Lewitikɔso 4:13 - AHYERƐLƐ KRONGRON

¹³ “Na sɛ Yisrael ama mukoraa bammoapa ná bɛyɔ bɔne, ná sɛ bɔne ne ɔfea mmenia ne amu a, sɛ bɛyɔ nningyein bɔ AWURADE abra bɛ kyɛ nnɛmaa bɛyɔ ne anu biala, ná yiti bedi ye nwo fɔ a,

Lewitikɔso 4:13 Iomraidhean Croise

Ɛsra 10:19

Bɛhyɛle ɛbɔ kyɛ bɛkɔfoa bɛ ye nemɔ maa bekofi bɛ nu bɛkɔhɔ. Belele bɛ mvomsoɛ bɛtole nu, na bɛfale boaen nyii ko bɛbɔle mvomsoɛ afɔleɛ.

Edwein 19:13

Bɔne bɔ bɛboapa bɛyɔ ne, twe w’akoaa fi ye nwo. Sɔ bɔne nemɔ, nnɛmaa bedi me so, amaa ɔnate so mali be wɔ wɔ nyunu, ná manni mmeraatolɛ piri ne anwo fɔ.

Hesekiel 45:22

Sɔ kyẽa ne ala, odi kyɛ ɛhene ne fa nandwie nyii akrɔngrɔma ko ɔba maa bɛbɔ bɔne nwo afɔleɛ bɛma ye bɔbɔ ne aseɛ ne aso ama mukoraa.

Hosea 5:15

Ngosa ngɔhɔ m’atenaleɛ berɛ, kɔpem kyɛ bekole bɛ bɔne bɛkɔto nu, ná bɛkɔpena me si atee ɔ. B’amaneɛnwunɛ mmerɛ nu, bɛkɔpena me si atee ndɛndɛ.

Lewitikɔso 16:5

Odi kyɛ ode mbɔngye nyii nyɔ fi Yisrael maen berɛ bɔ ɔfa bɔ bɔne nwo afɔleɛ ɔ, ɔne boaen nyii ko bɔ ɔfa bɔ naen yeralɛ afɔleɛ ɔ.

Lewitikɔso 4:21

Na odi kyɛ ɔsoa nandwie nyii ne kɔ asikyeleɛ ne asi dɔ, ná ɔ́yera ye kyɛbɔ ɔyerale nandwie nyii bɔ oli moa ne; ɔte bɔne nwo afɔleɛ ma maen ne.

Lewitikɔso 5:17

“Sɛ ebie yɔ bɔne, kyɛ ɔyɔ nningyein bɔ Nyameɛ abra kyɛ nnɛmaa bɛyɔ ne anu biala nwo a, sɛ ɔnze po a, odi ye nwo fɔ, na ye musue kɔbɔ ye ti so.

Lewitikɔso 6:4

sɛ ebie nwu kyɛ wayɔ bɔne ná odi fɔ a, nikyee bɔ owuale ne, anaakyɛ bɔ ɔnate apoobɔlɛ so wanya ne, anaa bɔ bɛfa bewurale ye sa ne, anaa bɔ wamini ná wanwu ye ne,

Numeri 15:22

Nakoso sɛ ɛmɔanhyɛ da, ná sɛ ɛmɔanni mmeraa dwirɛ hemɔ amukoraa bɔ AWURADE aha ahyire Mose ne aso a,

1 Korintofoɛ 11:27

Yiti sona biala bɔ okoli paanoo he, anaakyɛ ɔkɔno Awurade kulie ne noa wɔ atee bɔ ɔmvata so ne, okoli Awurade nipadua ne ye mogya nwo fɔ.

1 Timoteo 1:13

Ɔwɔ nu kyɛ daa ne de, ngekane musue dwirɛ ndiale ye, ndanene ye nye, nyɛle ye so patapaa; nakoso onwuni me anwumvoin, ofikyɛ né menze bɔ meyɔ ɔ, na nyɔle ye wɔ elelɛ bɔ né menne menni ne anu.

Yosua 7:11

Yisrael ayɔ bɔne. M’apam bɔ nhyɛle bɛ kyɛ beli so ne, babu so. Basesa nningyein bɔ matu masie berɛ kyɛ bɛsɛkye ye ne bie; bawua, bapɛ ngondombo, na bafa baafea bɛ bɔbɔ bɛ nningyein nu.