Lewitikɔso 27:28 - AHYERƐLƐ KRONGRON

²⁸ “Nakoso ebiala ye nikyee biala bɔ okotu kosie berɛ kɔma AWURADE ne, kyɛ sona oo, kyɛ kaka oo, anaa aseɛ bɔ bawu bafa bayakyi ye oo, ɔngɔhora ngɔtɔne ye, yeɛ ɔngɔhora ngɔpɔ ye. Nikyee biala bɔ batu basie berɛ bama AWURADE ne, ɔte krongron paa ma AWURADE.

Lewitikɔso 27:28 Iomraidhean Croise

2 Aberɛso Dwirɛ 31:14

Akyɛdeɛ afɔleɛ bɔ bɛbɔ bɛma Nyameɛ ne, nningyein bɔ batu basie berɛ bama AWURADE ne hyɛlɛ ne, yeɛ afɔleɛ krongron nningyein ne hyɛlɛ ne, Lewiniɛ Yimina ɔwa Kore bɔ ɔte eyia afiteleɛ pambim so neafoɛ ne, ye yeɛ né owura ye sa ɔ.

Ɛksadɔso 22:20

“Sona biala bɔ ɔkɔbɔ afɔleɛ kɔma bosoen, bɔ wammɔ wamma AWURADE ngome twe nen, ɔsɛ kyɛ beku ye korakorakorakora.

Hesekiel 44:29

Aleɛ afɔleɛ, bɔne nwo afɔleɛ ne foɛlilɛ afɔleɛ yeɛ bekoli ɔ; ɔne nikyee biala bɔ batu basie berɛ wɔ Yisrael yeɛ ɔkɔyɛ bɛ deɛ ɔ.

Hesekiel 48:14

Onni kyɛ bɛyɛ bie atɔen anaa bɛfa bɛsesã nikye; yeɛ onni kyɛ bɛma sɔ nekaa paa bɔ ɔwɔ aseɛ ne aso ne okodi ebie berɛ, ofikyɛ ɔte krongron ma AWURADE.

Lewitikɔso 21:22

Ye Nyameɛ aleɛ ne, bɔ ɔte krongron paa ɔne bɔ ɔte krongron ne, ɔkɔhora koli bie.

Lewitikɔso 27:21

Nakoso sɛ Yubilee afoɛ ne so, bɔ odi kyɛ ebiala sa ka ye agyapadeɛ ne a, aseɛ ne kɔyɛ krongron kɔma AWURADE kyɛ aseɛ bɔ batu basie berɛ bama AWURADE ne ala; ɔkɔyɛ ɔsɔfo ne deɛ.

Lewitikɔso 27:27

Sɛ ɔte kaka bɔ ye nwo nde a, ye de sese ye nyɔboɛ, ná ma ye mene ne ɔfa nnu nu ngyɛmuɛ ko ɔboka so ɔpɔ ye; sɛ wambɔ ye a, odi kyɛ bɛtɔne ye kyɛbɔ asi asese ye nyɔboɛ ne ala.

Lewitikɔso 27:29

Sona biala bɔ babua kyɛ behũ ye ne, bɛngɔhora bɛngɔpɔ ye; odi kyɛ beku ye ɔ.

Numeri 18:14

Nikyee biala bɔ batu basie berɛ bama AWURADE wɔ Yisrael ne, ɔte wɔ deɛ.

Mateo 25:41

“Na afei okose bɛ bɔ bɛwɔ ye sa bɛen so ne kyɛ, ‘Ɛmɔ bɔ banoma ɛmɔ ɔ! Ɛ́mɔfi me so bɛhɔ see afebɔɔ bɔ basiesie bama abɔnzam ne ye abɔfo mɔ ne anu!

Romanfoɛ 9:3

Ɔhale me ngome a, ahaa mayɛ abusudeɛ sona maa mahwere Kristo, ɔnate ngoalelɛ bɔ m’anwoɔnaen nu aliɛmaa mɔ bɔ bɛte abusuafoɛ ne bekonya ye ne ati.

1 Korintofoɛ 16:22

Sɛ ebie nguro Awurade Yesu Kristo dwirɛ a, musue to ye! Y’Awurade bra! (Maranata).

Galatiafoɛ 3:10

Na ebiala bɔ mmeraa ne aso lilɛ so yeɛ ɔfa ye nwo to ne, ye yaakɔ! Ofikyɛ bahyerɛ kyɛ, “Ebiala bɔ onni nikyee biala so kyɛbɔ bahyerɛ ye wɔ mmeraa nwomaa ne anu, ná ɔnyɔ ne, ye yaakɔ!.”

