Lewitikɔso 4:20 - AHYERƐLƐ KRONGRON

²⁰ Kyɛbɔ ɔfale bɔne nwo afɔleɛ nandwie nyii ne yɔle ne, sɔ ala yeɛ ɔsɛ kyɛ ɔfa sɔ nandwie ne ɔyɔ ɔ. Ɔsɔfo ne kɔpata kɔma bɛ, ná Nyameɛ kɔfa bɛ bɔne kɔhyɛ bɛ.

Lewitikɔso 4:20 Iomraidhean Croise

Ɛksadɔso 32:30

Aleɛ hyene ne, Mose sele maen ne kyɛ, “Ɛmɔayɔ bɔne piri paa. Nakoso ngɔfo ngɔhɔ AWURADE berɛ kekesaala ye; ebiaa né mahora masrɛ ɛmɔ bɔne ne nwo mbata mama ɛmɔ.”

Daniel 9:24

“Bahyɛ afoɛ aburasoo sɔ alaa nzoo bafa wɔ maen ne wɔ kuro krongron ne anwo, kyɛ bɛ́ma mmeraatolɛ ne ɔbra ayieleɛ, ná bétu bɔne bo, kyɛ bɛ́yɛ amumuyɛɛ nwo mbata, ná bɛ́ma tenenee afebɔɔ ɔbra ɔ, ná bɛ́ma nyekyire ne ne ngɔmhyɛlɛ ne ɔbra nu, ná bɛ́popa nekaa krongron paa ne ngoo.

Lewitikɔso 1:4

Odi kyɛ ɔfa ye sa to naen yeralɛ afɔleɛ kaka ne ati afia, ná Nyameɛ kole kɔto nu maa ɔkɔfa kɔyɛ ye ti mbata.

Lewitikɔso 12:8

Na sɛ braa ne nwo ngɔso boaen so a, ye de ɔ́fa mmubure nyɔ anaa mmorɔnoma buruwa nyɔ ɔ́bra; ko te naen yeralɛ afɔleɛ, yeɛ ko wora te bɔne nwo afɔleɛ; odi kyɛ ɔsɔfo ne fa yɛ mbata ma braa ne ma ye nwo fi.”

Lewitikɔso 14:18

Ngoo bɔ ɔkɔha ɔsɔfo ne sa nu ne, odi kyɛ ohwie gua sona bɔ bɛwɔ so bɛte ye nwo ne ye ti so. Afei ɔsɔfo ne ɔ́yɛ mbata ɔ́ma ye wɔ AWURADE nyunu.

Lewitikɔso 15:15

Na afei odi kyɛ ɔsɔfo ne fa nnomaa nemɔ ko bɔ bɔne nwo afɔleɛ ná ɔ́fa ko koso ɔbɔ naen yeralɛ afɔleɛ. Ɔsɔfo ne kogyina sona ne gya nu kɔpata kɔma ye wɔ Nyameɛ nyunu, ɔnate ye bienzua bɔ né ofiti ne ati.

Lewitikɔso 19:22

Odi kyɛ ɔsɔfo ne fa foɛlilɛ afɔleɛ boaen nyii ne pata ma bienzua ne wɔ AWURADE nyunu, ɔnate bɔne bɔ wayɔ ne ati; na AWURADE kɔfa bɔne bɔ wayɔ ne kɔhyɛ ye.

Lewitikɔso 4:21

Na odi kyɛ ɔsoa nandwie nyii ne kɔ asikyeleɛ ne asi dɔ, ná ɔ́yera ye kyɛbɔ ɔyerale nandwie nyii bɔ oli moa ne; ɔte bɔne nwo afɔleɛ ma maen ne.

Lewitikɔso 4:26

Odi kyɛ ɔyera ye loe ne amu wɔ afɔleɛ bokyea ne aso kyɛbɔ ɔyerale asomdwee afɔleɛ ɛloe nen. Ɔsɔfo ne kɔpata wɔ sona ne bɔne nwo kɔma ye, na Nyameɛ kɔfa ye bɔne kɔhyɛ ye.

Lewitikɔso 4:35

Na odi kyɛ ɔye ye loe ne amukoraati, kyɛbɔ bɛye asomdwee afɔleɛ boaen nu loe ne, na odi kyɛ ɔsɔfo ne ɔfa gua afɔleɛ bɔ bafa babrɛ AWURADE ne aso, ná ɔyera ye wɔ afɔleɛ bokyea ne aso; na ɔsɔfo ne kɔpata kɔma ye wɔ bɔne bɔ wayɔ ne anwo, na Nyameɛ kɔfa ye bɔne kɔhyɛ ye.

Lewitikɔso 4:8

Na bɔne nwo afɔleɛ nandwie nyii ne, odi kyɛ ɔye ye loe ne amu fi nu, mekyire ɛloe bɔ wato wafa ye kunu nningyein anwo ne ɔne ɛloe bɔ ɔwɔ ye kunu nningyein ne anu ne amukoraa,

Lewitikɔso 5:10

Odi kyɛ ɔsɔfo ne fa anomaa bɔ ɔtɔ so nyɔ ne ɔbɔ naen yeralɛ afɔleɛ, kyɛbɔ nhyehyɛleɛ ne te ɔ. Ɔsɔfo ne ɔ́pata ma ye wɔ bɔne bɔ wayɔ ne anwo, na Nyameɛ kɔfa ye bɔne kɔhyɛ ye.

Lewitikɔso 5:13

Yiti ɔsɔfo ne kɔpata kɔma ye wɔ bɔne bɔ wayɔ wɔ ɛhemɔ biala nu ɔ, na Nyameɛ kɔfa ye bɔne kɔhyɛ ye. Afɔleɛ ne ngaa ne koso kɔyɛ ɔsɔfo ne deɛ, kyɛ aburoo afɔleɛ ne ala.

