Lewitikɔso 27:21 - AHYERƐLƐ KRONGRON

²¹ Nakoso sɛ Yubilee afoɛ ne so, bɔ odi kyɛ ebiala sa ka ye agyapadeɛ ne a, aseɛ ne kɔyɛ krongron kɔma AWURADE kyɛ aseɛ bɔ batu basie berɛ bama AWURADE ne ala; ɔkɔyɛ ɔsɔfo ne deɛ.

Lewitikɔso 27:21 Iomraidhean Croise

Ɛsra 10:8

kyɛ bama bɛ ɛlɛsa, na ebiala bɔ wamma ne, mbɔtam mbanyi ne mbanyi nemɔ bahyɛ mmeraa kyɛ bele ye nwo nningyein amu, ná bɛpɛ ye asue befi mmenia bɔ bafi nnurehyelɛ nu bawa ne anu.

Hesekiel 44:29

Aleɛ afɔleɛ, bɔne nwo afɔleɛ ne foɛlilɛ afɔleɛ yeɛ bekoli ɔ; ɔne nikyee biala bɔ batu basie berɛ wɔ Yisrael yeɛ ɔkɔyɛ bɛ deɛ ɔ.

Lewitikɔso 25:10

Ɛ́mɔma afoɛ bɔ ɔtɔ so aburannu ne ɔyɛ krongron, ná ɛ́mɔbɔ fawɔnwodi nwo dawure behyire aseɛ ne aso ama mukoraa wɔ maen ne amukoraati nu. Ɔte Yubilee afoɛ ma ɛmɔ, na ɛmɔ nu biala, odi kyɛ ye sa osa ka ye aseɛ bɔ wafi ye sa ɔ, ná sona biala bɔ ɔwɔ ngoaasolɛ nu ne, osa kɔ ye abusua nu.

Lewitikɔso 25:28

Nakoso sɛ olle sikaa bɔ ɔkɔso agyapadeɛ ne pɔ a, agyapadeɛ bɔ watɔne ye ne kɔha sona bɔ watɔ ne berɛ maa okoodwu Yubilee afoɛ ne; sɛ Yubilee afoɛ ne so a, odi kyɛ ɔfa ye mene ne nikyee ma ye, ná agyapadeɛ ne sa bayɛ ye mene deɛ.

Lewitikɔso 25:31

Nakoso awuro mɔ bɔ bɛwɔ nguraa mɔ bɔ fasue ɔnne bɛ nwo nu ne de, odi kyɛ bebu bɛ kyɛ bɛte namue; bɛkɔhora bɛkɔpɔ bɛ, na odi kyɛ besa bɛkakyi bɛma bɛ mene mɔ Yubilee afoɛ ne anu.

Lewitikɔso 27:20

Nakoso sɛ wambɔ aseɛ ne a, anaa sɛ ɔtɔne ye ma sona foforɛ a, ye de ne ɔpɔ ye a ɔnyɛ yé ko.

Lewitikɔso 27:22

Na sɛ ebie tu aseɛ bɔ watɔ ɔ sie berɛ ma AWURADE, bɔ nna aseɛ bɔ bawu bafa bayakyi ye ne bie ahɔ a,

Numeri 18:14

Nikyee biala bɔ batu basie berɛ bama AWURADE wɔ Yisrael ne, ɔte wɔ deɛ.

Deuteronomi 13:17

Sɔ musue nningyein ne, nnɛfa bie sie, na ɔnate so AWURADE kɔye ye yaafɛlɛ piri ne kofi wɔ so. Okonwu wɔ anwumvoin, na ɔkɔlo wɔ maa ɛkɔta pee, kyɛbɔ ɔtale ndaen hyirele wɔ nana mɔ ne.

Yosua 6:17

Ɔsɛ kyɛ ɛmɔsɛkye kuro ne ɔne nu nningyein amukoraati bɔkɔɔ maa ɔyɛ afɔleɛ ma AWURADE. Sana gyanderaniɛ Rahabo ngome, ɔne mmenia bɔ bɛwɔ ye awuro berɛ amukoraati yeɛ bekonya bɛ ti bekodidi nu ɔ, ofikyɛ ye yeɛ ɔfale ɛbɔfoɛ mɔ bɔ yɛsomane bɛ ne feale ɔ.