Lewitikɔso 27:13 - AHYERƐLƐ KRONGRON

¹³ Nakoso sɛ kaka ne mene kuro kyɛ ɔpɔ kaka ne a, odi kyɛ ye nyɔboɛ ne, ɔfa nnu nu ngyɛmuɛ ko ɔboka so.

Lewitikɔso 27:13 Iomraidhean Croise

Lewitikɔso 22:14

Na sɛ ebie di akyɛdeɛ krongron ne bie, ná ɔnze kyɛ ɔte akyɛdeɛ krongron a, odi kyɛ ɔfa akyɛdeɛ krongron ne bie si ye gya nu pɛpɛɛpɛ; odi kyɛ osa fa nnu nu ngyɛmuɛ ko ɔboka so ná ɔ́fa ma ɔsɔfo ne.

Lewitikɔso 27:10

Onni kyɛ bɛfa foforɛ besi ye gya nu anaa bɛfa bɛsesã ye. Nnɛmaa bɛfa bɔ ɔte paa bɛsesã bɔ ɔtte mayee, yeɛ nnɛmaa bɛfa bɔ ɔtte mayee bɛsesã bɔ ɔte paa ɔ. Sɛ ɛfa kaka bie si kaka foforɛ gya nu a, kaka ne ɔne bɔ bafa basi ye gya nu ne amukoraa odi kyɛ bɛyɛ krongron.

Lewitikɔso 27:12

Odi kyɛ ɔsɔfo ne nea kaka ne, kyɛ ɔte paa anaa ɔtte mayee, na nyɔboɛ bɔ ɔsɔfo ne kɔfa kɔto so ne, sɔ ala yeɛ okogyina ɔ.

Lewitikɔso 27:14

“Sɛ ebie tu ye awuro sie berɛ kyɛ ɔte krongron ma AWURADE a, odi kyɛ ɔsɔfo ne, ɔnea kyɛ awuro ne ɔte paa anaa ɔtte mayee. Nyɔboɛ bɔ ɔsɔfo ne kɔfa kɔto so ne, sɔ ala yeɛ okogyina ɔ.

Lewitikɔso 27:15

Na sɛ sona bɔ otuli awuro ne siele berɛ mane AWURADE ne, okuro kyɛ ɔpɔ awuro ne a, odi kyɛ ye nyɔboɛ ne, ɔfa nnu nu ngyɛmuɛ ko ɔboka so, maa osa bayɛ ye deɛ.

Lewitikɔso 27:19

Na sɛ sona bɔ watu aseɛ ne wasie berɛ wama AWURADE ne, okuro kyɛ ɔpɔ ye a, ye de odi kyɛ ye nyɔboɛ ne, ɔfa nnu nu ngyɛmuɛ ko ɔboka so, maa osa bayɛ ye mene ne deɛ.

Lewitikɔso 27:27

Sɛ ɔte kaka bɔ ye nwo nde a, ye de sese ye nyɔboɛ, ná ma ye mene ne ɔfa nnu nu ngyɛmuɛ ko ɔboka so ɔpɔ ye; sɛ wambɔ ye a, odi kyɛ bɛtɔne ye kyɛbɔ asi asese ye nyɔboɛ ne ala.

Lewitikɔso 5:16

Na krongron nikyee bɔ wayɔ ye nwo bɔne ne, odi kyɛ ɔfa sɔ nikyee ne bie osi ye gya nu; odi kyɛ ɔbɔ ye nwo nnu nu ngyɛmuɛ ko na ɔ́fa ma ɔsɔfo ne, na ɔsɔfo ne kɔfa foɛlilɛ afɔleɛ boaen nyii ne kɔpata kɔma ye, na Nyameɛ kɔfa ye bɔne kɔhyɛ ye.