Lewitikɔso 4:24 - AHYERƐLƐ KRONGRON

²⁴ Ɔsɛ kyɛ ɔfa ye sa to abɔngye ne ti afia, ná oku kaka ne wɔ nekaa bɔ yeɛ beku naen yeralɛ afɔleɛ ngaka wɔ AWURADE nyunu ne; ɔte bɔne nwo afɔleɛ.

Lewitikɔso 4:24 Iomraidhean Croise

2 Ahemvo 12:16

Foɛlilɛ afɔleɛ, ɔne bɔne nwo afɔleɛ esikaa ne de, bamva bangɔ AWURADE awuro berɛ bie; né ɔte asɔfo nemɔ deɛ.

2 Aberɛso Dwirɛ 29:23

Na mbɔngye nyii bɔ bɛfa bɛbɔ bɔne nwo afɔleɛ ne, bɛfa bɛwale Nana Hesekia ne maen ne anyunu maa bɛfale bɛ sa beguale bɛ so.

Ɛksadɔso 29:38

“Ɛlɛho biala, fa ɛhe bɔ afɔleɛ wɔ afɔleɛ bokyea ne aso: mmoaen akrɔngrɔma nyɔ bɔ ebiala ali afoɛ ko ɔ.

Yesaya 53:6

Yɛ mukoraa yali makyebu kyɛ mmoaen, yɛ nu biala wamakye wafa ye bɔbɔ ye atee deɛ so, na AWURADE aprapra yɛ mukoraa yɛ amumuyɛɛ wagua ye so.

Lewitikɔso 1:11

Odi kyɛ oku ye wɔ afɔleɛ bokyea ne sorɔ wɔ AWURADE nyunu, ná Aarɔn mma mmienzua nemɔ bɔ bɛ yeɛ bɛte asɔfo ne, bɛ́fa ye mogya ne, ná béhwie bégua afɔleɛ bokyea ne nwo bɛ́bra béyia.

Lewitikɔso 1:4

Odi kyɛ ɔfa ye sa to naen yeralɛ afɔleɛ kaka ne ati afia, ná Nyameɛ kole kɔto nu maa ɔkɔfa kɔyɛ ye ti mbata.

Lewitikɔso 1:5

Na afei ohu nandwie nyii ne wɔ AWURADE nyunu, ná Aarɔn mma mmienzua nemɔ bɔ bɛ yeɛ bɛte asɔfo ne, bɛ́fa mogya ne, ná béhwie bégua afɔleɛ bokyea bɔ ogyi ɛtena sua atenaleɛ anoa nu berɛ ne anwo bɛ́bra béyia.

Lewitikɔso 14:13

Odi kyɛ oku boaen akrɔngrɔma ne wɔ nekaa krongron berɛ, nekaa bɔ beku bɔne nwo afɔleɛ ɔne naen yeralɛ afɔleɛ ngaka ne, ofikyɛ foɛlilɛ afɔleɛ te kyɛ bɔne nwo afɔleɛ ne ala; ɔte ɔsɔfo ne deɛ na ɔte krongron paa.

Lewitikɔso 16:15

“Odi kyɛ oku maen bɔne nwo afɔleɛ abɔngye ne, ná ɔ́fa ye mogya ne ɔba mbɛmuɛ ɛtena ne asi. Kyɛbɔ ɔfale nandwie nyii mogya ne yɔle ne, sɔ ala yeɛ odi kyɛ ɔfa abɔngye mogya ne ɔyɔ ɔ; ɔsɛ kyɛ ɔfa mogya ne pete mbata bia ne aso ne ye nyunu.

Lewitikɔso 3:13

odi kyɛ ɛfa wɔ sa to kaka ne ti afia, ná beku ye wɔ ɛtena sua atenaleɛ ne anyunu, na odi kyɛ Aarɔn mma mmienzua nemɔ behwie mogya ne begua afɔleɛ bokyea ne anwo bɛbra beyia.

Lewitikɔso 3:2

Odi kyɛ ɔfa ye sa to kaka ne ti afia, ná oku ye wɔ ɛtena sua atenaleɛ anoa nu berɛ; na Aarɔn mma mmienzua bɔ bɛ yeɛ bɛte asɔfo ne, odi kyɛ bɛfa mogya ne behwie begua afɔleɛ bokyea ne anwo bɛbra beyia.

Lewitikɔso 3:8

Odi kyɛ ɛfa wɔ sa to kaka ne ti afia ná eku ye wɔ ɛtena sua atenaleɛ ne anyunu, ná Aarɔn mma mmienzua nemɔ béhwie ye mogya ne bégua afɔleɛ bokyea ne anwo bɛ́bra béyia.

Lewitikɔso 6:18

Aarɔn bosoniɛ baa bienzua biala, oli AWURADE afɔleɛ bɔ bɛbɔ ye see so bɛma AWURADE ne bie, kyɛbɔ bahyehyɛ bato berɛ daa wɔ ɛmɔ aworɛ ndoatoasoɛ amukoraati nu ne; sona anaa nikyee biala bɔ ɔkɔfa ye nwo kɔha sɔ afɔleɛ nemɔ ne, ɔkɔyɛ krongron.

Lewitikɔso 6:22

Aarɔn bosoniɛ ɔsɔfo biala bɔ bɛkɔpopa ye ngoo maa okoosi Aarɔn gya nu ne, ye yeɛ ɔkɔbɔ sɔ afɔleɛ ne kɔma AWURADE kyɛbɔ bahyɛ ye afebɔɔ ɔ; odi kyɛ bɛyera ye mukoraa.

Lewitikɔso 6:25

“Ka kyire Aarɔn ne ye mma mmienzua mɔ kyɛ, ‘Bɔne nwo afɔleɛ nwo nhyehyɛleɛ ɛhe: Nekaa bɔ beku naen yeralɛ afɔleɛ ngaka nemɔ ne, berɛ yeɛ ɔsɛ kyɛ beku bɔne nwo afɔleɛ kaka ne wɔ AWURADE nyunu ɔ; ɔte krongron paa.

Lewitikɔso 7:2

Nekaa bɔ beku naen yeralɛ afɔleɛ ngaka ne, berɛ yeɛ odi kyɛ beku foɛlilɛ afɔleɛ kaka ne ɔ, na odi kyɛ behwie ye mogya ne begua afɔleɛ bokyea ne anwo bɛbra beyia.