Lewitikɔso 3:1 - AHYERƐLƐ KRONGRON

¹ “Sɛ ebie afɔleɛ te asomdwee afɔleɛ a, sɛ ɔfa nandwie nyii anaa beleɛ bɔ ofi nandwie kure ne anu a, odi kyɛ ɔfa bɔ ollili nnɛen ɔ ɔbɔ afɔleɛ ne wɔ AWURADE nyunu.

Lewitikɔso 3:1 Iomraidhean Croise

1 Aberɛso Dwirɛ 21:26

Dawide sili afɔleɛ bokyea mane AWURADE wɔ berɛ, na ɔbobɔle naen yeralɛ afɔleɛ ne asomdwee afɔleɛ. Dawide bɔle mbaeɛ hyirele AWURADE. Otiele ye mbaeɛ ne, na ɔmane see fili nyameɛso ɔɔyerale Dawide naen yeralɛ afɔleɛ ne wɔ afɔleɛ bokyea ne aso.

Ɛksadɔso 20:24

Wɔ de, si nnɛterɛ afɔleɛ bokyea ma me, na so yeɛ fa wɔ mmoaen ne wɔ nandwie bɔ naen yeralɛ afɔleɛ, ɔne w’asomdwee afɔleɛ ɔ. Na nekaa biala bɔ ngɔmaa ɛkɔkaye me dumaa nen, ngɔwa wɔ berɛ ngooyira wɔ.

Ɛksadɔso 24:5

Afei ɔsomane Yisrael mmerandeɛ, na bɛfale nandwie bɛɛbɔle naen yeralɛ afɔleɛ ne asomdwee afɔleɛ bɛmane AWURADE.

Ɛksadɔso 29:28

Na sɔ nhyehyɛleɛ ne kɔla berɛ afebɔɔ kɔma Aarɔn ne ye mma mmienzua mɔ, kyɛ bekonya sɔ kyɛfa ne bekofi Yisraelfoɛ berɛ ɔ; ofikyɛ ɔte afɔleɛ bɔ Yisraelfoɛ bɛkɔye bekofi b’asomdwee afɔleɛ ne anu bɛkɔbɔ kɔma AWURADE ɔ.

Anyandera 7:14

“Mabɔ asomdwee afɔleɛ, yeɛ matua m’aboadeɛ ɛnɛ;

Hesekiel 43:27

Na sɛ sɔ ngyẽa ne so yie a, afei ofi ɛlɛbɔtwɛ ne aso bɔ ɔkɔ ne, odi kyɛ asɔfo nemɔ bɛbɔ ɛmɔ naen yeralɛ afɔleɛ ne asomdwee afɔleɛ ne wɔ afɔleɛ bokyea ne aso, na ngole ɛmɔ ngɔto nu, AWURADE Nyameɛ noa dwirɛ ɛne.”

Hesekiel 45:15

yeɛ mmoaen kure bɔ ɔte ɛyaa nyɔ biala, bɔ bɛwɔ Yisrael nekaa bɔ berɛ ndire te frɔmfrɔm ne, ɛ́mɔye boaen ko béfi nu. Ɛhe te aleɛ afɔleɛ, naen yeralɛ afɔleɛ ne asomdwee afɔleɛ bɔ bɛkɔfa bɛkɔpata bɛkɔma bɛ ɔ, AWURADE Nyameɛ noa dwirɛ ɛne.

Lewitikɔso 1:10

“Akyɛdeɛ bɔ sona ne ɔbaafa bɔ naen yeralɛ afɔleɛ ne, sɛ ofi mmoaen kure anaa mbɔngye kure ne anu a, odi kyɛ ɔfa nyii bɔ ollili nnɛen biala ɔ.

Lewitikɔso 1:3

“Sɛ ye afɔleɛ ne te naen yeralɛ afɔleɛ bɔ ofi nandwie kure ne anu a, odi kyɛ ɔfa nyii bɔ ollili nnɛen biala ɔ; odi kyɛ ɔbɔ afɔleɛ ne wɔ ɛtena sua atenaleɛ anoa nu berɛ, amaa AWURADE ale ye ato nu.

Lewitikɔso 17:5

Ɛhe kɔma Yisraelfoɛ kɔfa b’afɔleɛ bɔ bɛbɔ ye wɔ ɛserɛ so ne bɛkɔbrɛ AWURADE. Odi kyɛ bɛfa bɛbrɛ ɔsɔfo ne maa ɔfa ma AWURADE wɔ ɛtena sua atenaleɛ anoa nu berɛ, ná ɔ́fa bɔ asomdwee afɔleɛ ma AWURADE.

Lewitikɔso 3:6

“Sɛ asomdwee afɔleɛ bɔ ɛbɔ ma AWURADE ne fi mmoaen kure ne anu a, nyii oo, beleɛ oo, odi kyɛ ɔyɛ kaka bɔ ollili nnɛen biala ɔ.

Lewitikɔso 9:18

Aarɔn huni nandwie nyii ne ɔne boaen nyii ne fa bɔle asomdwee afɔleɛ mane maen ne; na ye mma nemɔ fale mogya ne bɛbrɛle ye, maa ohwie guale afɔleɛ bokyea ne anwo bra yiale.

