Lewitikɔso 4:18 - AHYERƐLƐ KRONGRON

¹⁸ Afɔleɛ bokyea mmɛen mɔ bɔ bɛwɔ AWURADE nyunu wɔ ɛtena sua atenaleɛ nu berɛ ne, odi kyɛ ɔfa mogya ne bie ogua so. Na naen yeralɛ afɔleɛ bokyea ne bɔ ɔwɔ ɛtena sua atenaleɛ nu berɛ ne de, odi kyɛ ohwie mogya ne ngaa ne gua ye bo.

Lewitikɔso 4:18 Iomraidhean Croise

2 Aberɛso Dwirɛ 29:22

Yiti behuni nandwie nyii nemɔ, na asɔfo nemɔ lele mogya ne bɛto bɛpetene afɔleɛ bokyea ne anwo. Behuni mmoaen nyii nemɔ, na bɛtole bɛ mogya bɛpetene afɔleɛ bokyea ne anwo. Afei koso behuni mmoaen akrɔngrɔma nemɔ, na bɛtole bɛ mogya ne bɛpetene afɔleɛ bokyea ne anwo.

Ɛksadɔso 29:12

Fa nandwie mogya ne bie, ná fa wɔ sa mmɛseka bɔ nu fa kekã afɔleɛ bokyea mmɛen nemɔ anwo. Na mogya bɔ ɔkɔha ne de, hwie gua afɔleɛ bokyea ne abo.

Ɛksadɔso 30:10

Afoɛ biala, ɔsɛ kyɛ Aarɔn bɔ bɔne nwo afɔleɛ wɔ ye mmɛen nemɔ aso. Ɔkɔfa bɔne nwo mbata afɔleɛ mogya kɔpata komapɛ afoɛ biala, wɔ ɛmɔ aworɛ ndoatoasoɛ mukoraati nu. Ɔte krongron paa ma AWURADE.”

Lewitikɔso 4:25

Na odi kyɛ ɔsɔfo ne ɔfa ye sa mmɛseka bɔ bɔne nwo afɔleɛ mogya ne anu ná ɔfa kekã naen yeralɛ afɔleɛ bokyea mmɛen nemɔ. Mogya ne ngaa ne, odi kyɛ ohwie ogua naen yeralɛ afɔleɛ bokyea ne abo.

Lewitikɔso 4:30

Na odi kyɛ ɔsɔfo ne ɔfa ye sa mmɛseka ɔbɔ bɔne nwo afɔleɛ mogya ne anu ná ɔfa kekã naen yeralɛ afɔleɛ bokyea mmɛen nemɔ. Mogya ne ngaa ne, odi kyɛ ohwie gua afɔleɛ bokyea ne abo.

Lewitikɔso 4:34

Na odi kyɛ ɔsɔfo ne ɔfa ye sa mmɛseka bɔ bɔne nwo afɔleɛ mogya ne anu ná ɔfa kekã naen yeralɛ afɔleɛ bokyea ne mmɛen nemɔ, ná mogya ne ngaa ne, óhwie ógua afɔleɛ bokyea ne abo.

Lewitikɔso 4:7

Ɛyɛɛ fona afɔleɛ bokyea mmɛen mɔ bɔ bɛwɔ ɛtena sua atenaleɛ nu berɛ ne, odi kyɛ ɔsɔfo ne fa mogya ne bie oguagua so wɔ AWURADE nyunu. Na naen yeralɛ afɔleɛ bokyea bɔ ɔwɔ ɛtena sua atenaleɛ anoa nu berɛ ne, odi kyɛ ohwie nandwie mogya ne ngaa ne ogua ye bo.

Lewitikɔso 5:9

Odi kyɛ ɔfa bɔne nwo afɔleɛ mogya ne bie ɔpete afɔleɛ bokyea ne ngyɛnu, na mogya ne ngaa ne de, ohwi ogua afɔleɛ bokyea ne abo; ɔte bɔne nwo afɔleɛ.

Lewitikɔso 6:30

Nakoso bɔne nwo afɔleɛ biala bɔ bafa ye mogya ne bie bawa ɛtena sua atenaleɛ nu berɛ baayɛ mbata wɔ nekaa krongron ne anu ne de, onni kyɛ ebiala di ɔ; odi kyɛ bɛfa see bɛyera ye.

Lewitikɔso 8:15

Mose huni kaka ne, ɔfale ye mogya ne bie, na ɔfale ye sa mmɛseka bɔle mogya ne anu yeyɛle afɔleɛ bokyea mmɛen nemɔ anwo bra yiale. Ɔpetene afɔleɛ bokyea ne anwo, na ohwiele mogya ne guale afɔleɛ bokyea ne abo, ɔtele bokyea ne anwo, na ɔnate ɛhe aso fa yɛle bɔne nwo mbata mane afɔleɛ bokyea ne.

Lewitikɔso 9:9

Aarɔn mma mmienzua nemɔ fale mogya ne bɛbrɛle ye. Ɔfale ye sa mmɛseka bɔle mogya ne anu fa yɛle afɔleɛ bokyea ne mmɛen nemɔ anwo, na mogya bɔ waha ne, ohwiele guale afɔleɛ bokyea ne abo.