Lewitikɔso 3:17 - AHYERƐLƐ KRONGRON

¹⁷ Na ɛhe kɔyɛ ahyɛdeɛ afebɔɔ kɔma ɛmɔ wɔ ɛmɔ aworɛ ndoatoasoɛ amukoraati nu, wɔ nekaa biala bɔ ɛmɔkɔtena ɔ, kyɛ nnɛma ɛmɔdi ɛloe anaa mogya.”

Lewitikɔso 3:17 Iomraidhean Croise

Gyenesise 9:4

Nakoso naen bɔ ye ngoa, bɔ ɔte ye mogya tɛ wɔ ye nu de, nnɛma ɛmɔdi.

2 Aberɛso Dwirɛ 29:35

Sɛ ɛfa naen yeralɛ afɔleɛ pee bɔ bɛbɔle ne to ahameɛ a, né asomdwee afɔleɛ ɛloe ɔne naen yeralɛ afɔleɛ nwo anonneɛ afɔleɛ koso boka so. Yiti AWURADE awuro berɛ sɔnenɛ bɔ bɛyakyili beguale berɛ ne, besa bɛhyɛle ye bo.

Nehemia 8:10

Yeɛ osele bɛ kyɛ, “Ɛmɔhɔ beeli naen bɔ walɔ ɔ, ná ɛmɔno nzaa bɔ ɔyɛ fɛɛ ɔ. Bɛ bɔ belle bie ne, ɛmɔɔma bɛ bie, ofikyɛ ɛnɛ kyẽa ye, ɔte krongron ma y’AWURADE. Nnɛmɔma ɛmɔ wora bɔ, ofikyɛ AWURADE nu anigye yeɛ ɔte ɛmɔ anwoserɛ ɔ.”

Ɛksadɔso 27:21

Ɛtena sua atenaleɛ berɛ, bɔ ɔwɔ mbɛmuɛ tena bɔ onwi Adanzeɛ ne nyunu ne, Aarɔn ne ye mma mmienzua mɔ yeɛ bɛkɔnea kyɛ kanea nemɔ asosɔ wɔ AWURADE nyunu ɔ, ofi nɔsoa bɔ ɔkwaadwu ngyerɛmɔ. Na sɔ ahyɛdeɛ ne kɔla berɛ daa kɔma Yisraelfoɛ wɔ b’aworɛ ndoatoasoɛ amukoraati nu.

Ɛksadɔso 28:43

Na mmerɛ biala, sɛ Aarɔn ne ye mma mmienzua mɔ bɛ́kɔ ɛtena sua atenaleɛ nu berɛ, anaakyɛ sɛ bépingye afɔleɛ bokyea ne nwo bɛkɔso wɔ nekaa krongron ne anu a, ɔsɛ kyɛ bɛfa bewura; ná bamvrɛfrɛ musue bamma bɛ nwo, ná banwu. Na ɛhe kɔyɛ ahyɛdeɛ afebɔɔ kɔma Aarɔn ne ye bosofoɛ bɔ bɛkɔwa ɔ.

Hesekiel 33:25

Yiti se bɛ kyɛ, AWURADE Nyameɛ nwa nyoo: Ɛmɔdi naen bɔ ye mogya wɔ ye nu ɔ, ɛmɔsɔne ɛmɔ mmosoen nemɔ, yeɛ ɛmɔkã mogya begua; na ɔkɔyɛ sɛɛ né ɛmɔanya aseɛ ne bafa bayɛ ɛmɔ deɛ?

Hesekiel 44:15

“Nakoso Lewifoɛ bɔ bɛte asɔfo, bɔ bɛte Sadoke boso ama, bɔ bɛyɔle me nekaa krongron ne anu adwuma, mmerɛ bɔ Yisraelfoɛ belili makyebu befili me nwo ne, bɛ de, bekopingye me bɛkɔso me, na bekogyina me nyunu bɛkɔfa ɛloe ne mogya bɛkɔbrɛ me, AWURADE Nyameɛ noa dwirɛ ɛne.

Hesekiel 44:7

Ye ole kyɛ, ɛmɔma amanvrafoɛ bɛba nu, ɛmɔma mmenia bɔ bɛte bɛmbɛ-bɛ-bienzuafoɛ wɔ ahone nu ne anwoɔnaen nu ɔ bɛba me nekaa krongron ne anu bɛbagua m’awuro ne anwo fiɛ, wɔ mmerɛ bɔ ɛmɔfa m’aleɛ, ɛloe ne mogya bɛbrɛ me ɔ. Na ɛmɔafa ɛmɔ akyiwadeɛ yɔleɛ ne amukoraa babu m’apam ne aso.

Lewitikɔso 10:15

Ye sɔ bɔ bɛfa bɛbɔ afɔleɛ ne, ɔne ye sa bɔ bɛnwaha ne de, odi kyɛ bɛfa bɛboka ɛloe bɔ bɛfa see bɛyera bɛbɔ afɔleɛ ne aso bɛba, ná bɛfa bɛbɔ ɛnwahanɛ afɔleɛ wɔ AWURADE nyunu, na ɔkɔyɛ wɔ ne wɔ mma mɔ deɛ afebɔɔ, kyɛbɔ AWURADE ahyɛ ne.”

