Lewitikɔso 26:9 - AHYERƐLƐ KRONGRON

⁹ Ngɔlo ɛmɔ, ngɔma ɛmɔkɔwo, ná ɛmɔata pee; ngɔma apam bɔ me ne ɛmɔ yayɛ ne kotimu.

Lewitikɔso 26:9 Iomraidhean Croise

Gyenesise 1:28

Nyameɛ yirale bɛ, na osele bɛ kyɛ, “Ɛ́mɔwo ná ɛmɔta, ɛ́mɔyi aseɛ so tɛkyɛ ná ɛmɔli so; ná ɛ́mɔnya tumi wɔ ɛpo nu naen so, ɔne ewienu nnomaa ne kaka biala bɔ ɔwɔ aseɛ so ɔ so.”

Gyenesise 17:20

Yeɛ Yismael deɛ ne wora, mate bɔ aha ne; ngoyira ye, na mama ye boso ata, na basone pee. Ɔkɔwo atitirefoɛ buru ne nyɔ, na ngɔmaa ɔkɔyɛ maen piri.

Gyenesise 22:17

ngoyira wɔ, na ngɔma wɔ boso ama kɔsone kyɛ ewienu nzramaa ne mboanoa anweaa. Na wɔ boso ama kɔfa bɛ pɔfoɛ mɔ aseɛ bekoli so.

Gyenesise 26:4

Ngɔmaa wɔ bosofoɛ kɔsone kyɛ nyameɛso nzramaa, na ngɔfa aseɛ ye amukoraa ngɔma bɛ, na ɔnate bɛ so yeɛ amaen maen mukoraa bekonya saleɛ ɔ,

Gyenesise 28:14

Wɔ bosofoɛ kɔsone kyɛ aseɛ so mvuture. Na wɔ boso kɔtrɛ kofi eyia afiteleɛ koodwu eyia atɔleɛ; fi sorɔ kodwu ngwaen, na ɔnate wɔ ne wɔ bosofoɛ so yeɛ ewiase mmenia amu konya saleɛ ɔ.

Gyenesise 28:3

Ɛdangama Nyameɛ óyira wɔ ná ɔma ɛwo, ná wɔ boso ɔtrɛ, amaa ɔnate so ayɛ maen maen pee bɛ nana.

Gyenesise 48:4

na osele me kyɛ, ‘Ngɔmaa ɛkɔwo na wɔ boso atrɛ; ngɔma wɔ boso ama kɔyɛ mmeni kure pee, na ngɔfa aseɛ he ngɔhyɛ wɔ ne wɔ boso ama afebɔɔ.’

Gyenesise 6:18

Nakoso wɔ de, me ne wɔ yɛkɔyɛ apam. Ɛkɔɔfo ɛlɛen alaka ne anu, wɔ, wɔ mma mmienzua ne, ɛye, yeɛ wɔ mma nemɔ bɛ ye mɔ kɔboka wɔ so.

1 Ahemvo 3:8

Na wɔ mmenia bɔ aneanea nu aye bɛ ne, w’akoaa, me yeɛ nna bɛ noa ɔ. Bɛte maen piri bɔ bɛ somaa ti bɛngora bɛ ka ɔ.

2 Ahemvo 13:23

Nakoso AWURADE lole bɛ, na onwuni bɛ anwumvoin. Ɔnate ye apam bɔ ɔne Abraham, Yisake ne Yakob yɛle ne ati, ɔpɛnene ye nye neane Yisrael. Na wangukũ bɛ, yeɛ wambɛ bɛ asue wamvi ye nyunu maa waadwu ɛnɛ.

Nehemia 2:20

Yeɛ mmuale bɛ kyɛ, “Nyameɛso Nyameɛ, ye yeɛ ɔkɔmaa yɛkoli ngonim ɔ. Yɛte ye ngoaa mɔ, na yɛkodwɔso yɛkosi. Nakoso ɛmɔ de, ɛmɔlle kyɛfa anaa agyapadeɛ anaa ngayeɛ biala wɔ Yerusalem nu.”

Nehemia 9:23

Ɛmane bɛ boso ama bɛtale kyɛ ewienu nzramaa, na aseɛ bɔ ɛhã hyirele bɛ nana mɔ kyɛ bɛɛfa bɛyɛ bɛ deɛ ne, ɛfale bɛ wale so.

Edwein 107:38

Oyira bɛ maa bɛta pee, na ɔmma bɛ nyɛmmoa mɔ bɛ somaa so nde.

