Lewitikɔso 27:30 - AHYERƐLƐ KRONGRON

³⁰ “Aseɛ ne aso aleɛ buru nu ngyɛmuɛ ko ne, kyɛ betu befili aseɛnwo oo, anaakyɛ ɔte mmakaammaa oo, ye mukoraa te AWURADE deɛ; bɛte krongron bɛma AWURADE.

Lewitikɔso 27:30 Iomraidhean Croise

Gyenesise 14:20

na animnyam hã Anwuro Anwuro Nyameɛ, bɔ wafa wɔ pɔfoɛ mɔ wawura wɔ sa ne!” Na Abram mane Mɛlkisɛdɛke nningyein ne amukoraa nu buru nu ngyɛmuɛ ko.

Gyenesise 28:22

Na nyɔboɛ he bɔ mafa mapena berɛ mayɛ ngayeɛ nyɔboɛ ye kɔyɛ Nyameɛ awuro, na nikyee biala bɔ ɛkɔma me ne, ngɔma wɔ so buru nu ngyɛmuɛ ko.”

Gyenesise 47:24

Sɛ buberɛ dwu a, ɛmɔkɔhyɛ fieso aleɛ ne anu nnu: ko kɔyɛ Faro deɛ na nna ayɛ ɛmɔ deɛ. Ɛmɔkolua bie fieso, na ɛmɔ ne ɛmɔ awuro ama ne ɛmɔ mma mɔ bali bie.”

Gyenesise 47:26

Yiti Yosef hyɛle mmeraa fale Misraim aseɛ nwo, bɔ ɔtɛwɔ berɛ ɔbaadwu ɛnɛ ɔ, kyɛ fieso nningyein biala bɛkyɛ nu kure nnu a, ko te Faro deɛ; asɔfo nemɔ aseɛ ngome yeɛ wanyɛ Faro deɛ ɔ.

2 Aberɛso Dwirɛ 31:12

Buru nu ngyɛmuɛ ko ne, ɔne nningyein bɔ batu basie berɛ bama AWURADE bɔ odi kyɛ ebiala fa ba ne, belili nahorɛ bɛfa bɛwale. Panyi bɔ né ɔnea so ole Lewiniɛ Konania. Sɛ ɔnne berɛ a, oliɛma Simei yeɛ ɔwɔ berɛ ɔ.

Nehemia 12:44

Sɔ kyẽa ne, sua mɔ bɔ bɛfa akyɛdeɛ nemɔ, fieso aleɛ bɔ bekoli moa bɛkɔfa nemɔ, yeɛ buru nu ngyɛmuɛ ko nemɔ besie nu ne, bɛyele mmenia kyɛ bɛnea so. Mbɔtam berɛ nguro nemɔ, bɛ fieso nningyein kyɛfa bɔ mmeraa ne kyire kyɛ bɛfa bɛma asɔfo ne Lewifoɛ nemɔ ne, né odi kyɛ sɔ mmenia bɔ baye bɛ ne, bɛboaboa ye noa begua nu, ofikyɛ né Yudafoɛ bɛ nye gye asɔfo ne Lewifoɛ b’adwuma bɔ bɛyɔ ne anwo.

Nehemia 13:12

Yeɛ maen ne amukoraa besa bɛfale aburoo, nzaa ne ngoo so buru nu ngyɛmuɛ ko ne bɛwale asɔneyɛɛ sua nu berɛ nekaa bɔ bɛfa nningyein besie ne.

Nehemia 13:5

né wasiesie sua piri ko wama Tobia. Sɔ sua ne, né bɛfa sɔ nningyein hemɔ besie nu: aburoo afɔleɛ, ɛyɛɛ, ngukue, aburoo ngyɛmuɛ buru nu ko, nzaa ngyɛmuɛ buru nu ko ne ngoo ngyɛmuɛ buru nu ko bɔ bahyɛ kyɛ bɛfa bɛma Lewifoɛ, edweintolɛfoɛ ɔne pambim awɛmvoɛ, yeɛ afei akyɛdeɛ bɔ bɛfa bɛma asɔfo nemɔ ne.

Lewitikɔso 27:29

Sona biala bɔ babua kyɛ behũ ye ne, bɛngɔhora bɛngɔpɔ ye; odi kyɛ beku ye ɔ.

Lewitikɔso 27:31

Na sɛ ebie kuro kyɛ osa fa ye buru nu ngyɛmuɛ ko ne anu bie a, ye de odi kyɛ ye nyɔboɛ ne, ɔfa nnu nu ngyɛmuɛ ko ɔboka so.

Mateo 23:23

“Ahyerɛlɛfoɛ ne Farasiifoɛ, ɛmɔ yaakɔ! Nyaatwomfoɛ! Ofikyɛ, ɛmɔtua ɛmeɛ, ɛmanyire ne ɛkaberɛ so buru nu ngyɛmuɛ ko, nakoso ɛmɔnni mmeraa ne anu dwirɛ bɔ ohia paa ne aso, bɔ ye ole pɛpɛɛpɛyɛlɛ, anwumvoinnwunɛ ne gyidie. Na ɛhemɔ yeɛ ahaa odi kyɛ ɛmɔyɔ ɔ, bɔ ɛmɔnyakyi ye ngaa nemɔ koso yɔlɛ ɔ.

Luka 11:42

“Ɛmɔ Farasiifoɛ, ɛmɔ yaakɔ! Ofikyɛ, ɛmɔfa ɛmeɛ, ɛmanyire ne nyaanyaa biala buru nu ngyɛmuɛ ko bɛma, nakoso ɛmɔbu bɛ nye begua pɛpɛɛpɛyɛlɛ ne Nyameɛ nwo dɔ so. Na ɛhemɔ yeɛ ahaa odi kyɛ ɛmɔyɔ ɔ, bɔ ɛmɔnyakyi ye ngaa nemɔ koso yɔlɛ ɔ.

Luka 18:12

Dapɛn biala meyɛ akɔngyere pɛen nyɔ, na bɔ menya biala, meye so buru nu ngyɛmuɛ ko mema.’

Deuteronomi 18:8

Ɔsɛ kyɛ onya ye kyɛfa pɛpɛɛpɛ odi, kyɛ asɔfo ngaa ne ala, ɔwɔ nu kyɛ wanya sikaa wafi ɔse agyapadeɛ bɔ bayɛ ye atɔen ne anu de.

Deuteronomi 26:12

“Afoɛ bɔ ɔtɔ so nza ne anu, bɔ ɔte buru nu ngyɛmuɛ ko afoɛ ne, sɛ ɛye wɔ boo nu aleɛ buru nu ngyɛmuɛ ko mukoraati yie, ná ɛfa ma Lewifoɛ, ɛwɔfoɛ, ayisiaa ne akunafoɛ, maa bedi ma bɛ ko yi wɔ wɔ kuro berɛ a,