Lewitikɔso 10:9

“Ɛne wɔ mma mmienzua mɔ, sɛ ɛmɔkɔ ɛtena sua ne anu a, nnɛma ɛmɔno bobe nzaa anaa nzaa serɛ biala amaa ɛmɔanwu; ɔsɛ kyɛ ɔyɛ ahyɛdeɛ afebɔɔ wɔ ɛmɔ aworɛ ndoatoasoɛ amukoraa nu.

Lewitikɔso 16:29

“Odi kyɛ ɛhe yɛ ahyɛdeɛ ma ɛmɔ: bosome nzoo ne, ye kyẽa bɔ ɔtɔ so buru ne, odi kyɛ ɛmɔkye ɛhɔen; kuromani oo, ɛwɔfoɛ bɔ waatena ɛmɔ nu oo, nnɛma ebiala yɔ adwuma biala.

Lewitikɔso 16:34

Ɛhe te ahyɛdeɛ afebɔɔ ma ɛmɔ: afoɛ biala odi kyɛ ɛmɔyɛ Yisraelfoɛ bɛ bɔne amukoraa nwo mbata ko. Na Mose yɔle kyɛbɔ AWURADE hyɛle ye ne.

Lewitikɔso 17:7

Ɔnate ɛhe aso bɛngɔhɔ so bɛngɔbɔ b’afɔleɛ mɔ bɛngɔma mmosoen mɔ bɔ besoma mbɔngye ne, mekyire mmosoen bɔ bafa bɛ nwo bawura bɛ sa ne. Ɛhe kɔyɛ ahyɛdeɛ afebɔɔ kɔma bɛ wɔ b’aworɛ ndoatoasoɛ mukoraati nu.’

Lewitikɔso 19:26

“Nnɛma ɛmɔdi naen bɔ ye mogya wɔ ye nu ɔ. Nnɛma ɛmɔkɔ abisa, yeɛ nnɛma ɛmɔyɛ bayie.

Lewitikɔso 23:14

Nnɛma ɛmɔdi aburoo monɛ ne bie, kyɛ bafa bayɛ paanoo oo, kyɛ bahye oo, anaakyɛ ye monɛ oo, kɔpem kyẽa bɔ ɛmɔkɔfa ɛmɔ Nyameɛ afɔleɛ bɛkɔbrɛ ye ɔ. Ɔte ahyɛdeɛ afebɔɔ ma ɛmɔ wɔ ɛmɔ aworɛ ndoatoasoɛ amukoraati nu, wɔ nekaa biala bɔ ɛmɔkɔtena ɔ.

Lewitikɔso 23:21

Sɔ kyẽa ne ala, odi kyɛ ɛmɔyia nu; ɔte nyianu krongron. Nnɛma ɛmɔyɔ adwuma biala. Ɛhe te ahyɛdeɛ afebɔɔ ma ɛmɔ wɔ ɛmɔ aworɛ ndoatoasoɛ amukoraati nu, wɔ nekaa biala bɔ ɛmɔkɔtena ɔ.

Lewitikɔso 24:3

Odi kyɛ Aarɔn fa kanea ne sie ɛtena sua atenaleɛ ne anu wɔ Adanzeɛ mbɛmuɛ tena ne asi, maa ɔta fi nɔsoa kodwu ngyerɛmɔ wɔ AWURADE nyunu daa. Ɔkɔyɛ ahyɛdeɛ afebɔɔ kɔma ɛmɔ wɔ aworɛ ndoatoasoɛ mukoraa nu.

Lewitikɔso 24:9

Paanoo nemɔ kɔyɛ Aarɔn ne ye boso ama deɛ, na odi kyɛ bedi ye wɔ nekaa bɔ ɔte krongron ɔ. Ofikyɛ afɔleɛ bɔ bɛbɔ ye see so bɛma AWURADE ne, Aarɔn bue deɛ bɔ ɔte krongron paa ma ye ɛne, na ɔte bɛ deɛ afebɔɔ.”

Lewitikɔso 3:16

Na odi kyɛ ɔsɔfo ne ɔyera bɛ wɔ afɔleɛ bokyea ne aso maa ɔyɛ aleɛ bɔ bɛyera ye see so ná bɔ ɔbo fona ɔ. Ɛloe ne amukoraa te AWURADE deɛ.

Lewitikɔso 4:1

Na AWURADE sele Mose kyɛ,

Lewitikɔso 6:15

Aburoo afɔleɛ esam paa ɔne ngoo ne, ɔne ɛyɛɛ amukoraa bɔ ogua aburoo afɔleɛ ne aso ne, odi kyɛ ɔsɔfo ne sa ye sa bum ko, ná ɔyera ye wɔ afɔleɛ bokyea ne aso maa ɔyɛ ngayeɛ nikye bɔ ɔbo AWURADE fona ɔ.

