Lewitikɔso 27:27 - AHYERƐLƐ KRONGRON

²⁷ Sɛ ɔte kaka bɔ ye nwo nde a, ye de sese ye nyɔboɛ, ná ma ye mene ne ɔfa nnu nu ngyɛmuɛ ko ɔboka so ɔpɔ ye; sɛ wambɔ ye a, odi kyɛ bɛtɔne ye kyɛbɔ asi asese ye nyɔboɛ ne ala.

Lewitikɔso 27:27 Iomraidhean Croise

Lewitikɔso 27:11

Sɛ ɔte kaka bɔ ye nwo nde bɔ bɛmva bɛmmɔ afɔleɛ mma AWURADE a, ye de ɔsɛ kyɛ bɛfa kaka ne bɛba ɔsɔfo ne nyunu.

Lewitikɔso 27:13

Nakoso sɛ kaka ne mene kuro kyɛ ɔpɔ kaka ne a, odi kyɛ ye nyɔboɛ ne, ɔfa nnu nu ngyɛmuɛ ko ɔboka so.

Lewitikɔso 27:15

Na sɛ sona bɔ otuli awuro ne siele berɛ mane AWURADE ne, okuro kyɛ ɔpɔ awuro ne a, odi kyɛ ye nyɔboɛ ne, ɔfa nnu nu ngyɛmuɛ ko ɔboka so, maa osa bayɛ ye deɛ.

Lewitikɔso 27:26

“Nnɛma ebiala tu kaka biala bamuɛbaa sie berɛ ma AWURADE; ɔnate kyɛ ɔte bamuɛbaa ne ati, ɔte AWURADE deɛ. Kyɛ nandwie ahɔ oo, anaa boaen ahɔ oo, AWURADE deɛ ɔ.

Lewitikɔso 27:28

“Nakoso ebiala ye nikyee biala bɔ okotu kosie berɛ kɔma AWURADE ne, kyɛ sona oo, kyɛ kaka oo, anaa aseɛ bɔ bawu bafa bayakyi ye oo, ɔngɔhora ngɔtɔne ye, yeɛ ɔngɔhora ngɔpɔ ye. Nikyee biala bɔ batu basie berɛ bama AWURADE ne, ɔte krongron paa ma AWURADE.

Lewitikɔso 27:31

Na sɛ ebie kuro kyɛ osa fa ye buru nu ngyɛmuɛ ko ne anu bie a, ye de odi kyɛ ye nyɔboɛ ne, ɔfa nnu nu ngyɛmuɛ ko ɔboka so.

Lewitikɔso 5:16

Na krongron nikyee bɔ wayɔ ye nwo bɔne ne, odi kyɛ ɔfa sɔ nikyee ne bie osi ye gya nu; odi kyɛ ɔbɔ ye nwo nnu nu ngyɛmuɛ ko na ɔ́fa ma ɔsɔfo ne, na ɔsɔfo ne kɔfa foɛlilɛ afɔleɛ boaen nyii ne kɔpata kɔma ye, na Nyameɛ kɔfa ye bɔne kɔhyɛ ye.