Lewitikɔso 27:34 - AHYERƐLƐ KRONGRON

³⁴ Ɛhemɔ ole mmeraa dwirɛ bɔ AWURADE nate Mose so fa mane Yisraelfoɛ wɔ Sinai bokaa ne aso ne.

Lewitikɔso 27:34 Iomraidhean Croise

Lewitikɔso 26:46

Ɛhe mɔ ole ahyɛdeɛ, nhyehyɛleɛ ne mmeraa bɔ AWURADE nate Mose so hyehyɛle tole ye ne Yisraelfoɛ afia wɔ Sinai bokaa aso ne.

Lewitikɔso 7:38

ná ɛhemɔ yeɛ AWURADE hyɛle Mose wɔ Sinai bokaa ne aso kyẽa bɔ AWURADE hyɛle Yisraelfoɛ kyɛ bɛfa b’afɔleɛ bɛbrɛ ye AWURADE wɔ Sinai ɛserɛ so ne.

Numeri 1:1

Yisraelfoɛ tu fili Misraim aseɛ so ne asi, ye afoɛ bɔ ɔtɔ so nyɔ ne anu, bosome bɔ ɔtɔ so nyɔ, ye kyẽa bɔ oli moa ne, AWURADE sele Mose wɔ ɛtena sua atenaleɛ ne anu wɔ Sinai ɛserɛ ne aso kyɛ,

Numeri 28:6

Ɛhe te daa biala naen yeralɛ afɔleɛ, bɔ nhyehyɛle ye wɔ Sinai bokaa ne aso ɔ. Ɔte afɔleɛ fona bɔ bɛbɔ ye see so bɛma AWURADE ɔ.

Numeri 3:1

Mmerɛ bɔ AWURADE ne Mose dwudwole wɔ Sinai bokaa ne aso ne, né Aarɔn ne Mose bɛ sasofoɛ mɔ ɛhe:

Numeri 36:13

Ɛhemɔ ole mmeraa dwirɛ ne nhyehyɛleɛ bɔ AWURADE nate Mose so fa mane Yisraelfoɛ ɔ. Ɔfa mane bɛ wɔ Moabo aseɛ frɛtɛɛ ne aso, wɔ asue Yɔɔdan bue nu dɔ bɔ opingye Yeriko ne.

Yohane 1:17

Mmeraa ne de, bɛnate Mose so yeɛ bɛfa bɛmane ɔ; na adom ne nahorɛ ne de, ɔnate Yesu Kristo so yeɛ bɛwale ɔ.

Deuteronomi 1:3

Kyẽa bɔ oli moa wɔ bosome buru ne ko ne anu, wɔ afoɛ aburanna ne anu ne, Mose hane edwirɛ amukoraa bɔ AWURADE ahyɛ ye kyɛ ɔha hyire Yisraelfoɛ mɔ ne hyirele bɛ.

Deuteronomi 29:1

Apam bɔ AWURADE hyɛle Mose kyɛ ɔne Yisraelfoɛ bɛ́yɛ wɔ Moabo aseɛ so, ná ɔ́fa boka apam bɔ ɔne bɛ yɛle wɔ Horebo ne, nu dwirɛ ɛhe:

Deuteronomi 4:45

Ɛhemɔ te edwirɛ, ahyɛdeɛ ne nhyehyɛleɛ bɔ Mose fa mane Yisraelfoɛ wɔ mmerɛ bɔ befili Misraim bɛwale ne,

Deuteronomi 4:5

Ɛ́mɔtie, kyɛbɔ AWURADE me Nyameɛ hyɛle me ne, sɔ ala yeɛ mahyirehyire ɛmɔ ahyɛdeɛ ne nhyehyɛleɛ ne ɔ, kyɛbɔ ɔkɔyɛ bɔ ɛmɔkoli so wɔ aseɛ bɔ ɛmɔkwaafa bɛtena so ne aso ɔ.