Lewitikɔso 26:6 - AHYERƐLƐ KRONGRON

⁶ Ngɔma maen ne konya asomdwee, na ɛmɔkɔla wɔ aberɛ bɔ ebiala ngonwunanwuna ɛmɔ ɔ; ngɔfoa ngaka bɔ bɛte awerɔm ɔ ngofi aseɛ ne aso, na koɛ biala ngɔhɔ so wɔ ɛmɔ aseɛ ne aso.

Lewitikɔso 26:6 Iomraidhean Croise

2 Ahemvo 2:24

Ɔpɛnene ye nye neane bɛ, na ɔfale AWURADE dumaa payele bɛ. Yeɛ kwabrafo beleɛ nyɔ fili eburo bɛɛtetele mmɛɛmaa nemɔ anu aburanna ne nyɔ nu pasapasa.

1 Aberɛso Dwirɛ 22:9

Tie, ɛkɔwo baa bienzua bie, na ɔkɔyɛ sona bɔ okuro asomdwee ɔ. Ngɔmaa okonya asomdwee kofi ye pɔfoɛ mɔ sa nu wɔ nekaa biala; ofikyɛ bɛkɔfrɛ ye Solomon, na ye aberɛ so, ngɔma Yisrael konya asomdwee ná Yisrael nwo atɔ ye.

2 Aberɛso Dwirɛ 20:30

Na asomdwee wale Yehosafate ahennie nu, ofikyɛ ye Nyameɛ ma onyane asomdwee pɛle ye nwo amukoraa bra yiale.

YOB NWOMAA NE 11:19

Ɛkɔla bɔ ebiala ngonwunanwuna wɔ ɔ, na mmeni pee kɔpena mmokalɛ kofi wɔ berɛ.

YOB NWOMAA NE 5:23

Ofikyɛ ɛne eburo nyɔboɛ mɔ bɛkɔyɛ apam, na eburo ngaka mɔ bɛ ne wɔ kɔtena asomdwee nu.

Edwein 144:14

Ahaa né yɛ nandwie mɔ banwonzɛnwonzɛ bɔ bɛngɔpɔ baa anaa bengoli abawuo ɔ. Nnɛmaa yɛte aworabɔlɛ esuɛ wɔ yɛ dwaa mɔ so.

Edwein 147:14

Ɔma asomdwee ba w’aseɛ so, na ɔma wɔ atokoɔ paa ma wɔ ko yi.

Edwein 29:11

AWURADE kɔma ye maen anwoserɛ! AWURADE kɔfa asomdwee koyira ye maen!

Edwein 3:5

Metɔ berɛ medafe; na mesa metingye, ofikyɛ AWURADE gyi me si.

Edwein 4:8

Ngɔla ngɔlafe asomdwee nu, ofikyɛ AWURADE, wɔ ngome yeɛ ɛmaa metena ase wɔ asomdwee nu ɔ.

Edwein 85:8

Nyameɛ bɔ ɔte AWURADE ne, ngotie bɔ ɔkɔhã ɔ, ofikyɛ ɔkɔhã asomdwee dwirɛ kohyire ye maen ne ye anwoteefoɛ, nakoso onni kyɛ besa bekodi ngwaseasɛm.

Ɛksadɔso 23:29

Mengɔfoa bɛ ngofi wɔ nyunu wɔ afoɛ komapɛ twe nu, ofikyɛ ɔba ye sɔ a, aseɛ ne kɔla berɛ pralaa, na so ngaka aboyaa kɔyɛ pee kɔha wɔ.

Anyandera 3:24

Sɛ ɛkɔda a, engosuro, yeɛ sɛ ɛda a, wɔ nnaa kɔyɛ wɔ fɛ.

Anyandera 6:22

Ɛnate a, bekohyire wɔ atee, ɛda a, bɛkɔnea wɔ so, yeɛ sɛ edwɔso a, bɛ ne wɔ kotu asure.

Yesaya 35:8

Atimbire kɔɔla berɛ, na bɛkɔto ye dumaa Atee Krongron. Sona bɔ ye nwo nde ne, ɔngɔfa so bie, atee ne kɔyɛ Nyameɛ mmenia bɛ deɛ, na ngwaseafoɛ po bengomini wɔ atee ne aso.

