Lewitikɔso 3:2 - AHYERƐLƐ KRONGRON

² Odi kyɛ ɔfa ye sa to kaka ne ti afia, ná oku ye wɔ ɛtena sua atenaleɛ anoa nu berɛ; na Aarɔn mma mmienzua bɔ bɛ yeɛ bɛte asɔfo ne, odi kyɛ bɛfa mogya ne behwie begua afɔleɛ bokyea ne anwo bɛbra beyia.

Lewitikɔso 3:2 Iomraidhean Croise

Ɛksadɔso 29:10

“Fa nandwie nyii ne bra ɛtena sua atenaleɛ nu berɛ, ná Aarɔn ne ye mma mmienzua nemɔ bɛ́fa bɛ sa bégua nandwie ne ti afia.

Ɛksadɔso 29:11

Afei ku nandwie ne AWURADE nyunu, wɔ ɛtena sua atenaleɛ nu berɛ.

Ɛksadɔso 29:15

“Afei fa boaen nyii nemɔ nu ko, ná Aarɔn ne ye mma mmienzua nemɔ bɛ́fa bɛ sa bégua boaen nyii ne ti afia.

Ɛksadɔso 29:16

Ku boaen nyii ne, ná fa ye mogya ne petepete afɔleɛ bokyea ne anwo bra yia.

Ɛksadɔso 29:19

“Afei fa boaen nyii ko ne wora, ná Aarɔn ne ye mma mmienzua nemɔ bɛ́fa bɛ sa bégua boaen nyii ne ti afia.

Yesaya 53:6

Yɛ mukoraa yali makyebu kyɛ mmoaen, yɛ nu biala wamakye wafa ye bɔbɔ ye atee deɛ so, na AWURADE aprapra yɛ mukoraa yɛ amumuyɛɛ wagua ye so.

Lewitikɔso 1:11

Odi kyɛ oku ye wɔ afɔleɛ bokyea ne sorɔ wɔ AWURADE nyunu, ná Aarɔn mma mmienzua nemɔ bɔ bɛ yeɛ bɛte asɔfo ne, bɛ́fa ye mogya ne, ná béhwie bégua afɔleɛ bokyea ne nwo bɛ́bra béyia.

Lewitikɔso 17:3

Yisrael awuro ama ne, sɛ ebie ku nandwie anaa boaen akrɔngrɔma anaa abɔngye wɔ asikyeleɛ nu berɛ, anaa wɔ asikyeleɛ ne asi,

Lewitikɔso 17:4

ná wamva ye wamma ɛtena sua atenaleɛ anoa nu berɛ, wamma ammɔ afɔleɛ wamma AWURADE wɔ AWURADE ɛtena sua ne anyunu a, okoli mogya hagualɛ nwo fɔ. Waha mogya wagua, na odi kyɛ bɛpɛ ye asue befi maen ne anu.

Lewitikɔso 3:3

Odi kyɛ ɔye ɛloe bɔ wato wafa ye kunu nningyein anwo ne, ɔne ɛloe bɔ ɔwɔ ye kunu nningyein ne anwo amukoraa fi asomdwee afɔleɛ ne anu, ná ɔ́fa see yera ye fa bɔ afɔleɛ ma AWURADE.

Lewitikɔso 3:8

Odi kyɛ ɛfa wɔ sa to kaka ne ti afia ná eku ye wɔ ɛtena sua atenaleɛ ne anyunu, ná Aarɔn mma mmienzua nemɔ béhwie ye mogya ne bégua afɔleɛ bokyea ne anwo bɛ́bra béyia.

Lewitikɔso 8:22

Ɔfale boaen nyii bɔ ɔtɔ so nyɔ bɔ ɔte sɔfohyɛlɛ boaen ne wale anyunu berɛ, na Aarɔn ne ye mma mmienzua nemɔ fale bɛ sa guale boaen nyii ne ati afia.

Sakaria 12:10

“Ngohwie ɛlolɛ ne sufrɛ sunzum ngogua Dawide awuro ama ne Yerusalemfoɛ so, amaa ɔnate so bafa bɛ nye bato me bɔ basina me ne aso; na bekosu ye kyɛbɔ sona su ye bahorɛ ɔ, yeɛ bekosu ye hahii kyɛbɔ sona sũ ye bamuɛbaa ɔ.

Numeri 18:17

Nakoso nandwie bamuɛbaa, anaa boaen bamuɛbaa, anaa abɔngye bamuɛbaa de, nnɛpɔ bɛ; bɛte krongron. To bɛ mogya ne pete afɔleɛ bokyea ne aso, ná yera bɛ loe ne ma ɔyɛ afɔleɛ bɔ bɛfa see bɛyera ye, bɔ ɔbo AWURADE fona ɔ.

Asomafoɛ 3:15

Na ngoa Hene ne de, ɛmɔhuni ye; na ye yeɛ Nyameɛ tingyele ye fili awufoɛ nu ɔ, na yɛ yeɛ yɛte ye nwo adanzefoɛ ɔ.

Asomafoɛ 3:26

Ɛhe ati, Nyameɛ Somvoɛ bɔ ɔyele ye ne, ɔsomane ye maa olili moa wale ɛmɔ berɛ, kyɛ oyira ɛmɔ na ɔma ebiala hwe ye nwo fi ye bɔne nwo.”

2 Korintofoɛ 5:21

Ofikyɛ bɔ wanyɔ bɔne ne, Nyameɛ maa fale ye kakyili bɔne mane yɛ, amaa ɔnate ye so yanya Nyameɛ tenenee ne bie.