Lewitikɔso 4:4 - AHYERƐLƐ KRONGRON

⁴ Odi kyɛ ɔfa nandwie nyii ne ɔba AWURADE nyunu wɔ ɛtena sua atenaleɛ anoa nu berɛ. Odi kyɛ ɔfa ye sa to nandwie ne ti so, ná oku nandwie ne wɔ AWURADE nyunu.

Lewitikɔso 4:4 Iomraidhean Croise

2 Aberɛso Dwirɛ 29:23

Na mbɔngye nyii bɔ bɛfa bɛbɔ bɔne nwo afɔleɛ ne, bɛfa bɛwale Nana Hesekia ne maen ne anyunu maa bɛfale bɛ sa beguale bɛ so.

Yesaya 53:6

Yɛ mukoraa yali makyebu kyɛ mmoaen, yɛ nu biala wamakye wafa ye bɔbɔ ye atee deɛ so, na AWURADE aprapra yɛ mukoraa yɛ amumuyɛɛ wagua ye so.

Daniel 9:26

Na afoɛ nzoo sɔ alaa aburasia ne nyɔ ne asi ne, bekohã bɔ bapopa ye ngoo ne, bɔ ebiala ngɔpepɛ ngole ye ɔ. Na afei katakyie bie bɔ ɔbaawa ne, ye lɔen ne kɔsɛkye kuro ne ne nekaa krongron ne. Ye ayieleɛ kɔwa ye so ndɛndɛ so, koɛ kɔhɔ so koodwu sɔ mmerɛ n’ayieleɛ, mmerɛ bɔ bahyehyɛ amaneɛ wɔ nu ne.

Lewitikɔso 16:21

Afei odi kyɛ Aarɔn fa ye sa munyɔ gua abɔngye bɔ ɔte ngoa nu ne ye ti afia, ná ɔka Yisraelfoɛ amumuyɛɛ amukoraa, bɛ mmeraatolɛ amukoraa ɔne bɛ bɔne amukoraa gua abɔngye ne aso, ná ɔprapra ye mukoraati gua ye so. Odi kyɛ ɔyakyi abɔngye ne ma bienzua bie bɔ bafa sɔ adwuma ne bawura ye sa maa berɛ ne ala ɔkɔyakyi kaka ne eburo maa ɔkɔ.

Lewitikɔso 4:15

Odi kyɛ maen mbanyi nemɔ, bɛfa bɛ sa bɛto nandwie ne ti afia wɔ AWURADE nyunu, ná beku nandwie ne wɔ AWURADE nyunu.

Lewitikɔso 4:29

Ɔsɛ kyɛ ɔfa ye sa to bɔne nwo afɔleɛ ne ti afia, ná oku ye wɔ nekaa bɔ bɛbɔ naen yeralɛ afɔleɛ nen.

Lewitikɔso 8:14

Mose fale bɔne nwo afɔleɛ nandwie nyii ne wale anyunu berɛ; na Aarɔn ne ye mma mmienzua nemɔ fale bɛ sa guale bɔne nwo afɔleɛ nandwie nyii ne ti afia.

Numeri 8:12

Ɔsɛ kyɛ Lewifoɛ mɔ bɛfa bɛ sa begua nandwie nyii nemɔ ti afia; ná Aarɔn ɔ́fa ko ɔ́bɔ bɔne nwo afɔleɛ, ná ɔ́fa ko koso ɔ́bɔ naen yeralɛ afɔleɛ ma AWURADE, ná ɔfa pata ma Lewifoɛ mɔ.

1 Petro 3:18

Ofikyɛ Kristo koso nwuni bɔne nwo amaneɛ pɛenko; ye bɔ ɔtengyɛ ne, onwuni amaneɛ mane bɛ bɔ bɛndengyɛ ɔ, amaa ɔnate so wafa yɛ wahɔ Nyameɛ berɛ. Behuni ye wɔ anwoɔnaen nu, nakoso bɛfale ye bɛwale ngoa nu wɔ Sunzum nu,