Lewitikɔso 3:3 - AHYERƐLƐ KRONGRON

³ Odi kyɛ ɔye ɛloe bɔ wato wafa ye kunu nningyein anwo ne, ɔne ɛloe bɔ ɔwɔ ye kunu nningyein ne anwo amukoraa fi asomdwee afɔleɛ ne anu, ná ɔ́fa see yera ye fa bɔ afɔleɛ ma AWURADE.

Lewitikɔso 3:3 Iomraidhean Croise

Edwein 119:70

B’adwene ala kyɛ nguɛ, nakoso me de, me nye gye wɔ mmeraa ne anwo.

Ɛksadɔso 29:13

Afei fa ɛloe bɔ wato wafa ye kunu nningyein nwo ne amukoraa, bɔ osinzesinze ye boɛ ne anwo ne, ye saa nyɔ nemɔ ɔne bɛ nwo loe ne, ná yera bɛ wɔ afɔleɛ bokyea ne aso.

Ɛksadɔso 29:22

“Boaen nyii ne, fa ye loe ne, ye dua pue ne, ɛloe bɔ wato wafa ye kunu nningyein nwo ne, bɔ osinzesinze ye boɛ nwo ne, ye saa nyɔ nemɔ ɔne bɛ nwo loe ne, ɔne ye sɔ famaa ne, (ofikyɛ ɔte ɔsɔfohyɛlɛ boaen nyii).

Anyandera 23:26

Mma, fa w’adwene ma me, ná ma wɔ nye gye m’atee nwo.

Yesaya 6:10

Ma maen he b’adwene ɔla, ma bɛ so anu yɛ se, ná ma bɛ nye si; wamma ye sɔ a, bɛkɔfa bɛ nye bekonwu nikye, bɛkɔfa bɛ so bɛkɔte dwirɛ, bɛkɔfa b’adwene bɛkɔte dwirɛ bo, ná basakyera maa masa bɛ anwonyerɛ.”

Hesekiel 36:26

Ngɔma ɛmɔ ahone foforɛ, ngɔfa sunzum foforɛ ngowura ɛmɔ nu; ngɔye nyɔboɛ ahone bɔ ɔwɔ ɛmɔ nu ne, na ngɔma ɛmɔ anwoɔnaen ahone.

Hesekiel 44:15

“Nakoso Lewifoɛ bɔ bɛte asɔfo, bɔ bɛte Sadoke boso ama, bɔ bɛyɔle me nekaa krongron ne anu adwuma, mmerɛ bɔ Yisraelfoɛ belili makyebu befili me nwo ne, bɛ de, bekopingye me bɛkɔso me, na bekogyina me nyunu bɛkɔfa ɛloe ne mogya bɛkɔbrɛ me, AWURADE Nyameɛ noa dwirɛ ɛne.

Lewitikɔso 1:12

Odi kyɛ sona ne pepɛ nu ahuronzi ahuronzi, ná ɔ́fa ye ti ne ye loe boka so. Eyein bɔ ogua afɔleɛ bokyea see ne aso ne, odi kyɛ ɔsɔfo ne hyehyɛ bɛ wɔ so.

Lewitikɔso 1:8

Aarɔn mma mmienzua nemɔ bɔ bɛ yeɛ bɛte asɔfo ne, ɔsɛ kyɛ bɛhyehyɛ naen bɔ bapepɛ ye ahuronzi ahuronzi ne: mmakaa bɔ ɔsamo afɔleɛ bokyea see ne aso ne, odi kyɛ bɛfa kaka ne ti ɔne ye loe ne begua so.

Lewitikɔso 16:25

Ɛloe bɔ ɔwɔ bɔne nwo afɔleɛ ne anu ne, odi kyɛ ɔsɔfo ne yera ye wɔ afɔleɛ bokyea ne aso.

