Lewitikɔso 4:2 - AHYERƐLƐ KRONGRON

² “Ka kyire Yisraelfoɛ kyɛ, ‘Nningyein bɔ AWURADE akanzo ɛmɔ kyɛ nnɛma ɛmɔyɔ ne, sɛ ebie ɔyɔ nu biala, bɔ sɔ sona ne ɔnze kyɛ wayɔ bɔne a,

Lewitikɔso 4:2 Iomraidhean Croise

Gyenesise 20:9

Na Abimɛlɛke frɛle Abraham bisale ye kyɛ, “Nzikyɛ dwirɛ yeɛ afa ali yɛ sɔa ye? Nzikyɛ bɔne yeɛ mafa mayɔ wɔ, bɔ yiti yeɛ ama musue piri he ato me ne m’ahennie ye? Edwirɛ bɔ ɔtte mayee yeɛ afa ali me ɔ.”

Edwein 19:12

Nwa yeɛ ye nye kora ba ye nwo so wɔ ye bɔbɔ ye mvomsoɛ nwo ɔ? Me mvomsoɛ bɔ wafea me ne, fa kyɛ me.

Edwein 19:13

Bɔne bɔ bɛboapa bɛyɔ ne, twe w’akoaa fi ye nwo. Sɔ bɔne nemɔ, nnɛmaa bedi me so, amaa ɔnate so mali be wɔ wɔ nyunu, ná manni mmeraatolɛ piri ne anwo fɔ.

Nworɛ Dwirɛhanɛniɛ 5:6

Nnɛma wɔ noa diedie wɔ kɔ bɔne nu, yeɛ nnɛkã kyire bɔfoɛ ne kyɛ wɔ noa fone. Nzu ati yeɛ odi kyɛ Nyameɛ fɛ wɔ noa dwirɛ nwo yaa ná ɔsɛkye wɔ sa noa adwuma ɔ.

Lewitikɔso 22:14

Na sɛ ebie di akyɛdeɛ krongron ne bie, ná ɔnze kyɛ ɔte akyɛdeɛ krongron a, odi kyɛ ɔfa akyɛdeɛ krongron ne bie si ye gya nu pɛpɛɛpɛ; odi kyɛ osa fa nnu nu ngyɛmuɛ ko ɔboka so ná ɔ́fa ma ɔsɔfo ne.

Lewitikɔso 4:1

Na AWURADE sele Mose kyɛ,

Lewitikɔso 4:13

“Na sɛ Yisrael ama mukoraa bammoapa ná bɛyɔ bɔne, ná sɛ bɔne ne ɔfea mmenia ne amu a, sɛ bɛyɔ nningyein bɔ AWURADE abra bɛ kyɛ nnɛmaa bɛyɔ ne anu biala, ná yiti bedi ye nwo fɔ a,

Lewitikɔso 4:22

“Sɛ maen panyi bie yɔ bɔne, bɔ wayɔ nningyein bɔ AWURADE ye Nyameɛ akanzo ɛmɔ kyɛ nnɛma ɛmɔyɔ ne anu biala, bɔ sɔ sona ne ɔnze kyɛ wayɔ bɔne, ná ɔnate so maa odi fɔ,

Lewitikɔso 4:27

“‘Nningyein bɔ AWURADE akanzo ɛmɔ kyɛ nnɛma ɛmɔyɔ ne, sɛ maen baa bie ɔyɔ nu biala, bɔ sɔ sona ne ɔnze kyɛ wayɔ bɔne, maa ɔnate so odi fɔ,

Numeri 35:11

odi kyɛ ɛmɔye nguro nemɔ bie besie berɛ maa bɛyɛ mmenia nwo adwaabɔlɛ nguro bɛma ɛmɔ, amaa sona biala bɔ ɔmmoapa ná okoli awue ne, wanwati wahɔ berɛ.

Deuteronomi 19:4

“Sona bɔ wanhyɛ da yeɛ wahũ obiɛngo ɔ, obiɛngo bɔ né edwirɛ tɛɛ biala nne b’afia ɔ, ná wanwati waatena dɔ ne, ye nwo dwirɛ ɛhe:

1 Timoteo 1:13

Ɔwɔ nu kyɛ daa ne de, ngekane musue dwirɛ ndiale ye, ndanene ye nye, nyɛle ye so patapaa; nakoso onwuni me anwumvoin, ofikyɛ né menze bɔ meyɔ ɔ, na nyɔle ye wɔ elelɛ bɔ né menne menni ne anu.

Hebrifoɛ 5:2

Na ɔnate kyɛ ye bɔbɔ ɔtɔ sii wɔ nningyein pee nu ne ati, ɔkora nwu bɛ bɔ bɛnze na bɛyɔ mvomsoɛ ne anwumvoin.

Hebrifoɛ 9:7

Nakoso bɔ ɔtɔ so nyɔ ne anu de, ɔsɔfo panyi paa ne ngome yeɛ afoɛnoa biala ɔkɔ berɛ komapɛ twe ɔ; na ɔfa kaka mogya kɔbɔ ye bɔbɔ, ɔne maen ne amu bɛ bɔne nwo afɔleɛ.

Yakobo 3:10

Noa komapɛ ne anu yeɛ saleɛ ne amoenwaa fi ɔ. Aliɛmaa mɔ, ɔnzɛ kyɛ ɔba ye sɔ ɔ!

1 Samuel 14:27

Nakoso Yonatan de, né onnya ɔttele kyɛ ye baba ata ndaen wagua koɛhonɛfoɛ nemɔ aso ɔ. Yiti ɔfale ye pɔmaa bɔ otira ye ne noa bɔle woɛ ne anu, ɔtafele, na ɔmaa onyane anwoserɛ.