Lewitikɔso 6:18

Aarɔn bosoniɛ baa bienzua biala, oli AWURADE afɔleɛ bɔ bɛbɔ ye see so bɛma AWURADE ne bie, kyɛbɔ bahyehyɛ bato berɛ daa wɔ ɛmɔ aworɛ ndoatoasoɛ amukoraati nu ne; sona anaa nikyee biala bɔ ɔkɔfa ye nwo kɔha sɔ afɔleɛ nemɔ ne, ɔkɔyɛ krongron.

Lewitikɔso 6:22

Aarɔn bosoniɛ ɔsɔfo biala bɔ bɛkɔpopa ye ngoo maa okoosi Aarɔn gya nu ne, ye yeɛ ɔkɔbɔ sɔ afɔleɛ ne kɔma AWURADE kyɛbɔ bahyɛ ye afebɔɔ ɔ; odi kyɛ bɛyera ye mukoraa.

Lewitikɔso 7:23

“Ka kyire Yisraelfoɛ kyɛ, Nnɛma ɛmɔdi nandwie loe, anaa boaen loe, anaa abɔngye loe.

Lewitikɔso 7:34

Ofikyɛ ɛnwahanɛ afɔleɛ kaka sa ne, ɔne ye sɔ bɔ bɛfa bɛbɔ afɔleɛ ne, maye mafi Yisraelfoɛ asomdwee afɔleɛ ne anu, na mafa mama ɔsɔfo Aarɔn ɔne ye mma mmienzua mɔ kyɛ bɛ bue deɛ bɔ ofi Yisraelfoɛ berɛ afebɔɔ ɛne.

Lewitikɔso 7:36

Kyẽa bɔ AWURADE popale bɛ ngoo ne yeɛ ɔhyɛle Yisraelfoɛ kyɛ bɛfa bɛma bɛ ɔ; ɔte nhyehyɛleɛ afebɔɔ bɔ ɔwɔ berɛ ma b’aworɛ ndoatoasoɛ mukoraati ɔ.

Numeri 19:21

Ɛhe kɔyɛ daa ahyɛdeɛ kɔma bɛ. Sona bɔ ɔpete nzue fa te bɛ nwo ne, odi kyɛ ɔpo ye nwo nningyein, na sona biala bɔ ye nwo kɔha nzue bɔ bɛfa bɛpete bɛ nwo ne, ye nwo kogua fiɛ maa okoodwu nɔsoa.

Mateo 16:24

Na Yesu sele ye asuafoɛ nemɔ kyɛ, “Sɛ ebie kuro kyɛ odi me si a, maa ɔpa ye nwo si, ná ɔfa ye mmeamudua, ná oli me si.

Mateo 26:28

ofikyɛ ɛhe yeɛ ɔte me mogya bɔ ogyi berɛ ma apam bɔ mmenia pee ti béhwie bégua bɛ́ma bɔnefakyɛ ɔ.

Asomafoɛ 15:29

Nnɛma ɛmɔdi aleɛ biala bɔ bafa babɔ afɔleɛ bama bosoen; nnɛma ɛmɔdi mogya; nnɛma ɛmɔdi kaka biala bɔ wawu ye mogya nu; yeɛ afei ɛmɔhwe bɛ nwo befi adwamanbɔlɛ nwo. Na sɛ ɛmɔtwe bɛ nwo befi ɛhemɔ nwo a, ɔte paa. Yɛbisa bɛ.”

Ɛfesofoɛ 1:7

Ɔnate ye mogya ne aso yeɛ wale yɛ ɔ, bɔ ye ole yɛ mvomsoɛ fahyɛlɛ ne, kyɛbɔ ye adom mmorosoɛ ne te ne,

Ɛfesofoɛ 5:26

kyɛbɔ ɔkɔfa nzue ebialɛ nu kɔte ye nwo wɔ edwirɛ ne anu kɔyɛ ye krongron ɔ,

Deuteronomi 12:16

Nakoso ye mogya ne ngome yeɛ nnɛma ɛmɔdi ɔ; hwie gua aseɛnwo kyɛ nzue.

Deuteronomi 12:23

Nakoso nea yé né anni ye mogya ne, ofikyɛ mogya ne te ngoa, na ɔnzɛ kyɛ edi ngoa ne fra naen ne.

Deuteronomi 12:24

Nnɛdi mogya ne. Hwie gua aseɛnwo kyɛ nzue.

Deuteronomi 15:23

Ye mogya ne angome yeɛ nnɛdi ɔ; hwie gua aseɛnwo kyɛ nzue.

Deuteronomi 32:14

ɔmane ye nandwie nyɔfonesue nye loe, ɔne boaen nyɔfonesue, mmoaen bɔ balɔ ɔ, Basan mmoaen nyii ne mbɔngye; ɔne atokoɔ paa, na ɛnone bobe mmaa nzaa bɔ bahwi ye gyengɔgyengɔ ɔ.

1 Timoteo 4:4

Ofikyɛ Nyameɛ abɔdeɛ biala te paa, na sɛ yɛfa asennaa yɛsɔ nu de a, ye de ɔnzɛ kyɛ yɛkyi nikyee fee ɔ;