakoso ɔnga nahorɛ.

Anyandera 30:9

amaa ɔnate so mannya me nwo tam, ná mambo wɔ manga kyɛ, “Nwa ole AWURADE?” Afei koso, ná wanhia me ma manwua, ná mamva fiɛ manga me Nyameɛ dumaa.

Yesaya 53:11

Okonwu ye kra amaneɛnwunɛ ne aso mvasoɛ maa ye ahone kɔtɔ ye kunu, na m’akoaa teneneeniɛ ne, ye nimdeɛ yeɛ ɔkɔfa kobua mmeni pee be ɔ, ofikyɛ ye yeɛ ɔkɔsoa b’amumuyɛɛ ɔ.

Yeremia 23:10

Ofikyɛ agyaasɛkyelɛfoɛ bayi aseɛ ne aso to; ɔnate ɛnomalɛ ne ati, aseɛ ne bɔ awuye, na ɛserɛ ne aso nekaa bɔ ngaka didi ne, berɛ ayɛ pralaa. B’atee te bɔne, na b’anwoserɛ ne ɔtte mayee.

Hesekiel 18:20

Ɛkra biala bɔ ɔyɔ bɔne ne, ye yeɛ okowu ɔ. Baa ngonya ye baba amumuyɛɛ nwo asohwenɛ, yeɛ baba ngonya ɔwa amumuyɛɛ nwo asohwenɛ. Sona bɔ ɔtengyɛ ne, okonya ye tengyɛlɛ nwo akatuaa, yeɛ bɔnefoɛ koso, okonya ye bɔne nwo akatuaa.

Hesekiel 18:4

Ɛ́mɔtie, mmenia mukoraa bɛ kra te me deɛ. Na kyɛbɔ baba kra te me deɛ ne, sɔ ala yeɛ baa kra koso ɔte me deɛ ɔ: ɛkra bɔ ɔyɔ bɔne ne, ye yeɛ okowu ɔ.

Lewitikɔso 17:16

Nakoso sɛ wambo ye ndaadeɛ anaakyɛ wammia a, ye de, ye musue kɔbɔ ye ti so.

Lewitikɔso 19:8

Ebiala bɔ okoli bie ne, ye musue kɔbɔ ye ti so, ofikyɛ wafa efiɛ waha bɔ ɔte krongron ma AWURADE; na sɔ sona ne odi kyɛ bɛpɛ ye asue befi maen ne anu.

Lewitikɔso 20:17

“Sɛ bienzua bie fa oliɛma brasua bɔ ɔte ɔse awa anaa oni awa, ná ɔne ye bɛda fa ye yɛ ɔye, ma brasua ne wora fa ye yɛ ohu a, ɔte animguaseɛ; odi kyɛ bɛpɛ bɛ asue befi bɛ maen nu, bɔ bɛ maen ne anu ama nye tua bɛ ɔ. Ɔne oliɛma bala, odi kyɛ bɛtwe ye so.

Lewitikɔso 4:2

“Ka kyire Yisraelfoɛ kyɛ, ‘Nningyein bɔ AWURADE akanzo ɛmɔ kyɛ nnɛma ɛmɔyɔ ne, sɛ ebie ɔyɔ nu biala, bɔ sɔ sona ne ɔnze kyɛ wayɔ bɔne a,

Lewitikɔso 5:15

“Sɛ ɛmɔ nu bie yɔ bɔne, bɔ ɔyɔ bɔne fa AWURADE nningyein krongron ne anu biala nwo, ná sɛ sɔ sona ne ɔnze kyɛ wayɔ bɔne a, odi kyɛ ɔfa mmoaen kure ne anu boaen nyii ko bɔ ollili nnɛen biala ɔ ɔbɔ foɛlilɛ afɔleɛ ma AWURADE. Pɛ ye nyɔboɛ ne wɔ sikaa nu, kyɛbɔ nekaa krongron berɛ sekel te ɔ; ɔte foɛlilɛ afɔleɛ.

Lewitikɔso 5:17

“Sɛ ebie yɔ bɔne, kyɛ ɔyɔ nningyein bɔ Nyameɛ abra kyɛ nnɛmaa bɛyɔ ne anu biala nwo a, sɛ ɔnze po a, odi ye nwo fɔ, na ye musue kɔbɔ ye ti so.

Lewitikɔso 7:18

Sɛ ebie di asomdwee afɔleɛ naen ne bie ye ɛlɛsa ne aso a, afɔleɛ ne ngɔsɔ Nyameɛ nye, yeɛ Nyameɛ ngole sona bɔ ɔbɔle ne ngɔto nu; naen ne te akyiwadeɛ na sona bɔ okoli ne, ye musue kɔbɔ ye ti so.

Numeri 9:13

Nakoso ebiala bɔ ye nwo te, bɔ ottuli atee, nakoso wanni Abɔtra aluolue ne bie ne, odi kyɛ bɛpɛ ye asue befi ye mmenia nu, ofikyɛ wamva AWURADE afɔleɛ wammrɛ ye wɔ mmerɛ bɔ AWURADE ahyɛ ɔ nu. Sɔ sona ne, ye bɔne kɔbɔ ye ti so.

Mateo 26:63

Nakoso Yesu yɛle dinn. Yeɛ ɔsɔfo panyi paa ne sele ye kyɛ, “Mefa Nyameɛ teasefoɛ ne meta ndaen megua wɔ so kyɛ, sɛ wɔ ole Kristo ne, Nyameɛ Awa ne a, kã kyire yɛ.”

1 Petro 2:24

Ye bɔbɔ yeɛ ɔsoale yɛ bɔne wɔ ye nipadua nu hɔle bakaa ne aso ɔ, kyɛ, sɛ yawu yafi bɔne nu de a, ɔsɛ kyɛ yɛtena ase yɛma tenenee. Na ye nwo beabealɛ ne yeɛ wafa wasa ɛmɔ anwonyerɛ ɔ.

Maenbulɛfoɛ 17:2

Osele oni kyɛ, “Ɛdwetɛ apee ko ɛyaa ko bɔ ebie wuale fili wɔ berɛ, bɔ ɛwale ye nwo amoen maa me bɔbɔ ndele me so anu ne, sɔ ɛdwetɛ ne, ɔwɔ me berɛ. Me yeɛ mvale ɔ, nakoso afei de ngosa ngɔfa ngɔma wɔ.” Na ye maame sele kyɛ, “AWURADE, yira mma ye!”