Lewitikɔso 26:8 - AHYERƐLƐ KRONGRON

⁸ Ɛmɔ nu mmenia nnu kɔfoa mmenia ɛyaa ko, yeɛ ɛmɔ nu mmenia ɛyaa ko kɔfoa mmenia apee buru, na ɛmɔ pɔfoɛ mɔ kɔtotɔ ɛmɔ ngrandɛ noa.

Lewitikɔso 26:8 Iomraidhean Croise

1 Aberɛso Dwirɛ 11:11

Dawide koɛhonɛfoɛ ahoneserɛfoɛ nemɔ, bɛ nwo dwirɛ ɛhe: Hakemoni awa Yasobeam yeɛ ne ɔla atitirefoɛ nza nemɔ noa ɔ. Mmerɛ bie, ɔfale ye pealɛɛ huni mmenia ɛyaa nza wɔ koɛ komapɛ anu.

1 Aberɛso Dwirɛ 11:20

Yoabo aliɛma Abisae, né ɔla koɛhonɛfoɛ ahoneserɛfoɛ aburasa nemɔ noa. Ɔhwene ye pealɛɛ ɔne mmenia ɛyaa nza bɛhone. Ohuhuni bɛ, na olele dumaa kyɛ koɛhonɛfoɛ ahoneserɛfoɛ nza nemɔ ala.

Ɛseta 9:16

Yudafoɛ ngaa bɔ bɛwɔ Nana Ahasuro manzini nemɔ anu ne, né bɛ koso baboa bɛ noa baho bapere bɛ ti ngoa, bɔ bɛ nwo atɔ bɛ wɔ bɛ pɔfoɛ mɔ sa nu ɔ, na behuhuni bɛ pɔfoɛ apee aburasoo ne nnu. Nakoso bɛ nningyein de, bamva bɛ sa banga ye.

Lewitikɔso 26:7

Ɛmɔkɔfoa ɛmɔ pɔfoɛ mɔ, na bɛkɔtotɔ ɛmɔ ngrandɛ noa.

Sakaria 12:8

Sɔ kyẽa ne, AWURADE kɔbɔ Yerusalemfoɛ nwo waen; na bɛ nu biala bɔ ɔyɛ mmerɛ ne, sɔ kyẽa ne, ɔkɔyɛ kyɛ Dawide; yeɛ Dawide awuro ama kɔyɛ kyɛ Nyameɛ, kyɛ AWURADE abɔfo bɔ oli bɛ nyunu ne.

Numeri 14:9

Mmom, nnɛma ɛmɔdwɔso betia AWURADE, yeɛ nnɛma ɛmɔsuro aseɛ ne aso ama, ofikyɛ bɛte yɛ sa nu ngwadaa koraa. AWURADE bɔ ɔbɔ bɛ nwo waen ne, waye ye sa wafi bɛ bo, nakoso yɛ de, AWURADE gyi yɛ si; nnɛma ɛmɔsuro bɛ.”

Numeri 31:4

Ɛmɔye Yisrael abusua kure biala anu mmenia apee ko maa bɛhɔ koɛ ne.”

Deuteronomi 28:7

“Wɔ pɔfoɛ mɔ bɔ bedwɔso betia wɔ ne, Nyameɛ kɔmaa bekoli ngoguo wɔ wɔ nyunu. Bɛkɔfa atee ko aso bɛkɔwa wɔ so, nakoso bɛkɔfa atee ahoroɔ nzoo so bɛkɔnwati bekofi wɔ nyunu.

Deuteronomi 32:30

Ahaa ɔkɔyɛ sɛɛ né sona horɛ wahora wafoa mmenia apee, ná mmenia nyɔ ama mmenia apee buru banwati ɔ? Sana bɛ Nyɔbotaen ne waye ye sa wafi bɛ bo, sana AWURADE aye bɛ wama koraka.

Yosua 23:10

Ɛmɔ nu sona ko kora foa mmenia apee, ofikyɛ AWURADE ɛmɔ Nyameɛ yeɛ ɔko ma ɛmɔ ɔ, kyɛbɔ ɔhyɛle ɛmɔ bɔ ne.

Maenbulɛfoɛ 15:15

Samson nwuni afunum awogyee monɛ bie. Ɔkoto fale, na ɔfa huni mmienzua apee ko.