Lewitikɔso 27:26 - AHYERƐLƐ KRONGRON

²⁶ “Nnɛma ebiala tu kaka biala bamuɛbaa sie berɛ ma AWURADE; ɔnate kyɛ ɔte bamuɛbaa ne ati, ɔte AWURADE deɛ. Kyɛ nandwie ahɔ oo, anaa boaen ahɔ oo, AWURADE deɛ ɔ.

Lewitikɔso 27:26 Iomraidhean Croise

2 Ahemvo 7:5

Yiti bedwɔsole nɔsoa kyɛ bɛkɔ Siriafoɛ asikyeleɛ ne anu, nakoso beedwuli asikyeleɛ ne anwo ne, né sona fee nne berɛ.

Nehemia 10:36

Afei koso, yɛkɔfa yɛ bamuɛbaa mmienzua mɔ ne yɛ nandwie mɔ, mmoaen mɔ ne abɔngye mɔ bɛ mma mɔ bɔ oli moa ne yɛkɔhɔ yɛ Nyameɛ awuro yɛkɔɔma asɔfo bɔ bɛyɔ Nyameɛ awuro berɛ ɛsɔnenɛ adwuma ne, kyɛbɔ bahyerɛ ye wɔ mmeraa ne anu ne.

Ɛksadɔso 13:2

“Tu bamuɛbaa mukoraa sie berɛ ma me; ebiala bɔ okoli moa kofi koɛsɛen nu kɔwa wɔ Yisraelfoɛ nu ne, sona oo, ayɛmmoa oo, ɔte me deɛ.”

Ɛksadɔso 22:30

Sɔ ala yeɛ yɛ wɔ nandwie ne wɔ mmoaen ɔ: Maa oli oni anwo ɛlɛsoo, nakoso ye ɛlɛbɔtwɛ ne aso de, fa ye ma me.

Lewitikɔso 27:27

Sɛ ɔte kaka bɔ ye nwo nde a, ye de sese ye nyɔboɛ, ná ma ye mene ne ɔfa nnu nu ngyɛmuɛ ko ɔboka so ɔpɔ ye; sɛ wambɔ ye a, odi kyɛ bɛtɔne ye kyɛbɔ asi asese ye nyɔboɛ ne ala.

Numeri 18:17

Nakoso nandwie bamuɛbaa, anaa boaen bamuɛbaa, anaa abɔngye bamuɛbaa de, nnɛpɔ bɛ; bɛte krongron. To bɛ mogya ne pete afɔleɛ bokyea ne aso, ná yera bɛ loe ne ma ɔyɛ afɔleɛ bɔ bɛfa see bɛyera ye, bɔ ɔbo AWURADE fona ɔ.

Numeri 3:13

ofikyɛ bamuɛbaa amukoraa te me deɛ. Mmerɛ bɔ ngukuni Misraim aseɛ so bamuɛbaa amukoraa ne, nduli Yisrael bamuɛbaa amukoraa nziele berɛ mane me nwo, kyɛ mmenia deɛ oo, kyɛ ngaka deɛ oo; bɛte me deɛ. Me ole AWURADE.”

Deuteronomi 15:19

“Wɔ nandwie ne mmoaen mɔ bɛ bamuɛbaa bienzua biala, tu bɛ sie berɛ ma AWURADE wɔ Nyameɛ. Nnɛfa wɔ nandwie bamuɛbaa yɔ adwuma, yeɛ nnɛpepɛ wɔ boaen bamuɛbaa nwiaa.