Lewitikɔso 26:42 - AHYERƐLƐ KRONGRON

⁴² ye de ngɔkaye m’apam bɔ me ne Yakob yɛyɛle ne. Ngɔkaye m’apam bɔ me ne Yisake yɛyɛle ne ɔne bɔ me ne Abraham yɛyɛle ne koso, na ngɔkaye aseɛ ne.

Lewitikɔso 26:42 Iomraidhean Croise

Gyenesise 15:18

Na sɔ kyẽa ne ala, AWURADE ne Abram yɛle apam, na ɔhane kyɛ, “Wɔ boso ama yeɛ méfa sɔ aseɛ he méma bɛ ɔ: ofi Misraim asue noa bɔ ɔkwaadwu asue piri Yufreti noa,

Gyenesise 26:2

Yeɛ AWURADE yele ye nwo ali hyirele Yisake sele ye kyɛ, “Nnɛkɔ Misraim, na mmom tena aseɛ bɔ mebaahyire wɔ ye aso.

Gyenesise 26:24

Na AWURADE yele ye nwo ali hyirele Yisake sɔ kɔngɔen ne ala, na osele ye kyɛ, “Me ole wɔ baba Abraham ye Nyameɛ. Nnɛsuro, ofikyɛ ngyi wɔ si. Ɔnate m’akoaa Abraham ti ngoyira wɔ na mamaa wɔ bosofoɛ asone.”

Gyenesise 26:5

ofikyɛ Abraham tiele me dwirɛ, olili me dwirɛ so, me mmeraa dwirɛ so, m’ahyɛdeɛ ne me mmeraa so.”

Gyenesise 28:13

Ɛlaleɛ ne anu, né AWURADE gyi ye ti sorɔ, na osele kyɛ, “Me ole AWURADE, wɔ nana Abraham ye Nyameɛ bɔ ɔte Yisake koso ye Nyameɛ ne. Ngɔfa aseɛ he bɔ yeɛ ɛla so kekesaala ye ngɔma wɔ ne wɔ bosofoɛ.

Gyenesise 28:15

Nea, ngyi wɔ si na ngɔbɔ wɔ nwo waen nekaa biala bɔ ɛkɔhɔ ɔ, na ngosa ngɔfa wɔ ngɔwa aseɛ ye aso. Ofikyɛ mengɔyakyi wɔ nu kɔpem kyɛ ngɔyɔ bɔ mafa mahyɛ wɔ bɔ ne amu ɔ.”

Gyenesise 35:11

Na Nyameɛ sele ye kyɛ, “Me ole Ɛdangama Nyameɛ, wo mmaa na wɔ boso ɔ́trɛ. Maen ne maen pee kofi wɔ nu kɔwa, na ɛhene mɔ kofi wɔ nu kɔwa.

Gyenesise 35:12

Na aseɛ bɔ mva mane Abraham ne Yisake ne, ngɔfa ngɔma wɔ ne kyẽa bie wɔ boso ama.”

Gyenesise 9:15

ngɔkaye m’apam bɔ me ne ɛmɔ ne abɔdeɛ teasefoɛ mukoraa yayɛ ne. Na nzue ne ngɔkakyi nzueyilɛ ngɔsɛkye abɔdeɛ mukoraa ko.

Gyenesise 9:16

Na sɛ nyangondoen ne to wɔ munungum ne anu a, ngɔnea na makaye apam afebɔɔ bɔ ɔwɔ Nyameɛ ne abɔdeɛ teasefoɛ mukoraa b’afia ne.”

Ɛseta 4:14

Ofikyɛ sɛ ɛkã wɔ noa to nu wɔ mmerɛ bɔ ɔte sɔaa nu a, mmokalɛ ne ngoalelɛ kofi neka foforɛ kɔwa kɔma Yudafoɛ, nakoso ɛne ɛse abusuafoɛ de, ɛmɔ boso konua. Nwa yeɛ ɔse ɔ? Ebiaa mmerɛ bɔ ɔte sɔaa ati yeɛ anya ɛhemmaa dibea ye ɔ.”

Edwein 106:45

Ɔnate bɛ ti, AWURADE kayele ye apam ne, na onwuni bɛ anwumvoin, kyɛbɔ ye ɔdɔ bɔ onni ngasi ne, ye piri si te ɔ.

Edwein 136:23

Ye yeɛ ɔkayele yɛ wɔ mmerɛ bɔ né yɛyɛ anwumvo ne ɔ, ofikyɛ ye ɔdɔ bɔ onni ngasi ne, ɔwɔ berɛ afebɔɔ;

Ɛksadɔso 2:24

Nyameɛ tele b’awuyebɔlɛ ne, na ɔkayele apam bɔ ɔne Abraham, Yisake ne Yakob bɛyɛle ne.

Ɛksadɔso 6:5

Asa koso, Yisraelfoɛ bɔ Misraimfoɛ afa bɛ ayɛ nganga ne, mate awuye bɔ bɛbɔ ne, na makaye m’apam ne.

Yesaya 14:1

Amba, AWURADE konwu Yakob anwumvoin. Okosa kɔneanea nu kɔye Yisrael, na ɔkɔfa bɛ koolua bɛ bɔbɔ b’aseɛ so. Na amanvrafoɛ kɔɔboka bɛ so bɛkɔfa bɛ nwo bɛkɔbɔ Yakob boso ama.

Hesekiel 16:60

Nakoso apam bɔ me ne wɔ yɛyɛle ye wɔ wɔ mmaayaa nu ne, ngɔkaye, na me ne wɔ yɛkɔyɛ apam afebɔɔ.

Yoel 2:18

Afei AWURADE hwene ye aseɛ nwo nungunɛ, na onwuni ye maen anwumvoin.

Luka 1:72

kyɛ okonwu yɛ nana mɔ anwumvoin, ná wakaye ye apam krongron ne.

Deuteronomi 4:31

Na ɔnate kyɛ AWURADE wɔ Nyameɛ te anwumvoinnwunɛ Nyameɛ ne ati, ɔngɔyakyi wɔ nu, yeɛ ongohu wɔ; na ɔne wɔ nana mɔ apam bɔ bɛyɛle, bɔ ɔfale ndaen foale so ne, ye wora ngofi.

Deuteronomi 9:27

Kaye wɔ ngoaa Abraham, Yisake ne Yakob, ná bu wɔ nye gua mmenia hemɔ b’asoserɛ, b’amumuyɛɛ ne bɛ bɔne so.

Maenbulɛfoɛ 2:1

Afei AWURADE abɔfo fili Gilgal hɔle Bokim oosele Yisraelfoɛ kyɛ, “Me yeɛ nyele ɛmɔ mvili Misraim, ná mvale ɛmɔ mmale aseɛ bɔ mva nhyɛle ɛmɔ nana mɔ bɔ ne aso ɔ. Ngane kyɛ, ‘Mengobu apam bɔ me ne ɛmɔ yayɛ ne aso le.