Lewitikɔso 4:25 - AHYERƐLƐ KRONGRON

²⁵ Na odi kyɛ ɔsɔfo ne ɔfa ye sa mmɛseka bɔ bɔne nwo afɔleɛ mogya ne anu ná ɔfa kekã naen yeralɛ afɔleɛ bokyea mmɛen nemɔ. Mogya ne ngaa ne, odi kyɛ ohwie ogua naen yeralɛ afɔleɛ bokyea ne abo.

Lewitikɔso 4:25 Iomraidhean Croise

Ɛksadɔso 29:12

Fa nandwie mogya ne bie, ná fa wɔ sa mmɛseka bɔ nu fa kekã afɔleɛ bokyea mmɛen nemɔ anwo. Na mogya bɔ ɔkɔha ne de, hwie gua afɔleɛ bokyea ne abo.

Yesaya 40:21

Aso ɛmɔnze? Aso ɛmɔttele? Aso banga bangyire ɛmɔ fi tetetete? Aso ɛmɔttele ye bo ofi mmerɛ bɔ Ɛdangama bɔle aleɛ?

Lewitikɔso 16:18

Na odi kyɛ ofite ɔkɔ afɔleɛ bokyea bɔ ɔwɔ AWURADE nyunu ne anwo, ná ɔpata ma afɔleɛ bokyea ne; odi kyɛ ɔfa nandwie nyii mogya ne bie, ɔne abɔngye mogya ne bie kekã afɔleɛ bokyea mmɛen ne anu biala nwo bra yia.

Lewitikɔso 17:11

Ofikyɛ anwoɔnaen biala, ye ngoa wɔ ye mogya nu; na mafa mogya mama ɛmɔ wɔ afɔleɛ bokyea ne aso kyɛ ɛ́mɔfa bɛ́yɛ mbata bɛ́ma ɛmɔ kra. Ngoa wɔ mogya nu, yiti mogya yeɛ odi kyɛ bɛfa bɛyɛ mbata ɔ.

Lewitikɔso 4:18

Afɔleɛ bokyea mmɛen mɔ bɔ bɛwɔ AWURADE nyunu wɔ ɛtena sua atenaleɛ nu berɛ ne, odi kyɛ ɔfa mogya ne bie ogua so. Na naen yeralɛ afɔleɛ bokyea ne bɔ ɔwɔ ɛtena sua atenaleɛ nu berɛ ne de, odi kyɛ ohwie mogya ne ngaa ne gua ye bo.

Lewitikɔso 4:24

Ɔsɛ kyɛ ɔfa ye sa to abɔngye ne ti afia, ná oku kaka ne wɔ nekaa bɔ yeɛ beku naen yeralɛ afɔleɛ ngaka wɔ AWURADE nyunu ne; ɔte bɔne nwo afɔleɛ.

Lewitikɔso 4:30

Na odi kyɛ ɔsɔfo ne ɔfa ye sa mmɛseka ɔbɔ bɔne nwo afɔleɛ mogya ne anu ná ɔfa kekã naen yeralɛ afɔleɛ bokyea mmɛen nemɔ. Mogya ne ngaa ne, odi kyɛ ohwie gua afɔleɛ bokyea ne abo.

Lewitikɔso 4:34

Na odi kyɛ ɔsɔfo ne ɔfa ye sa mmɛseka bɔ bɔne nwo afɔleɛ mogya ne anu ná ɔfa kekã naen yeralɛ afɔleɛ bokyea ne mmɛen nemɔ, ná mogya ne ngaa ne, óhwie ógua afɔleɛ bokyea ne abo.

Lewitikɔso 4:7

Ɛyɛɛ fona afɔleɛ bokyea mmɛen mɔ bɔ bɛwɔ ɛtena sua atenaleɛ nu berɛ ne, odi kyɛ ɔsɔfo ne fa mogya ne bie oguagua so wɔ AWURADE nyunu. Na naen yeralɛ afɔleɛ bokyea bɔ ɔwɔ ɛtena sua atenaleɛ anoa nu berɛ ne, odi kyɛ ohwie nandwie mogya ne ngaa ne ogua ye bo.

Lewitikɔso 5:9

Odi kyɛ ɔfa bɔne nwo afɔleɛ mogya ne bie ɔpete afɔleɛ bokyea ne ngyɛnu, na mogya ne ngaa ne de, ohwi ogua afɔleɛ bokyea ne abo; ɔte bɔne nwo afɔleɛ.

Lewitikɔso 8:10

Mose fale ɛpopalɛ ngoo ne, ɔpopale ɛtena sua ne ɔne nu nningyein amukoraati ngoo, na ɔfa tele bɛ nwo.

Lewitikɔso 8:15

Mose huni kaka ne, ɔfale ye mogya ne bie, na ɔfale ye sa mmɛseka bɔle mogya ne anu yeyɛle afɔleɛ bokyea mmɛen nemɔ anwo bra yiale. Ɔpetene afɔleɛ bokyea ne anwo, na ohwiele mogya ne guale afɔleɛ bokyea ne abo, ɔtele bokyea ne anwo, na ɔnate ɛhe aso fa yɛle bɔne nwo mbata mane afɔleɛ bokyea ne.

Lewitikɔso 9:9

Aarɔn mma mmienzua nemɔ fale mogya ne bɛbrɛle ye. Ɔfale ye sa mmɛseka bɔle mogya ne anu fa yɛle afɔleɛ bokyea ne mmɛen nemɔ anwo, na mogya bɔ waha ne, ohwiele guale afɔleɛ bokyea ne abo.

Romanfoɛ 10:4

Na ɔnate kyɛ Kristo di mu tra mmeraa ne ati, amaa ɔnate so ebiala bɔ ode di ne babua ye be.

Hebrifoɛ 2:10

Ofikyɛ ye bɔ ɔbɔle nningyein mukoraa na nningyein mukoraa te ye deɛ ne, bɔ ɔnate Yesu so fa ye mma kɔ animnyam nu ne, né ɔfata kyɛ ɔma bɛ ngoalelɛ safohene Yesu ɔfa amaneɛnwunɛ nu odi mu.

Hebrifoɛ 9:22

Na kyɛbɔ mmeraa ne kyire ne, ɔpena yɛ kyɛ mogya yeɛ bɛfa bɛte nningyein amukoraa nwo ɔ, na sɛ mogya angua a, bɔnefakyɛ nne berɛ.