Yesaya 35:9

Gyata biala ngɔwa berɛ, yeɛ kaka aboyaa biala ngɔpe so, bengonwu bie wɔ berɛ, na mmom bɛ bɔ Nyameɛ apepɛ ale bɛ ne yeɛ bɛkɔfa so ɔ.

Yesaya 45:7

Me yeɛ mebɔ kanea, ná mesa mebɔ awosii ɔ, me yeɛ mefa asomdwee meba, ná mesa mema amaneɛ ba ɔ. Me, AWURADE, me yeɛ meyɔ ɛhemɔ amukoraa ɔ.

Yesaya 9:7

Ye ahennie, yeɛ ye asomdwee kɔhɔ so kɔtrɛ bɔ olle ayieleɛ ɔ; ɔkɔtena Dawide ahennie bia ne aso, okoli ye ahennie ne aso, na ɔkɔfa pɛpɛɛpɛyɛlɛ ne tenenee koli bia ne maa okotindim kogyina, ofi kekesaala ye maa okoodwu afebɔɔ. Asafo AWURADE ye nungunɛhwenɛ sonongo ne yeɛ ɔkɔyɔ ɛhe ɔ.

Yeremia 30:10

“Yiti wɔ, me somvoɛ Yakob, nnɛsuro, AWURADE noa dwirɛ ɛne. Ao Yisrael, nnɛma wɔ kunu tete wɔ; ofikyɛ tie, ngɔpepɛ ngole wɔ ngofi dedeede, na wɔ boso ama mɔ, ngɔpepɛ ngole bɛ ngofi aseɛ bɔ bahye bɛ nnure bahɔ so ne aso. Yakob kosa kɔwa kɔɔtena asomdwee nu konn, na ebiala ngonwunanwuna ye.

Yeremia 31:26

Ɛhe maa ndingyele, na nneane, na me nnaa yɛle me fɛ.

Hesekiel 14:15

Yeɛ sɛ mema ngaka aboyaa bɛba aseɛ ne aso, bekũkũ so ama maa ɔyɛ kurofoen, bɔ ɔnate ngaka ne ati sona biala mbɛ nu berɛ a,

Hesekiel 14:17

“Anaakyɛ, sɛ metwe ngrandɛ metia sɔ maen ne, ná mekã kyɛ, ‘Ngrandɛ, fa aseɛ ne aso maa ngukũ mmenia ne ngaka mvi so a;

Hesekiel 14:21

“AWURADE Nyameɛ nwa nyoo: Nzaade me ndɛenbualɛ suronyisuronyi nna, bɔ bɛ ole ngrandɛ, ɛhɔen, awerɔm ngaka aboyaa ne ewue anwonyerɛ ne, sɛ meprapra megua Yerusalem so mekũkũ so mmenia ne ngaka mefi so ɛ?

Hesekiel 34:25

“Me ne bɛ yɛkɔyɛ asomdwee apam, na ngotu ngaka aboyaa mɔ bo ngofi aseɛ ne aso, amaa ɔnate so batena ɛserɛ ne aso asomdwee nu, ná balela ɛhɔayeɛ nemɔ anu.

Hesekiel 34:27

Eburo mmakaa bekosu bɛ mma, yeɛ aseɛ kɔhye aleɛ, na bɛ so anu kɔtɔ bɛ wɔ b’aseɛ so. Na mmerɛ bɔ ngobubu bɛ kɔnnua nu, ná ngole bɛ ngofi bɛ bɔ bafa bɛ bayɛ nganga nemɔ bɛ sa nu ne, yeɛ bekonwu kyɛ me ole AWURADE ɔ.

Hesekiel 5:17

Ngɔsoma ɛhɔen piri ne ngaka aboyaa maa bɛkɔwa ɛmɔ so, bɛkɔma ɛmɔ mma mɔ bekofi ɛmɔ sa, ɛmɔkonwu ewue anwonyerɛ ne mogya, na ngɔfa ngrandɛ ne ngɔwa ɛmɔ so. Me, AWURADE, me yeɛ mahã sɔ ɔ.”

Hosea 2:18

Na sɔ kyẽa ne, ngɔyɛ apam ngɔma bɛ, me ne eburo ngaka, ewienu nnomaa, yeɛ ngaka bɔ bɛtwe bɛ nwo ase ɔ. Ngobubu agyaen, ngrandɛ ne koɛhonɛ nu ngofi aseɛ ye aso, na ngɔmaa bɛkɔlela berɛ asomdwee nu.