Lewitikɔso 9:4

Ɛ́mɔfa nandwie nyii ne boaen nyii, ɔne aburoo afɔleɛ bɔ bafa ngoo bafra ye ɔ bɛbɔ asomdwee afɔleɛ wɔ AWURADE nyunu; ofikyɛ ɛnɛ Nyameɛ kɔye ye nwo ali kohyire ɛmɔ.’ ”

Amose 5:22

Ɔwɔ nu kyɛ ɛmɔbɔ naen yeralɛ afɔleɛ ne aleɛ afɔleɛ bɛma me, nakoso menne mendo nu; yeɛ ɛmɔ nandwie sayɛɛ asomdwee afɔleɛ ne, mengɔfa me nye mengɔnea.

Malaki 1:14

Musue to nnakannaka sona bɔ ɔfa kaka nyii bɔ ɔwɔ ye mmoaen kure nu ɔ ɔhyɛ bɔ, nakoso ɔfa bɔ wali nnɛen ɔ ɔbɔ afɔleɛ ma AWURADE ɔ. Ofikyɛ nde Ɛhene piri, na me dumaa nwo suronyi tɔ maen maen mɔ so, Asafo AWURADE noa dwirɛ ɛne.

Malaki 1:8

Sɛ ɛmɔfa kaka anyesiniwaa bɛbabɔ afɔleɛ a, aso ɔtte bɔne hɔ ɔ? Yeɛ sɛ ɛmɔfa kaka agyabuburuwaa anaa bɔ ɔnde apɔ ɔ bɛbabɔ afɔleɛ a, aso ɔtte bɔne hɔ ɔ? Nzaade fa kɔma w’amrado nea! Aso ɛkɔsɔ ye nye, anaa ɔkɔnea wɔ nyunu anaa? Asafo AWURADE noa dwirɛ ɛne.

Numeri 15:8

Sɛ ɛfa nandwie nyii bɔ naen yeralɛ afɔleɛ anaa afɔleɛ biala a, kyɛ ɛfa tua aboadeɛ oo, anaakyɛ ɛfa bɔ asomdwee afɔleɛ ma AWURADE oo,

Numeri 6:14

Odi kyɛ ɔfa ye akyɛdeɛ hemɔ ɔbrɛ AWURADE: boaen nyii akrɔngrɔma ko bɔ wali afoɛ ko, bɔ ollili nnɛen biala, bɔ ɔ́fa bɔ naen yeralɛ afɔleɛ ɔ; boaen beleɛ akrɔngrɔma ko bɔ wali afoɛ ko, bɔ ollili nnɛen biala, bɔ ɔ́fa bɔ bɔne nwo afɔleɛ ɔ; boaen nyii ko bɔ ollili nnɛen biala ɔ, bɔ ɔ́fa bɔ asomdwee afɔleɛ ɔ,

Numeri 7:17

ɔne asomdwee afɔleɛ nwo nningyein hemɔ: nandwie nyɔ, mmoaen nyii nnu, mbɔngye nyii nnu, ɔne mmoaen nyii akrɔngrɔma nnu bɔ bali afoɛ ngoko ɔ. Aminadabo awa Nason ye afɔleɛ deɛ ɛne.

Numeri 7:59

ɔne asomdwee afɔleɛ nwo nningyein hemɔ: nandwie nyɔ, mmoaen nyii nnu, mbɔngye nyii nnu, ɔne mmoaen nyii akrɔngrɔma nnu bɔ bali afoɛ ngoko ɔ. Pedasure awa Gamaliɛl ye afɔleɛ deɛ ɛne.

Deuteronomi 12:27

Fa naen ne ne mogya ne bɔ wɔ naen yeralɛ afɔleɛ wɔ AWURADE wɔ Nyameɛ afɔleɛ bokyea ne aso. W’afɔleɛ ngaa nemɔ, hwie bɛ mogya ne gua AWURADE wɔ Nyameɛ afɔleɛ bokyea ne ngyɛnu, nakoso naen ne de, di.

Kolosefoɛ 1:20

Ɔnate ye so Nyameɛ ahwe nningyein mukoraa bɔ bɛwɔ aseɛ so ne nyameɛso wabata ye bɔbɔ ye nwo; na ɔnate ye mmeamudua nu mogya ne aso yeɛ wama sɔ asomdwee ye awa ɔ.

Hebrifoɛ 10:22

yiti ɛ́mɔma yɛfa nahorɛ ahone ne gyidie bɔ osi pi, ɔne ahone bɔ bate ye nwo bafi bɔne tiboa nu, ɔne nipadua bɔ bafa nzue gyengɔgyengɔ babia ye ɔ yɛhwe yɛpingye Nyameɛ.

1 Yohane 1:3

Bɔ yanwu ye ná yate ne yeɛ yɛ koso yɛbɔ ye dawure yɛkyire ɛmɔ ɔ, amaa ɛmɔ koso ɛmɔ ne yɛ atira abiɛngoɛ; na y’abiɛngoɛ he, yɛne Baba ne, ɔne Ɔwa Yesu Kristo yeɛ yatira ɔ.

Maenbulɛfoɛ 20:26

Yeɛ Yisrael koɛhonɛfoɛ ne amukoraa, besa bɛhɔle Betel bɛɛtenane AWURADE nyunu besuni. Sɔ kyẽa ne, bɛhyele ɛhɔen maa oodwuli nɔsoa. Afei bɛbobɔle naen yeralɛ afɔleɛ ne asomdwee afɔleɛ wɔ AWURADE nyunu.

Maenbulɛfoɛ 21:4

Ye alehyeleɛ ne, maen ne dwɔsole ngyerɛmɔ tutuutu. Besili afɔleɛ bokyea wɔ berɛ, na bɛbobɔle naen yeralɛ afɔleɛ ne asomdwee afɔleɛ.