Lewitikɔso 4:15 - AHYERƐLƐ KRONGRON

¹⁵ Odi kyɛ maen mbanyi nemɔ, bɛfa bɛ sa bɛto nandwie ne ti afia wɔ AWURADE nyunu, ná beku nandwie ne wɔ AWURADE nyunu.

Lewitikɔso 4:15 Iomraidhean Croise

2 Aberɛso Dwirɛ 29:23

Na mbɔngye nyii bɔ bɛfa bɛbɔ bɔne nwo afɔleɛ ne, bɛfa bɛwale Nana Hesekia ne maen ne anyunu maa bɛfale bɛ sa beguale bɛ so.

Ɛksadɔso 24:1

Afei Nyameɛ sele Mose kyɛ, “Fo bra AWURADE berɛ, ɛne Aarɔn, Nadabo ne Abihu, yeɛ Yisraelfoɛ nu mbanyi aburasoo, ná ɛ́mɔgyina nziɛ nziɛ bɛsɔne (me).

Ɛksadɔso 24:9

Afei Mose ne Aarɔn, Nadabo, Abihu ne Yisraelfoɛ nu mbanyi aburasoo ne hɔle bokaa ne aso.

Lewitikɔso 1:3

“Sɛ ye afɔleɛ ne te naen yeralɛ afɔleɛ bɔ ofi nandwie kure ne anu a, odi kyɛ ɔfa nyii bɔ ollili nnɛen biala ɔ; odi kyɛ ɔbɔ afɔleɛ ne wɔ ɛtena sua atenaleɛ anoa nu berɛ, amaa AWURADE ale ye ato nu.

Lewitikɔso 1:4

Odi kyɛ ɔfa ye sa to naen yeralɛ afɔleɛ kaka ne ati afia, ná Nyameɛ kole kɔto nu maa ɔkɔfa kɔyɛ ye ti mbata.

Lewitikɔso 16:21

Afei odi kyɛ Aarɔn fa ye sa munyɔ gua abɔngye bɔ ɔte ngoa nu ne ye ti afia, ná ɔka Yisraelfoɛ amumuyɛɛ amukoraa, bɛ mmeraatolɛ amukoraa ɔne bɛ bɔne amukoraa gua abɔngye ne aso, ná ɔprapra ye mukoraati gua ye so. Odi kyɛ ɔyakyi abɔngye ne ma bienzua bie bɔ bafa sɔ adwuma ne bawura ye sa maa berɛ ne ala ɔkɔyakyi kaka ne eburo maa ɔkɔ.

Lewitikɔso 4:16

Na odi kyɛ ɔsɔfo bɔ bapopa ye ngoo ne, ɔfa nandwie nyii mogya ne bie ba ɛtena sua atenaleɛ ne anu,

Lewitikɔso 4:4

Odi kyɛ ɔfa nandwie nyii ne ɔba AWURADE nyunu wɔ ɛtena sua atenaleɛ anoa nu berɛ. Odi kyɛ ɔfa ye sa to nandwie ne ti so, ná oku nandwie ne wɔ AWURADE nyunu.

Lewitikɔso 8:14

Mose fale bɔne nwo afɔleɛ nandwie nyii ne wale anyunu berɛ; na Aarɔn ne ye mma mmienzua nemɔ fale bɛ sa guale bɔne nwo afɔleɛ nandwie nyii ne ti afia.

Lewitikɔso 8:18

Ɔfale naen yeralɛ afɔleɛ boaen nyii ne wale anyunu berɛ, na Aarɔn ne ye mma mmienzua nemɔ fale bɛ sa guale boaen nyii ne ti afia.

Lewitikɔso 8:22

Ɔfale boaen nyii bɔ ɔtɔ so nyɔ bɔ ɔte sɔfohyɛlɛ boaen ne wale anyunu berɛ, na Aarɔn ne ye mma mmienzua nemɔ fale bɛ sa guale boaen nyii ne ati afia.

Numeri 11:16

Yiti AWURADE sele Mose kyɛ, “Yisrael mbanyi bɔ ɛse kyɛ bɛte mmenia ne aso mbanyi ne atitire ne, boaboa bɛ nu aburasoo noa ma me. Fa bɛ bra ɛtena sua ne anu, ná ɛne bɛ gyina berɛ.

Numeri 11:25

Yeɛ AWURADE nate munungum nu dwu wale ase, na ɔne Mose beedwudwole. AWURADE fale sunzum bɔ ɔwɔ Mose nu ne bie wurale mbanyi aburasoo nemɔ anu. Sunzum ne wale bɛ so ne, bɛhyɛle ngɔm. Nakoso ye si ye, banhyɛ ngɔm ko.

Numeri 8:10

Sɛ ɛma Lewifoɛ mɔ bagyina AWURADE nyunu a, odi kyɛ Yisraelfoɛ fa bɛ sa gua Lewifoɛ mɔ aso.

Numeri 8:12

Ɔsɛ kyɛ Lewifoɛ mɔ bɛfa bɛ sa begua nandwie nyii nemɔ ti afia; ná Aarɔn ɔ́fa ko ɔ́bɔ bɔne nwo afɔleɛ, ná ɔ́fa ko koso ɔ́bɔ naen yeralɛ afɔleɛ ma AWURADE, ná ɔfa pata ma Lewifoɛ mɔ.