Lewitikɔso 4:21 - AHYERƐLƐ KRONGRON

²¹ Na odi kyɛ ɔsoa nandwie nyii ne kɔ asikyeleɛ ne asi dɔ, ná ɔ́yera ye kyɛbɔ ɔyerale nandwie nyii bɔ oli moa ne; ɔte bɔne nwo afɔleɛ ma maen ne.

Lewitikɔso 4:21 Iomraidhean Croise

Ɛsra 8:35

Sɔ mmerɛ ne, bɛ bɔ befili nnurehyelɛ nu besa bɛwale ne, bɛbobɔle naen yeralɛ afɔleɛ bɛmane Yisrael Nyameɛ. Begyinane Yisrael amukoraa gya nu bɛfale ɛhemɔ bɛbɔle afɔleɛ: nandwie nyii buru ne nyɔ, mmoaen nyii aburahona ne nzia, yeɛ mmoaen mmaa aburasoo ne nzoo. Besa bɛfale mbɔngye buru ne nyɔ bɛbɔle bɔne nwo afɔleɛ. Bɛfale ye mukoraa bɛbɔle naen yeralɛ afɔleɛ bɛmane AWURADE.

Ɛksadɔso 29:14

Nakoso nandwie naen ne, ye nwomaa ne ye fure nu nningyein de, fa see yera bɛ wɔ asikyeleɛ ne asi dɔ. Ɔte bɔne nwo afɔleɛ.

Hesekiel 45:22

Sɔ kyẽa ne ala, odi kyɛ ɛhene ne fa nandwie nyii akrɔngrɔma ko ɔba maa bɛbɔ bɔne nwo afɔleɛ bɛma ye bɔbɔ ne aseɛ ne aso ama mukoraa.

Lewitikɔso 16:15

“Odi kyɛ oku maen bɔne nwo afɔleɛ abɔngye ne, ná ɔ́fa ye mogya ne ɔba mbɛmuɛ ɛtena ne asi. Kyɛbɔ ɔfale nandwie nyii mogya ne yɔle ne, sɔ ala yeɛ odi kyɛ ɔfa abɔngye mogya ne ɔyɔ ɔ; ɔsɛ kyɛ ɔfa mogya ne pete mbata bia ne aso ne ye nyunu.

Lewitikɔso 16:21

Afei odi kyɛ Aarɔn fa ye sa munyɔ gua abɔngye bɔ ɔte ngoa nu ne ye ti afia, ná ɔka Yisraelfoɛ amumuyɛɛ amukoraa, bɛ mmeraatolɛ amukoraa ɔne bɛ bɔne amukoraa gua abɔngye ne aso, ná ɔprapra ye mukoraati gua ye so. Odi kyɛ ɔyakyi abɔngye ne ma bienzua bie bɔ bafa sɔ adwuma ne bawura ye sa maa berɛ ne ala ɔkɔyakyi kaka ne eburo maa ɔkɔ.

Lewitikɔso 16:27

Bɔne nwo afɔleɛ nandwie nyii ne, ɔne bɔne nwo afɔleɛ abɔngye ne bɔ bɛfale bɛ mogya bɛɛpatale wɔ nekaa krongron ne anu ne, odi kyɛ bɛfa bɛ bɛkɔ asikyeleɛ ne asi; na bɛ nwomaa, bɛ naen ɔne bɛ fure ne, odi kyɛ bɛfa see bɛyera bɛ.

Lewitikɔso 4:13

“Na sɛ Yisrael ama mukoraa bammoapa ná bɛyɔ bɔne, ná sɛ bɔne ne ɔfea mmenia ne amu a, sɛ bɛyɔ nningyein bɔ AWURADE abra bɛ kyɛ nnɛmaa bɛyɔ ne anu biala, ná yiti bedi ye nwo fɔ a,

Lewitikɔso 4:20

Kyɛbɔ ɔfale bɔne nwo afɔleɛ nandwie nyii ne yɔle ne, sɔ ala yeɛ ɔsɛ kyɛ ɔfa sɔ nandwie ne ɔyɔ ɔ. Ɔsɔfo ne kɔpata kɔma bɛ, ná Nyameɛ kɔfa bɛ bɔne kɔhyɛ bɛ.

Lewitikɔso 6:11

Afei odi kyɛ ɔye ye ndaadeɛ ne, ná owura ndaadeɛ foforɛ, ná ɔsoa nzoen ne kɔ asikyeleɛ ne asi dɔ nekaa bɔ berɛ te sannwuu ɔ.

Lewitikɔso 6:23

Ɔsɔfo aburoo afɔleɛ biala, ɔsɛ kyɛ bɛyera ye mukoraa motoo; onni kyɛ bedi ɔ.

Lewitikɔso 8:17

Nakoso nandwie nyii ne, ɔne ye nwomaa, ye naen, ɔne ye fure nu nningyein ne de, Mose fale see yerale bɛ wɔ asikyeleɛ ne asi dɔ kyɛbɔ AWURADE hyɛle ye nen.

Numeri 15:24

ná sɛ ɛmɔanhyɛ da yeɛ ɛmɔbuli so bɔ maen ne nze ye nwo hwee a, ye de odi kyɛ maen ne amukoraati bɛfa nandwie nyii akrɔngrɔma ko bɛbɔ naen yeralɛ afɔleɛ, bɔ ɔbo AWURADE fona ɔ. Odi kyɛ bɛfa ye nwo aburoo afɔleɛ ɔne ye nwo anonneɛ afɔleɛ bɛboka so, kyɛbɔ nhyehyɛleɛ ne te ne, ná bɛ́fa abɔngye nyii ko bɛ́bɔ bɔne nwo afɔleɛ.

Mateo 20:28

kyɛbɔ Sona Awa ne wamma kyɛ bɛso ye, na mmom kyɛ ɔbaaso, ná ɔfa ye ngoa ɔto berɛ ode mmenia pee ngoa ne.”

2 Korintofoɛ 5:21

Ofikyɛ bɔ wanyɔ bɔne ne, Nyameɛ maa fale ye kakyili bɔne mane yɛ, amaa ɔnate ye so yanya Nyameɛ tenenee ne bie.

Hebrifoɛ 13:11

Ofikyɛ ngaka bɔ ɔsɔfo panyi paa ne fa bɛ mogya ba nekaa krongron ne anu babɔ bɔnefakyɛ afɔleɛ ne, bɛyera bɛ fuin nemɔ wɔ asikyeleɛ ne asi dɔ.