Lewitikɔso 4:31 - AHYERƐLƐ KRONGRON

³¹ Na odi kyɛ ɔye ye loe ne amu, kyɛbɔ bɛye ɛloe befi asomdwee afɔleɛ nu ne, na ɔsɔfo ne ɔ́yera ye wɔ afɔleɛ bokyea ne aso maa ɔ́yɛ nikyee bɔ ɔbo AWURADE fona ɔ. Ɔsɔfo ne kɔpata kɔma ye, na Nyameɛ kɔfa ye bɔne kɔhyɛ ye.

Lewitikɔso 4:31 Iomraidhean Croise

Gyenesise 8:21

Na AWURADE tele afɔleɛ ne fona nen, ɔhane ye ye ti anu kyɛ, “Ɔnate kuro sona ti mengɔnoma aseɛ ko, ofikyɛ sona ti anu nzusuleɛ te bɔne fite ye ngwadaa nu; na sɔ ala yeɛ mengɔsɛkye abɔdeɛ biala ko kyɛbɔ mayɔ ye ɔ.”

Ɛsra 6:10

amaa ɔnate so babɔ afɔleɛ fonafona bama nyameɛso Nyameɛ ne, ná babɔ mbaeɛ bama me, ɛhene ne me mma.

YOB NWOMAA NE 42:8

Yiti ɛ́mɔfa nandwie nyii nzoo ne mmoaen nyii nzoo, ná ɛmɔhɔ me somvoɛ Yob berɛ bɛɛbɔ ɛmɔ ti naen yeralɛ afɔleɛ. Me somvoɛ Yob kɔbɔ mbaeɛ kɔma ɛmɔ, ofikyɛ ngotie ye mbaeɛ, na mengogyina ɛmɔ ngwaseasɛm ne aso me ne ɛmɔ ngoli. Ofikyɛ ɛmɔanga me nwo dwirɛ nahorɛ nu, kyɛbɔ me somvoɛ Yob de waha ye nahorɛ nu ne.”

Ɛksadɔso 29:18

Yera boaen nyii mumua ne wɔ afɔleɛ bokyea ne aso. Ɔte naen yeralɛ afɔleɛ ma AWURADE. Ɔte nikyee fonafona, ɔte afɔleɛ bɔ bɛbɔ ye see so bɛma AWURADE ɔ.

Yesaya 42:21

Na ɔnate kyɛ AWURADE tengyɛ ne ati, ye nye gyele kyɛ ɔkɔpagya mmeraa ne maa okonya animnyam ɔ.

Yesaya 53:10

Nakoso né AWURADE kuro kyɛ odwiridwiri ye nwo ɔ, na ɔfale ye fale yealɛ nu. Na ɔnate kyɛ ɔfale ye kra bɔle bɔne nwo afɔleɛ ne ati, okonwu ye bosofoɛ, okonya ngoa tendenn, na ɔnate ye so yeɛ bɔ AWURADE kuro ne, ɔkɔwa nu ɔ.

Lewitikɔso 1:13

Nakoso ye kunu nningyein ne ye gya ne de, ɔ́fa nzue ónwunzi bɛ nwo. Odi kyɛ ɔsɔfo ne, ɔfa ye mukoraati ɔyera ye wɔ afɔleɛ bokyea ne aso. Ɔte naen yeralɛ afɔleɛ; ɔte afɔleɛ bɔ bɛbɔ ye see so bɛma AWURADE ná ɔbo ye fona ɔ.

Lewitikɔso 1:17

Na odi kyɛ ɔsɔ ye ndaa nemɔ anu osua ye nu, bɔ koso ɔmma ye nu nde koraa ɔ. Afei ɔsɔfo ne ɔ́yera ye wɔ afɔleɛ bokyea ne aso wɔ eyein bɔ ogua see ne aso ne aso. Ɔte afɔleɛ bɔ bɛbɔ ye see so bɛma AWURADE ná ɔbo ye fona ɔ.

