Lewitikɔso 3:9 - AHYERƐLƐ KRONGRON

⁹ Odi kyɛ ɛfa ɛhemɔ fi ye asomdwee afɔleɛ ne anu ná ɛyera bɛ bɔ afɔleɛ ma AWURADE: ye loe, ye dua pue bɔ baye bafi ye sisia ne anu, ɛloe bɔ wato wafa ye kunu nningyein anwo, ɔne ɛloe bɔ ɔwɔ ye kunu nningyein anwo ne amukoraa,

Lewitikɔso 3:9 Iomraidhean Croise

2 Samuel 6:17

Bɛfale AWURADE alaka ne beesiele nekaa bɔ basiesie bama ye ne, wɔ ɛtena sua bɔ Dawide si siele berɛ mane ye ne anu. Na Dawide bɔle naen yeralɛ afɔleɛ ne asomdwee afɔleɛ wɔ AWURADE nyunu.

1 Ahemvo 3:15

Yeɛ Solomon fili nnaa nu tingyele, na onwuni kyɛ laleɛ yeɛ wahye ɔ. Na ɔwale Yerusalem oogyinane AWURADE apam alaka ne anyunu. Ɔbɔle naen yeralɛ afɔleɛ ne asomdwee afɔleɛ, na ɔtole poen mane ye somvoɛ amukoraa.

1 Ahemvo 8:63

Solomon fale nandwie apee aburanyɔ ne nyɔ ne mmoaen apee ɛyaa ko ne aburanyɔ bɔle asomdwee afɔleɛ mane AWURADE. Yiti AWURADE awuro ne, Nana Solomon ne Yisraelfoɛ amukoraa betu bewurale AWURADE sa.

1 Ahemvo 8:64

Sɔ kyẽa ne ala, Solomon tele AWURADE awuro ne anyunu aluo berɛ nwo, ɔne ye afia berɛ nwo maa ɔyɛle krongron, ofikyɛ berɛ yeɛ ɔbɔle naen yeralɛ afɔleɛ, aburoo afɔleɛ ne asomdwee afɔleɛ bɔ bɛfa ɛloe bɛbɔ nemɔ ɔ. Ɔbɔle afɔleɛ nemɔ wɔ berɛ, ofikyɛ kɔɔbere afɔleɛ bokyea bɔ né ɔwɔ AWURADE nyunu ne, ɔte kãa soma bɔ bɛhyehyɛ naen yeralɛ afɔleɛ ne, aburoo afɔleɛ ne ɔne asomdwee afɔleɛ bɔ bɛfa ɛloe bɛbɔ ne wɔ so a, ɔngɔ so ɔ.

1 Aberɛso Dwirɛ 16:1

Bɛfale Nyameɛ alaka ne beesiele nekaa bɔ basiesie bama ye ne, wɔ ɛtena sua bɔ Dawide si siele berɛ mane ye ne anu. Na Dawide bɔle naen yeralɛ afɔleɛ ne asomdwee afɔleɛ wɔ Nyameɛ nyunu.

Ɛksadɔso 29:22

“Boaen nyii ne, fa ye loe ne, ye dua pue ne, ɛloe bɔ wato wafa ye kunu nningyein nwo ne, bɔ osinzesinze ye boɛ nwo ne, ye saa nyɔ nemɔ ɔne bɛ nwo loe ne, ɔne ye sɔ famaa ne, (ofikyɛ ɔte ɔsɔfohyɛlɛ boaen nyii).

Anyandera 23:26

Mma, fa w’adwene ma me, ná ma wɔ nye gye m’atee nwo.

Yesaya 53:10

Nakoso né AWURADE kuro kyɛ odwiridwiri ye nwo ɔ, na ɔfale ye fale yealɛ nu. Na ɔnate kyɛ ɔfale ye kra bɔle bɔne nwo afɔleɛ ne ati, okonwu ye bosofoɛ, okonya ngoa tendenn, na ɔnate ye so yeɛ bɔ AWURADE kuro ne, ɔkɔwa nu ɔ.

Lewitikɔso 17:5

Ɛhe kɔma Yisraelfoɛ kɔfa b’afɔleɛ bɔ bɛbɔ ye wɔ ɛserɛ so ne bɛkɔbrɛ AWURADE. Odi kyɛ bɛfa bɛbrɛ ɔsɔfo ne maa ɔfa ma AWURADE wɔ ɛtena sua atenaleɛ anoa nu berɛ, ná ɔ́fa bɔ asomdwee afɔleɛ ma AWURADE.

Lewitikɔso 7:3

Odi kyɛ bɛfa ye loe ne amukoraa bɛbɔ afɔleɛ, ye dua pue ɔne ɛloe bɔ wato wafa ye kunu nningyein anwo ne,

Lewitikɔso 8:25

Ɔfale ɛloe ne ye dua pue ne, ɛloe amukoraa bɔ wato wafa ye kunu nningyein anwo ne, ye boɛ ne bie, ye saa nyɔ nemɔ ɔne bɛ nwo loe ne, ɔne ye sɔ famaa ne;

Lewitikɔso 9:19

Bɛfale ɛhemɔ koso bɛbrɛle ye: nandwie nyii loe ne ɔne boaen nyii loe ne, bɛ dua pue ne, ɛloe bɔ wato wafa bɛ kunu nningyein ne anwo ne, bɛ saa nyɔ ne, ɔne ye bɛ boɛ ne bie.

Numeri 7:88

Asomdwee afɔleɛ ngaka ne amukoraa bɛte nandwie nyii aburanyɔ ne nna, mmoaen nyii aburasia, mbɔngye nyii aburasia, mmoaen nyii akrɔngrɔma aburasia bɔ bali afoɛ ngoko ɔ. Bɛfale ɛpopalɛ ngoo bɛpopale afɔleɛ bokyea ne beyiele ne, sɔ nningyein nemɔ yeɛ bɛfa bɛbɔle afɔleɛ betuli afɔleɛ bokyea ne bewurale AWURADE sa ɔ.

1 Samuel 10:8

Na ɛhe asi ne, di me nyunu moa kɔ Gilgal, na ngooyia wɔ berɛ ngɔbɔ naen yeralɛ afɔleɛ ne asomdwee afɔleɛ. Tena berɛ nwondɛ ɛlɛsoo, kɔpem kyɛ ngɔɔto wɔ berɛ ná ngohyire wɔ bɔ odi kyɛ ɛyɔ ɔ.”