Lewitikɔso 5:16

Na krongron nikyee bɔ wayɔ ye nwo bɔne ne, odi kyɛ ɔfa sɔ nikyee ne bie osi ye gya nu; odi kyɛ ɔbɔ ye nwo nnu nu ngyɛmuɛ ko na ɔ́fa ma ɔsɔfo ne, na ɔsɔfo ne kɔfa foɛlilɛ afɔleɛ boaen nyii ne kɔpata kɔma ye, na Nyameɛ kɔfa ye bɔne kɔhyɛ ye.

Lewitikɔso 5:18

Odi kyɛ ɔfa mmoaen kure ne anu boaen nyii bɔ ollili nnɛen biala ɔ ɔbrɛ ɔsɔfo, kyɛbɔ ɛnea a, ye nyɔboɛ fata foɛlilɛ afɔleɛ ɔ, na ɔsɔfo ne kɔpata kɔma ye wɔ mvomsoɛ bɔ wayɔ na ɔnze kyɛ wayɔ ne anwo, na Nyameɛ kɔfa kɔhyɛ ye.

Lewitikɔso 5:6

ná ɔ́fa ye foɛlilɛ afɔleɛ ɔbrɛ AWURADE, ɔnate bɔne bɔ wayɔ ne ati. Odi kyɛ ɔfa boaen beleɛ anaa abɔngye beleɛ ɔbɔ foɛlilɛ afɔleɛ, na ɔsɔfo ne kɔsrɛ mbata kɔma ye, ɔnate ye bɔne ti.

Lewitikɔso 6:7

Ɔsɔfo ne kɔpata kɔma ye wɔ AWURADE nyunu, na Nyameɛ kɔfa ye bɔne kɔhyɛ ye wɔ nikyee biala bɔ sona yɔ a, ɔmaa odi fɔ ne anwo.”

Numeri 15:25

Odi kyɛ ɔsɔfo ne pata ma Yisrael maen ne amu, na AWURADE kɔfa bɛ bɔne kɔhyɛ bɛ. Banhyɛ da, yeɛ afei babɔ afɔleɛ wɔ see so bama AWURADE, na babɔ bɛ bɔne nwo afɔleɛ wɔ AWURADE nyunu, ɔnate bɛ mvomsoɛ ti.

Numeri 15:28

Sɛ ebie anhyɛ da ná ɔyɔ mvomsoɛ a, ɔsɔfo ne kɔpata kɔma sɔ sona ne wɔ AWURADE nyunu, na AWURADE kɔfa ye mvomsoɛ kɔhyɛ ye.

Romanfoɛ 5:11

Nna ɛhe angome, na mmom yɛnate y’Awurade Yesu Kristo bɔ wasiesie yɛ ne Nyameɛ afia ne so yanya anika wɔ Nyameɛ nu.

Galatiafoɛ 3:13

Kristo ɔɔyɛle abusudeɛ mane yɛ, na ɔnate so wapɔ yɛ wafi mmeraa musue nu; ofikyɛ bahyerɛ kyɛ, “Banoma sona biala bɔ basinze ye wɔ bakaa so ɔ.”

Hebrifoɛ 1:3

Ye yeɛ ɔte Nyameɛ animnyam hyireinn ne, ɔne ye sue kaenn, na ole ye tumi dwirɛ ne yeɛ otira nningyein mukoraa nu ɔ. Na ɔtele yɛ nwo fili yɛ bɔne nwo yiele nen, ɔɔtenane Tuminiɛ Nyameɛ sa famaa so wɔ nyameɛso.

Hebrifoɛ 2:17

Ɛhe ati, né ohia kyɛ ɔyɛ kyɛ oliɛma nemɔ wɔ atee biala so, amaa wahora wayɛ sɔfo panyi paa bɔ odi nahorɛ, bɔ ɔse anwumvoin wɔ Nyameɛ dwumadie nu, ná wafa ye nwo wayɛ mbata wama adasa bɔne.

Hebrifoɛ 9:14

nzaade Kristo bɔ ɔnate Sunzum bɔ ɔwɔ berɛ afebɔɔ ne aso fale ye nwo bɔle afɔleɛ bɔ ngekalewa biala nne ye nwo mane Nyameɛ nen, ɔkɔyɛ sɛɛ bɔ ye mogya ngɔte yɛ tiboa nwo ngofi yɔleɛ mbaen mbaen nwo ma yɛngɔso Nyameɛ teasefoɛ ne ɔ?

1 Yohane 1:7

Nakoso sɛ yɛnate kanea nu, kyɛbɔ ye koso ɔwɔ kanea nu ne a, né yɛ ne yɛ nwo yɛ nwo yatira abiɛngoɛ, na Ɔwa Yesu Kristo mogya ne te yɛ nwo fi bɔne mukoraa nu.

1 Yohane 2:2

Ɔte yɛ bɔne nwo mbata; nna yɛ ngome yɛ deɛ nwo; na mmom ɔte wiase amukoraa koso bɔne nwo mbata.

Nyekyire 1:5

ɔne bɔ ofi Yesu Kristo bɔ ɔte danzeniɛ nahorɛniɛ ne, awufoɛ nu bamuɛbaa ne aseɛ so ahemvo mɔ bɛ hene ne berɛ ne, ɔbra ɛmɔ so. Ye bɔ okuro yɛ dwirɛ, ná wafa ye mogya wanwunzi yɛ nwo wafi yɛ bɔne nu,