Lewitikɔso 1:9

Nakoso ye kunu nningyein ne ye gya nemɔ de, odi kyɛ bɛfa nzue benwunzi bɛ nwo. Ɔsɛ kyɛ ɔsɔfo ne yera ye mukoraati wɔ see ne aso fa yɛ naen yeralɛ afɔleɛ; ɔte afɔleɛ bɔ bɛbɔ ye see so bɛma AWURADE ná ɔbo ye fona ɔ.

Lewitikɔso 14:18

Ngoo bɔ ɔkɔha ɔsɔfo ne sa nu ne, odi kyɛ ohwie gua sona bɔ bɛwɔ so bɛte ye nwo ne ye ti so. Afei ɔsɔfo ne ɔ́yɛ mbata ɔ́ma ye wɔ AWURADE nyunu.

Lewitikɔso 15:15

Na afei odi kyɛ ɔsɔfo ne fa nnomaa nemɔ ko bɔ bɔne nwo afɔleɛ ná ɔ́fa ko koso ɔbɔ naen yeralɛ afɔleɛ. Ɔsɔfo ne kogyina sona ne gya nu kɔpata kɔma ye wɔ Nyameɛ nyunu, ɔnate ye bienzua bɔ né ofiti ne ati.

Lewitikɔso 19:22

Odi kyɛ ɔsɔfo ne fa foɛlilɛ afɔleɛ boaen nyii ne pata ma bienzua ne wɔ AWURADE nyunu, ɔnate bɔne bɔ wayɔ ne ati; na AWURADE kɔfa bɔne bɔ wayɔ ne kɔhyɛ ye.

Lewitikɔso 2:2

ná ɔ́fa brɛ Aarɔn mma mmienzua nemɔ bɔ bɛ yeɛ bɛte asɔfo ne. Odi kyɛ ɔsa esam paa bɔ ngoo ne ɛyɛɛ fra ye ne ye sa bum ko, ná ɔsɔfo ne ɔ́yera kãa bɔ wasa ne wɔ afɔleɛ bokyea ne aso; ɔte afɔleɛ bɔ bɛbɔ ye see so bɛma AWURADE ná ɔbo ye fona ɔ.

Lewitikɔso 2:9

Odi kyɛ ɔsɔfo ne sa aburoo afɔleɛ ne bie fa yɛ ngayeɛ nikye, ná ɔyera ye wɔ afɔleɛ bokyea ne aso; ɔte afɔleɛ bɔ bɛbɔ ye see so bɛma AWURADE ná ɔbo ye fona ɔ.

Lewitikɔso 4:19

Na odi kyɛ ɔye ye loe ne amu ofi nu ná ɔyera ye wɔ afɔleɛ bokyea ne aso.

Lewitikɔso 4:26

Odi kyɛ ɔyera ye loe ne amu wɔ afɔleɛ bokyea ne aso kyɛbɔ ɔyerale asomdwee afɔleɛ ɛloe nen. Ɔsɔfo ne kɔpata wɔ sona ne bɔne nwo kɔma ye, na Nyameɛ kɔfa ye bɔne kɔhyɛ ye.

Lewitikɔso 4:35

Na odi kyɛ ɔye ye loe ne amukoraati, kyɛbɔ bɛye asomdwee afɔleɛ boaen nu loe ne, na odi kyɛ ɔsɔfo ne ɔfa gua afɔleɛ bɔ bafa babrɛ AWURADE ne aso, ná ɔyera ye wɔ afɔleɛ bokyea ne aso; na ɔsɔfo ne kɔpata kɔma ye wɔ bɔne bɔ wayɔ ne anwo, na Nyameɛ kɔfa ye bɔne kɔhyɛ ye.

Lewitikɔso 5:10

Odi kyɛ ɔsɔfo ne fa anomaa bɔ ɔtɔ so nyɔ ne ɔbɔ naen yeralɛ afɔleɛ, kyɛbɔ nhyehyɛleɛ ne te ɔ. Ɔsɔfo ne ɔ́pata ma ye wɔ bɔne bɔ wayɔ ne anwo, na Nyameɛ kɔfa ye bɔne kɔhyɛ ye.