Galatiafoɛ 3:13

Kristo ɔɔyɛle abusudeɛ mane yɛ, na ɔnate so wapɔ yɛ wafi mmeraa musue nu; ofikyɛ bahyerɛ kyɛ, “Banoma sona biala bɔ basinze ye wɔ bakaa so ɔ.”

Deuteronomi 25:19

Yiti sɛ AWURADE wɔ Nyameɛ ma wɔ nwo tɔ wɔ fi wɔ pɔfoɛ amukoraati bɔ bapɛ wɔ nwo bayia ne sa nu, wɔ aseɛ bɔ AWURADE wɔ Nyameɛ ɔ́fa ma wɔ maa ɔyɛ wɔ deɛ ne aso a, kyikyi Amalɛkefoɛ bɛ boso bɔkɔɔ fi ewiase. Nnɛma wɔ wora fi!

Deuteronomi 7:26

Nnɛfa akyiwadeɛ biala ba w’awuro, ná wɔ koso angakyi akyiwadeɛ kyɛ ye ala. Ɔsɛ kyɛ ɛmaa ɔyɛ wɔ tɛ ná ekyi ye bɔkɔɔ, ofikyɛ ɔte akyiwadeɛ.

Yosua 6:26

Sɔ mmerɛ ne, Yosua payele kyɛ, “Sona biala bɔ ɔkɔkyekye Yeriko kuro he bieku nen, AWURADE prápra musue ógua ye so; sɛ ɔ́to kuro ne fapem a, ɔkɔfa ye bamuɛbaa yeɛ ɔkɔpɛ so ɔ, yeɛ sɛ ótuatua ye pambim mɔ a, ɔkɔfa ye kasiɛ yeɛ ɔkɔpɛ so ɔ!”

Yosua 7:1

Nakoso AWURADE mmeraa bɔ ɔfa nningyein bɔ watu wasie berɛ kyɛ bɛsɛkye ye ne anwo ne, Yisraelfoɛ buli so. Akan bɔ ɔse ole Karemi, bɔ ɔse ole Sabidi, bɔ ye koso ɔse ole Sera bɔ ofi Yuda abusua kure nu ne, ɔfale nningyein bɔ AWURADE atu asie berɛ kyɛ bɛsɛkye ye ne bie, yiti AWURADE fɛle Yisraelfoɛ so yaa piri paa.

Yosua 7:25

Na Yosua sele kyɛ, “Nzikyɛ amaneɛ yeɛ aahwe abrɛ yɛ ye? AWURADE kɔma amaneɛ kɔto wɔ ɛnɛ kyẽa ye.” Na Yisraelfoɛ amukoraati bɛborole ye nyɔboɛ behuni ye. Bɛfale see bɛyerale bɛ, na bɛsesale nyɔboɛ beguale bɛ so.

Maenbulɛfoɛ 21:11

Ɛhe yeɛ odi kyɛ ɛmɔyɔ ɔ: bienzua biala, yeɛ brasua biala bɔ wanwu biaa le ne, odi kyɛ ɛmɔku ye.”

Maenbulɛfoɛ 21:18

Nakoso yɛngɔhora yɛngɔfa yɛ mma mmrasua yɛngɔma bɛ agyaa.” Ofikyɛ né Yisraelfoɛ bali moa bata ndaen kyɛ, “Ebiala bɔ ɔkɔma Benyaminniɛ braa maa okogya ne, musue to ye.”

Maenbulɛfoɛ 21:5

Yeɛ Yisraelfoɛ bisale kyɛ, “Yisrael mmusua kure ne, bɛ nu beni yeɛ dwaa bɔ yɛbɔle wɔ AWURADE nyunu ne, wamma ye bo bie ɔ?” Ofikyɛ né bata ndaen bato berɛ kyɛ, ebiala bɔ wamma AWURADE nyunu wɔ Misepa ne, odi kyɛ beku ye.

1 Samuel 15:18

na AWURADE somane wɔ fale adwuma wurale wɔ sa kyɛ, ‘Sɔ Amalɛkefoɛ bɔnefoɛ nemɔ, kohũhũ bɛ bɔkɔɔ, na fa koɛ toa bɛ toonn kɔpem kyɛ bɛ boso konua ɔ.’

1 Samuel 15:3

Yiti kɔ na kohũ Amalɛkefoɛ, ná sɛkye bɔ bele ye amu bɔkɔɔ. Nnɛma ebiala nya ye ti didi nu, na mmom ku mmienzua ne mmrasua, ngwadaa ne nnɔma, nandwie ne mmoaen, afupɔngɔ ne afunum.’ ”