Lewitikɔso 3:16

Na odi kyɛ ɔsɔfo ne ɔyera bɛ wɔ afɔleɛ bokyea ne aso maa ɔyɛ aleɛ bɔ bɛyera ye see so ná bɔ ɔbo fona ɔ. Ɛloe ne amukoraa te AWURADE deɛ.

Lewitikɔso 3:2

Odi kyɛ ɔfa ye sa to kaka ne ti afia, ná oku ye wɔ ɛtena sua atenaleɛ anoa nu berɛ; na Aarɔn mma mmienzua bɔ bɛ yeɛ bɛte asɔfo ne, odi kyɛ bɛfa mogya ne behwie begua afɔleɛ bokyea ne anwo bɛbra beyia.

Lewitikɔso 3:4

Odi kyɛ ɔfa ɛhemɔ koso boka so: ye saa nyɔ ne ɔne bɛ nwo loe bɔ ɔwɔ ye sisia nu ne, ɔne ye boɛ ne bie bɔ ɔkɔye kɔboka ye saa nemɔ aso ne.

Lewitikɔso 4:10

(kyɛbɔ bɛye ɛhemɔ befi asomdwee afɔleɛ nandwie nu ne), na odi kyɛ ɔsɔfo ne ɔyera bɛ wɔ naen yeralɛ afɔleɛ bokyea ne aso.

Lewitikɔso 7:30

Odi kyɛ ɔfa afɔleɛ bɔ bɛfa see bɛbɔ bɛma AWURADE ne otira ba; odi kyɛ ɔfa ye loe ɔboka ye sa ne aso, ná ɔpagya ye sa ne maa ɔyɛ ɛnwahanɛ afɔleɛ wɔ AWURADE nyunu.

Lewitikɔso 7:5

Na ɔsɔfo ne kɔyera bɛ afɔleɛ bokyea ne aso kyɛ afɔleɛ bɔ bɛyera ye see so bɛma AWURADE ɔ; ɔte foɛlilɛ afɔleɛ.

Lewitikɔso 9:10

Nakoso bɔne nwo afɔleɛ loe ne, ye saa nemɔ, ɔne ye boɛ ne bie de, ɔyerale bɛ wɔ afɔleɛ bokyea ne aso, kyɛbɔ AWURADE hyɛle Mose ne.

Mateo 13:16

“Nakoso ɛmɔ de, ɛmɔ nye anya saleɛ kyɛ benwu nikye ɔ, ɔne ɛmɔ so koso kyɛ bɛte dwirɛ ɔ.

Mateo 15:8

‘Maen he bele bɛ noa mbaen yeɛ bedi me ni ɔ, nakoso b’ahone de, ombingye me.

Romanfoɛ 5:5

Na anyelasoɛ nni ngasi, ofikyɛ Nyameɛ nate ye Sunzum Krongron bɔ ɔfa mane yɛ ne aso wafa ye ɔdɔ somaa ne wawura yɛ ahone nu.

Romanfoɛ 6:6

Yɛse kyɛ babɔ yɛ sona sue daa ne ne Kristo mmeamudua nu, kyɛbɔ yɛ bɔne nipadua ne kowu na yanyɛ bɔne ngoaa ko ɔ.

Deuteronomi 30:6

“AWURADE wɔ Nyameɛ kɔmaa ɛne wɔ bosofoɛ bekotie ye dwirɛ, amaa ɔnate so afa w’ahone mukoraati ne wɔ kra mukoraati ahuro AWURADE wɔ Nyameɛ dwirɛ, ná anya ngoa.

1 Samuel 2:15

Asa koso, anzana bɛkɔyera naen loe nen, ɔyɛ a somvoɛ bɔ ɔso ɔsɔfo ne bakã kyire sona bɔ ɔ́bɔ afɔleɛ ne kyɛ, “Ɔsɔfo ngole wɔ naen bɔ ato ne, naen monɛ yeɛ okole ɔ; yiti ma me naen monɛ ne bie ma ngɔma ye ma ɔtoto.”