Lewitikɔso 26:45 - AHYERƐLƐ KRONGRON

⁴⁵ Nakoso apam bɔ me ne bɛ nana mɔ bɔ nyele bɛ mvili Misraim aseɛ so yɛyele, kyɛ nde bɛ Nyameɛ, bɔ maen maen amukoraa nye tua ne, ɔnate bɛ bɔ banya bɛ ti badidi nu ne ati ngɔkaye; Me ole AWURADE.”

Lewitikɔso 26:45 Iomraidhean Croise

Gyenesise 12:2

Ngɔmaa ɛkɔyɛ maen pirikua, ngoyira wɔ, ná mama wɔ dumaa ahɔ anwuro, amaa ɔnate so ayɛ saleɛ.

Gyenesise 15:18

Na sɔ kyẽa ne ala, AWURADE ne Abram yɛle apam, na ɔhane kyɛ, “Wɔ boso ama yeɛ méfa sɔ aseɛ he méma bɛ ɔ: ofi Misraim asue noa bɔ ɔkwaadwu asue piri Yufreti noa,

Gyenesise 26:24

Na AWURADE yele ye nwo ali hyirele Yisake sɔ kɔngɔen ne ala, na osele ye kyɛ, “Me ole wɔ baba Abraham ye Nyameɛ. Nnɛsuro, ofikyɛ ngyi wɔ si. Ɔnate m’akoaa Abraham ti ngoyira wɔ na mamaa wɔ bosofoɛ asone.”

Gyenesise 28:15

Nea, ngyi wɔ si na ngɔbɔ wɔ nwo waen nekaa biala bɔ ɛkɔhɔ ɔ, na ngosa ngɔfa wɔ ngɔwa aseɛ ye aso. Ofikyɛ mengɔyakyi wɔ nu kɔpem kyɛ ngɔyɔ bɔ mafa mahyɛ wɔ bɔ ne amu ɔ.”

Gyenesise 9:15

ngɔkaye m’apam bɔ me ne ɛmɔ ne abɔdeɛ teasefoɛ mukoraa yayɛ ne. Na nzue ne ngɔkakyi nzueyilɛ ngɔsɛkye abɔdeɛ mukoraa ko.

Edwein 106:45

Ɔnate bɛ ti, AWURADE kayele ye apam ne, na onwuni bɛ anwumvoin, kyɛbɔ ye ɔdɔ bɔ onni ngasi ne, ye piri si te ɔ.

Ɛksadɔso 2:24

Nyameɛ tele b’awuyebɔlɛ ne, na ɔkayele apam bɔ ɔne Abraham, Yisake ne Yakob bɛyɛle ne.

Ɛksadɔso 20:2

“Me ole AWURADE wɔ Nyameɛ bɔ nyele wɔ mvili Misraim aseɛ so, fili ngoaasolɛ nu ne.

Ɛksadɔso 6:6

Yiti ka kyire Yisraelfoɛ kyɛ, “Me ole AWURADE, na ngɔye ɛmɔ ngofi Misraim amaneɛnwunɛ nu, ná male ɛmɔ mafi bɛ ngoaasolɛ nu. Na ɔnate tumi asaa ne asohwenɛ mbiri mbiri so yeɛ ngɔfa ngole ɛmɔ ɔ.

Ɛksadɔso 6:8

Aseɛ bɔ mata ndaen kyɛ ngɔfa ngɔma Abraham, Yisake ne Yakob nen, ngɔfa ɛmɔ ngɔhɔ so. Ngɔfa ngɔma ɛmɔ maa ɔkɔyɛ ɛmɔ deɛ. Me ole AWURADE.’ ”

Hesekiel 20:14

Nakoso ɔnate me dumaa ti, ndwe nzale, amaa ɔnate so me dumaa nwo angua fiɛ wɔ maen maen nemɔ bɛ nyunu, maen maen bɔ bɛ nye tua kyɛ nyele bɛ mvili berɛ male ne.

Hesekiel 20:22

Nakoso ɔnate me dumaa ti, ndwe nzale; nyɔle sɔ, amaa ɔnate so me dumaa nwo angua fiɛ wɔ maen maen nemɔ bɛ nyunu, maen maen bɔ bɛ nyunu yeɛ nyele bɛ mvili berɛ male ne.

Hesekiel 20:9

Nakoso ɔnate me dumaa ti, ndwe nzale, amaa ɔnate so me dumaa nwo angua fiɛ wɔ maen maen bɔ bɛte so nemɔ anyunu; maen maen bɔ so ama bɛ nye tua kyɛbɔ nyele me nwo ali ngyirele bɛ, ná nyele bɛ mvili Misraim aseɛ so ne.

Lewitikɔso 11:45

Ofikyɛ me ole AWURADE bɔ nyele ɛmɔ mvili Misraim aseɛ so mmale ne, bɔ me yeɛ nde ɛmɔ Nyameɛ ɔ; yiti ɛ́mɔyɛ krongron, ofikyɛ nde krongron.”

Lewitikɔso 22:33

Me ole AWURADE bɔ nyele ɛmɔ mvili Misraim aseɛ so mmale ne, bɔ me yeɛ nde ɛmɔ Nyameɛ ɔ: Me ole AWURADE.”

Lewitikɔso 25:38

Me ole AWURADE ɛmɔ Nyameɛ bɔ nyele ɛmɔ mvili Misraim aseɛ so kyɛ mefa Kanaan aseɛ mema ɛmɔ ɔ, na me yeɛ nde ɛmɔ Nyameɛ ɔ.

Romanfoɛ 11:12

Na sɛ b’asoserɛ fale saleɛ brɛle wiase, ná b’asefinɛ koso fale saleɛ brɛle Amaenmaensofoɛ a, ye de sɛ osa ode Yisrael to nu bɔkɔɔ a, saleɛ mmorosoɛ yeɛ ɔkɔwa ɔ!

Deuteronomi 4:31

Na ɔnate kyɛ AWURADE wɔ Nyameɛ te anwumvoinnwunɛ Nyameɛ ne ati, ɔngɔyakyi wɔ nu, yeɛ ongohu wɔ; na ɔne wɔ nana mɔ apam bɔ bɛyɛle, bɔ ɔfale ndaen foale so ne, ye wora ngofi.

Deuteronomi 9:27

Kaye wɔ ngoaa Abraham, Yisake ne Yakob, ná bu wɔ nye gua mmenia hemɔ b’asoserɛ, b’amumuyɛɛ ne bɛ bɔne so.