Lewitikɔso 26:4 - AHYERƐLƐ KRONGRON

⁴ ngɔma esue kɔtɔ kɔma ɛmɔ wɔ mmerɛ bɔ ɔsɛ ɔ nu, aseɛ ne kɔhye aleɛ, ná fieso nningyein asu mmaa.

Lewitikɔso 26:4 Iomraidhean Croise

1 Ahemvo 17:1

Tisibeniɛ Elia bɔ ofi Tisibe bɔ ɔwɔ Gileade ne, osele Ahabo kyɛ, “AWURADE Yisrael Nyameɛ teasefoɛ bɔ yeɛ ngyi ye nyunu ne, kyɛbɔ ɔte ase ye de, mekã kyɛ, bosue anaa esue ngɔpe ase afoɛ ye mɔ anu, sana mafa me noa dwirɛ mama ye nwo ate koraka.”

YOB NWOMAA NE 5:10

Ye bɔ ɔma esue tɔ gua aseɛ so, ná oguagua fieso so nzue ne,

Edwein 104:13

Efi w’atenaleɛ berɛ yeɛ eguagua mmokaa nemɔ aso nzue ɔ; na wɔ sa noa nnwumaa yi aseɛ so tɛkyɛ.

Edwein 67:6

Aseɛ ahye aleɛ; Nyameɛ, yɛ Nyameɛ ne, wayira yɛ.

Edwein 67:7

Nyameɛ koyira yɛ, na odi kyɛ bɛ bɔ bɛwɔ aseɛ so nekaa biala besuro ye.

Edwein 68:9

Ao Nyameɛ, ɛmane esue tɔle pee guale nekaa biala; ɛfa siesiele w’agyapadeɛ mmerɛ bɔ ɔyɛle basaa ne.

Edwein 85:12

Amba, AWURADE kɔfa nningyein paa kɔma, na y’aseɛ kɔhye aleɛ.

Edwein 85:13

Tenenee koli ye nyunu, na ɔkɔbɔ atimbire bɔ ɔkɔfa so ɔ kɔma ye.

Yesaya 30:23

Na afei ɔkɔtɔ esue kogua nningyein bɔ edua ye wɔ aseɛ so ɔ so, ɔne aseɛ ne aso aleɛ bɔ ɔkɔwa ɔ so, na bɛkɔyɛ mbiri mbiri ne pee. Sɔ mmerɛ ne, wɔ nyɛmmoa kodidi wɔ aseɛ pirikua bɔ ngaka aleɛ wɔ so ɔ so.

Yesaya 5:6

Ngɔmaa ɔkɔkakyi adangasa, mengɔdwaadwaa ye nwo, yeɛ mengɔbɔ ye nwo, nu kofu agurɛ ne mmowue. Asa koso, ngɔhyɛ munungum kyɛ nnɛmaa ɔtɔ esue gua so.

Yeremia 14:22

Amaenmaenso mmosoen nemɔ, aso bɛ nu bie kɔhora kɔma esue kɔtɔ? Anaa ewienu kɔhora kɔma esue kɔnyenenyene? Ao AWURADE yɛ Nyameɛ, aso nna wɔ ɔ? Ye sɔ ne ati, yafa yɛ wora yawura wɔ nu, ofikyɛ wɔ yeɛ ɛyɔ ɛhemɔ amukoraa ɔ.

Hesekiel 36:30

Ngɔma mmakaammaa ne fieso aleɛ kobu, amaa ɔnate so ɛhɔen angua ɛmɔ nyunu ase ko wɔ maen maen nemɔ anu.

Yoel 2:22

Ɛmɔ, eburo ngaka, nnɛma ɛmɔsuro, ofikyɛ ɛserɛ so ngaka aleɛ afefɛ; mmakaa su bɛ mma, borɔdoma ne bobe su biribiraa.

Lewitikɔso 25:19

Aseɛ ne kɔhye aleɛ, na ɛmɔkoli ma ɛmɔ ko koyi, ná ɛmɔatena aseɛ ne aso asomdwee nu.

Lewitikɔso 25:21

Ngɔma me saleɛ kohwie kogua ɛmɔ so wɔ afoɛ bɔ ɔtɔ so nzia ne anu, ná aseɛ ne kɔma ɛmɔ afoɛ nza aleɛ.

Sakaria 8:12

Ofikyɛ nningyein lualɛ kɔyɛ asomdwee nu, bobe kosu ye mma, aseɛ kɔhye aleɛ, anwuro kɔtɔ ye bosue, na maen he mmenia bɔ baha ne, ngɔmaa bekonya ɛhemɔ amukoraa.

Mateo 5:45

amaa ɔnate so ɛmɔayɛ ɛmɔ Baba bɔ ɔwɔ nyameɛso ne mma. Ɔnate kyɛ ɔma ye yia bɔ bɔnefoɛ mmenia ne mmeni paa so, na ɔtɔ esue gua teneneefoɛ ne bɛ bɔ bɛndengyɛ ɔ so.

Asomafoɛ 14:17

nakoso wanyakyi ye nwo adanzeɛlilɛ, ofikyɛ ɔyɛle paa, na ɔmane yɛ nzue fili nyameɛso, ɔne mmerɛ bɔ aleɛ ba ɔ, ɔmane ɛmɔ aleɛ, na ɔmaa yɛnya aleɛ ne anigye ma yɛ kunu dwo yɛ fɔnn.”

Deuteronomi 11:13

“Na sɛ ɛmɔtie me mmeraa dwirɛ bɔ méhyɛ méma ɛmɔ ɛnɛ ye, ná ɛmɔkuro AWURADE ɛmɔ Nyameɛ dwirɛ, ná ɛmɔfa ɛmɔ ahone mukoraati ne ɛmɔ kra mukoraati bɛso ye a,

Deuteronomi 11:14

ye de ɔkɔma esue kɔtɔ kogua ɛmɔ aseɛ so mmerɛ bɔ ɔsɛ ɔ nu, asuso ne bokyisue, na ɔnate so ekonya aburoo ne nzaa ne ngoo.

Deuteronomi 28:12

AWURADE kobukye anwuro, nekaa bɔ osie ye nningyein paa ne kɔma wɔ; ɔkɔtɔ nzue kogua w’aseɛ so mmerɛ bɔ ɔsɛ ɔ nu, na okoyira wɔ sa noa adwuma mukoraati. Ɛkɔfa nningyein kɔfɛmo maen maen pee, nakoso wɔ de, ɛngɔfɛmo nikye fee ngofi ebiala berɛ.

Yakobo 5:7

Yiti aliɛmaa mɔ, ɛ́mɔnya ndoboaseɛ maa oodwu kyɛ Awurade kɔwa ɔ. Ɛ́mɔtie, kuaniɛ bɔ ɔnwondɛ ma aseɛ kye aleɛ bɔ ye nyɔboɛ yɛ se ne, onya ye nwo aboterɛ maa okodwu kyɛ feefee ne asuso kotikye ɔ.

Nyekyire 11:6

Bele tumi kyɛ bɛto ewienu nu, bɔ esue ndɔ wɔ mmerɛ bɔ bɛhyɛ ngɔm ɔ; yeɛ bele nzue mɔ so tumi kyɛ bɛmaa bɛkakyi mogya, ɔne tumi bɔ ɔmaa bɛfa ɛhawo biala bɛto aseɛ so, mmerɛ pee biala bɔ bekuro ɔ.