Edwein 89:3

Me ne me sona bɔ maneanea nu maye ye ne yayɛ apam, mata ndaen mahyire me somvoɛ Dawide kyɛ,

Ɛksadɔso 1:7

Nakoso Yisrael boso ama nemɔ wowole, bɛ boso trɛle, na bɛ nwo yɛle se. Yiti beyili maen ne anu tɛkyɛ.

Ɛksadɔso 2:25

Nyameɛ neane Yisraelfoɛ nemɔ, na bɛyɛle ye anwumvo.

Ɛksadɔso 6:4

Mene bɛ koso yɛyɛle m’apam, kyɛ ngɔfa Kanaan aseɛ bɔ bɛɛtenane so bɛyɛle ɛwɔfoɛ ne ngɔma bɛ.

Yesaya 55:3

Ɛ́mɔyɛ asoɛ bétie, ná ɛmɔbra me berɛ; ɛ́mɔtie, amaa ɔnate so ɛmɔ kra anya ngoa. Me ne ɛmɔ yɛkɔyɛ apam afebɔɔ, bɔ ɔte me ɔdɔ bɔ onni ngasi bɔ nne ye ma Dawide ne.

Yeremia 23:3

Na afei, me bɔbɔ ngɔboaboa me mmoaen ngaa nemɔ anoa ngofi maen maen bɔ mafoa bɛ maagua so nemɔ aso, na ngosa ngɔfa bɛ ngɔwa bɛ nekaa bɔ bedidi ɔ, na bɛkɔwo bɛkɔta pee.

Yeremia 23:4

Ngɔye mmoaenneafoɛ bɔ bɛkɔnea bɛ so ɔ, na bengosuro ko, bɛ kunu ngɔtete bɛ, yeɛ bɛ nu biala ngomini, AWURADE noa dwirɛ ɛne.

Yeremia 33:3

Sũ frɛ me, na ngobua wɔ, na ngɔla edwirɛ mbiri mbiri bɔ wafea wɔ bɔ ɛnze ɔ ali ngohyire wɔ.

Hesekiel 16:62

Ngɔmaa me ne wɔ y’apam ne kotindim, na ekonwu ye kyɛ me ole AWURADE;

Hesekiel 36:9

Tie, ngyi ɛmɔ asi, ngɔkakyi me nye ngɔwa ɛmɔ berɛ, bɛkɔsõ ɛmɔ so boo, ná balua ɛmɔ so nningyein.

Lewitikɔso 26:15

sɛ ɛmɔpo m’ahyɛdeɛ, ná ɛmɔtwi bɛfa me nhyehyɛleɛ so, ná ɛmɔanni me mmeraa dwirɛ amukoraa so, ná ɛmɔbu m’apam so a,

Luka 1:72

kyɛ okonwu yɛ nana mɔ anwumvoin, ná wakaye ye apam krongron ne.

Deuteronomi 28:11

AWURADE kɔma wɔ nningyein paa maa ɔkɔbo so: wɔ kunu mmaa kɔyɛ pee, wɔ nyɛmmoa kɔyɛ pee, na w’aseɛ so aleɛ kɔyɛ pee, wɔ aseɛ bɔ AWURADE tale ndaen hyirele wɔ nana mɔ kyɛ ɔkɔfa kɔma wɔ ne aso.

Deuteronomi 28:4

“Nyameɛ koyira wɔ maa ekonya mmaa pee, w’aseɛ so aleɛ pee, nyɛmmoa pee, nandwie mmaa pee ne mmoaen mmaa pee.

Deuteronomi 7:13

Okohuro wɔ dwirɛ, okoyira wɔ, na ɔkɔma wɔ boso kɔta pee. Okoyira wɔ kunu mmaa, w’aseɛ so aleɛ, w’aburoo ne wɔ nzaa ne wɔ ngoo, wɔ nandwie ne wɔ mmoaen kɔta pee; wɔ aseɛ bɔ ɔtale ye nwo ndaen hyirele wɔ nana mɔ kyɛ ɔkɔfa kɔma wɔ ne aso.

Hebrifoɛ 8:9

na ɔngɔyɛ kyɛ apam bɔ me ne bɛ nana mɔ hyehyɛle wɔ kyẽa bɔ nzɔle bɛ sa nyele bɛ mvili Misraim aseɛ so ne; ɔnate kyɛ bangɔso banni m’apam ne aso, na me koso nyele me nye mvili bɛ so, Awurade noa dwirɛ ɛne.