Lewitikɔso 5:6

ná ɔ́fa ye foɛlilɛ afɔleɛ ɔbrɛ AWURADE, ɔnate bɔne bɔ wayɔ ne ati. Odi kyɛ ɔfa boaen beleɛ anaa abɔngye beleɛ ɔbɔ foɛlilɛ afɔleɛ, na ɔsɔfo ne kɔsrɛ mbata kɔma ye, ɔnate ye bɔne ti.

Lewitikɔso 8:21

Na bɛfale nzue benwunzini ye kunu nningyein ne ye gya nemɔ anwo beyiele nen, Mose yerale boaen nyii mumua ne amu wɔ afɔleɛ bokyea ne aso fa bɔle naen yeralɛ afɔleɛ bɔ ɔbo fona ná bafa see babɔ bama AWURADE ɔ, kyɛbɔ AWURADE hyɛle Mose ne.

Numeri 15:25

Odi kyɛ ɔsɔfo ne pata ma Yisrael maen ne amu, na AWURADE kɔfa bɛ bɔne kɔhyɛ bɛ. Banhyɛ da, yeɛ afei babɔ afɔleɛ wɔ see so bama AWURADE, na babɔ bɛ bɔne nwo afɔleɛ wɔ AWURADE nyunu, ɔnate bɛ mvomsoɛ ti.

Mateo 3:17

na yieee, edwudwolɛ bie fili nyameɛso wale kyɛ, “Mma bɔ ɔla m’ahone nwo ná me nye gye ye nwo paa ne ɛhe.”

Ɛfesofoɛ 5:2

Ɛ́mɔfa ɔdɔ bɛbɔ ɛmɔ bra, kyɛbɔ Kristo koso hurole yɛ dwirɛ ná ɔfale ye ngoa tole berɛ mane yɛ kyɛ ayɛyɛdeɛ ne afɔleɛ fonafona mane Nyameɛ ne.

Hebrifoɛ 1:3

Ye yeɛ ɔte Nyameɛ animnyam hyireinn ne, ɔne ye sue kaenn, na ole ye tumi dwirɛ ne yeɛ otira nningyein mukoraa nu ɔ. Na ɔtele yɛ nwo fili yɛ bɔne nwo yiele nen, ɔɔtenane Tuminiɛ Nyameɛ sa famaa so wɔ nyameɛso.

Hebrifoɛ 10:12

Nakoso Yesu de, ɔbɔle bɔne nwo afɔleɛ komapɛ twe bɔ odi mu afebɔɔ yiele nen, ɔtenane Nyameɛ sa famaa so,

Hebrifoɛ 10:14

Ofikyɛ ɔnate afɔleɛ komapɛ bɔ ɔbɔle ne aso wama bɛ bɔ Nyameɛ te bɛ nwo ne ali mu afebɔɔ.

Hebrifoɛ 9:12

na wawura Krongron nu Krongron ne anu berɛ komapɛ. Wamva mbɔngye ne nandwie mmaa mogya yeɛ ɔɔbɔle afɔleɛ ɔ, na mmom ye bɔbɔ ye mogya yeɛ ɔfa bɔle afɔleɛ nyane daa ngoa mane yɛ ɔ.

1 Yohane 1:7

Nakoso sɛ yɛnate kanea nu, kyɛbɔ ye koso ɔwɔ kanea nu ne a, né yɛ ne yɛ nwo yɛ nwo yatira abiɛngoɛ, na Ɔwa Yesu Kristo mogya ne te yɛ nwo fi bɔne mukoraa nu.

Nyekyire 5:9

Na bɛtole dwein foforɛ bie kyɛ, “Ɛfata kyɛ ede nwomaa bɔ babobɔ ne ná ebukye ye nzɔanoɛ nemɔ ɔ; ofikyɛ behuni wɔ, na afa wɔ mogya atɔ adasa mmaa ama Nyameɛ afi mmusua kure ne edwudwolɛ ne mmenia ne maen biala nu,