Hosea 2:20

Ngɔbɔ wɔ asiwa ngɔma me nwo wɔ nahorɛlilɛ nu, na ekonwu AWURADE.

Lewitikɔso 25:18

“Ɛ́mɔli m’ahyɛdeɛ so ná ɛ́mɔyɛ sotie bɛ́ma me nhyehyɛleɛ nahorɛ nu, amaa ɛmɔatena aseɛ ne aso asomdwee nu.

Lewitikɔso 25:19

Aseɛ ne kɔhye aleɛ, na ɛmɔkoli ma ɛmɔ ko koyi, ná ɛmɔatena aseɛ ne aso asomdwee nu.

Lewitikɔso 26:22

Ngɔsoma ngaka aboyaa maa bɛkɔwa ɛmɔ so, na bekohũhũ ɛmɔ mma mɔ maa bekofi ɛmɔ sa; bekohũhũ ɛmɔ nyɛmmoa. Bɛkɔma ɛmɔ somaa so kɔte, bɔ ɔnate so sona fee ngɔfa ɛmɔ atee nemɔ aso ɔ.

Lewitikɔso 26:25

Na ngɔhwe ɛmɔ so ngrandɛ, ná matɔ ɛmɔ so wereɛ, ɔnate apam bɔ ɛmɔabu so ne ati. Na sɛ ɛmɔkɔfeafea ɛmɔ nguro nemɔ anu a, ngɔsoma anwonyerɛ tɛɛ maa ɔkɔbɔ ɛmɔ, na ngɔfa ɛmɔ ngowura ɛmɔ pɔfoɛ mɔ sa.

Lewitikɔso 26:7

Ɛmɔkɔfoa ɛmɔ pɔfoɛ mɔ, na bɛkɔtotɔ ɛmɔ ngrandɛ noa.

Mika 4:4

Ebiala kɔtena ye bobe ne ye borɔdoma bakaa bo, na ebiala ngonwunanwuna bɛ, ofikyɛ Asafo AWURADE bɔbɔ yeɛ wate ye noa wahã ɔ.

Sefania 3:13

Na mmenia bɔ bɛkɔha wɔ Yisrael ne, bɛngɔyɔ amumuyɛɛ biala, bɛngɔhã ngondombo dwirɛ biala, yeɛ nnakannaka dwirɛ biala ngofi bɛ noa; ofikyɛ bɛ de, bekoodidi ná balela berɛ, bɔ ebiala ngonwunanwuna bɛ ɔ.”

Hagae 2:9

Na awuro he, ye nziɛ ye animnyam ne, ɔkɔyɛ piri kɔtra ye daa deɛ ne, Asafo AWURADE noa dwirɛ ɛne; na ɛwa yeɛ ngɔma asomdwee ɔ, Asafo AWURADE noa dwirɛ ɛne.’ ”

Sakaria 9:10

Ngonua teaseɛnam mɔ boso ngofi Efraim, ngonua mbɔngɔ boso ngofi Yerusalem, yeɛ ngonua koɛhonɛ agyaen boso. Ɔkɔhã asomdwee dwirɛ kohyire maen maen mɔ, ye ahennie kofi ɛpo kɔɔhã ɛpo, okofi asue ne kɔɔhã aseɛ noa dɔ.

Yohane 14:27

“Asomdwee yeɛ mefa meyakyi ɛmɔ ɔ, m’asomdwee yeɛ mefa mema ɛmɔ ɔ; nna kyɛbɔ wiase fa ma ne yeɛ mefa mema ɛmɔ ɔ. Nnɛmɔma ɛmɔ wora bɔ, yeɛ nnɛmɔma ɛserɛ tɔ ɛmɔ so.

Asomafoɛ 12:6

Sɔ kyẽa ne kɔngɔen, bɔ Herode yɛle kyɛ aleɛ kye a ɔkɔye Petro kɔwa badwa nu ne, né Petro alafe wɔ asraafoɛ nyɔ afia. Né bafa ngɔnzɔngɔnzɔ nyɔ bagua ye ne asraafoɛ nyɔ ne; yeɛ afei né asraafoɛ ne bie koso gyigyi anoa ne si bɛwɛne kuku nu ne.

Romanfoɛ 5:1

Afei de, ɔnate gyidie so yɛne Nyameɛ y’afia ayɛ ko ne ati, yɛnate y’Awurade Yesu Kristo so yanya asomdwee wɔ Nyameɛ nu.