Lewitikɔso 3:16 - AHYERƐLƐ KRONGRON

¹⁶ Na odi kyɛ ɔsɔfo ne ɔyera bɛ wɔ afɔleɛ bokyea ne aso maa ɔyɛ aleɛ bɔ bɛyera ye see so ná bɔ ɔbo fona ɔ. Ɛloe ne amukoraa te AWURADE deɛ.

Lewitikɔso 3:16 Iomraidhean Croise

Gyenesise 4:4

Na Abel koso fale ye mmoaen ne anu nyii bɔ belili moa bɛwole bɛ ne, na ɔfale bɛ loe ne ɔɔbɔle afɔleɛ. Na AWURADE nye sɔle Abel ne ye afɔleɛ ne,

2 Aberɛso Dwirɛ 29:35

Sɛ ɛfa naen yeralɛ afɔleɛ pee bɔ bɛbɔle ne to ahameɛ a, né asomdwee afɔleɛ ɛloe ɔne naen yeralɛ afɔleɛ nwo anonneɛ afɔleɛ koso boka so. Yiti AWURADE awuro berɛ sɔnenɛ bɔ bɛyakyili beguale berɛ ne, besa bɛhyɛle ye bo.

2 Aberɛso Dwirɛ 7:7

AWURADE awuro n’anyunu aluo berɛ, ye afia berɛ ne, Solomon tele berɛ nwo maa ɔyɛle krongron, ofikyɛ berɛ yeɛ ɔbɔle naen yeralɛ afɔleɛ ne asomdwee afɔleɛ bɔ bɛfa ɛloe bɛbɔ nemɔ ɔ. Solomon bɔle afɔleɛ nemɔ wɔ berɛ, ofikyɛ kɔɔbere afɔleɛ bokyea bɔ osili ne, né naen yeralɛ afɔleɛ ne, aburoo afɔleɛ ɔne ɛloe nemɔ bɛngɔ so.

Ɛksadɔso 29:13

Afei fa ɛloe bɔ wato wafa ye kunu nningyein nwo ne amukoraa, bɔ osinzesinze ye boɛ ne anwo ne, ye saa nyɔ nemɔ ɔne bɛ nwo loe ne, ná yera bɛ wɔ afɔleɛ bokyea ne aso.

Ɛksadɔso 29:22

“Boaen nyii ne, fa ye loe ne, ye dua pue ne, ɛloe bɔ wato wafa ye kunu nningyein nwo ne, bɔ osinzesinze ye boɛ nwo ne, ye saa nyɔ nemɔ ɔne bɛ nwo loe ne, ɔne ye sɔ famaa ne, (ofikyɛ ɔte ɔsɔfohyɛlɛ boaen nyii).

Yesaya 53:10

Nakoso né AWURADE kuro kyɛ odwiridwiri ye nwo ɔ, na ɔfale ye fale yealɛ nu. Na ɔnate kyɛ ɔfale ye kra bɔle bɔne nwo afɔleɛ ne ati, okonwu ye bosofoɛ, okonya ngoa tendenn, na ɔnate ye so yeɛ bɔ AWURADE kuro ne, ɔkɔwa nu ɔ.

Hesekiel 44:15

“Nakoso Lewifoɛ bɔ bɛte asɔfo, bɔ bɛte Sadoke boso ama, bɔ bɛyɔle me nekaa krongron ne anu adwuma, mmerɛ bɔ Yisraelfoɛ belili makyebu befili me nwo ne, bɛ de, bekopingye me bɛkɔso me, na bekogyina me nyunu bɛkɔfa ɛloe ne mogya bɛkɔbrɛ me, AWURADE Nyameɛ noa dwirɛ ɛne.

Lewitikɔso 17:6

Odi kyɛ ɔsɔfo ne hwie mogya ne gua AWURADE afɔleɛ bokyea ne anwo wɔ ɛtena sua atenaleɛ anoa nu berɛ, ná ɔ́yera ɛloe ne maa ɔyɛ nwosina bɔ ɔbo AWURADE fona ɔ.

Lewitikɔso 4:26

Odi kyɛ ɔyera ye loe ne amu wɔ afɔleɛ bokyea ne aso kyɛbɔ ɔyerale asomdwee afɔleɛ ɛloe nen. Ɔsɔfo ne kɔpata wɔ sona ne bɔne nwo kɔma ye, na Nyameɛ kɔfa ye bɔne kɔhyɛ ye.

Lewitikɔso 4:31

Na odi kyɛ ɔye ye loe ne amu, kyɛbɔ bɛye ɛloe befi asomdwee afɔleɛ nu ne, na ɔsɔfo ne ɔ́yera ye wɔ afɔleɛ bokyea ne aso maa ɔ́yɛ nikyee bɔ ɔbo AWURADE fona ɔ. Ɔsɔfo ne kɔpata kɔma ye, na Nyameɛ kɔfa ye bɔne kɔhyɛ ye.

Lewitikɔso 8:25

Ɔfale ɛloe ne ye dua pue ne, ɛloe amukoraa bɔ wato wafa ye kunu nningyein anwo ne, ye boɛ ne bie, ye saa nyɔ nemɔ ɔne bɛ nwo loe ne, ɔne ye sɔ famaa ne;

Lewitikɔso 9:24

See fili AWURADE berɛ ɔɔyerale naen yeralɛ afɔleɛ ne, ɔne ɛloe bɔ ɔwɔ afɔleɛ bokyea ne aso ne. Mmerɛ bɔ mmenia ne amu benwuni ye ne, bɛteateane nu, na bɛfale bɛ nyunu bebutubutuli ase.

Mateo 22:37

Na Yesu buale ye kyɛ, “Fa w’ahone amukoraati, wɔ kra mukoraati, ɔne w’adwene amukoraati kuro AWURADE wɔ Nyameɛ dwirɛ!