Lewitikɔso 26:39 - AHYERƐLƐ KRONGRON

³⁹ Na ɛmɔ nu mmenia bɔ bekonya bɛ ti bekodidi nu ne, ɔnate b’amumuyɛɛ ti, bɛ nwo kɔhyere bɛ wɔ ɛmɔ pɔfoɛ mɔ aseɛ so. Afei ɔnate bɛ nana mɔ amumuyɛɛ ti, bɛ bɔ banya bɛ ti badidi nu ne, bɛ nwo kɔhyere bɛ.

Lewitikɔso 26:39 Iomraidhean Croise

2 Aberɛso Dwirɛ 34:24

AWURADE nwa nyoo: Nwomaa bɔ bakenga bahyire Yuda hene ne, ɛnomalɛ amukoraa bɔ bahyerɛ ye wɔ nu ne, ngogyina so ngɔfa ye nwo musue ngɔto maen he ɔne nu ama so.

Ɛsra 9:7

Fite yɛ nana mɔ aberɛ so toonn bɔ ɔbaadwu ɛnɛ ɔ, mvomsoɛ ali yɛ ti. Na ɔnate yɛ ne y’ahemvo mɔ ne y’asɔfo mɔ amumuyɛɛ ti, yeɛ Amaenmaensofoɛ ahemvo mɔ bɛ sa ahã yɛ bɔ beku yɛ, bɛkye yɛ nnure, bɛfẽ yɛ nningyein bɛfa, ná begua yɛ nyunu ase, kyɛbɔ kekesaala ye ɔte ye.

Nehemia 1:9

nakoso sɛ ɛmɔsa bɛba me berɛ, ná ɛmɔdi me mmeraa dwirɛ so a, ye de aseɛ ye aso nekaa biala bɔ mama ɛmɔ babɔ aya baagua ne, ngɔboaboa ɛmɔ noa ngofi dɔ; ná mafa ɛmɔ mawa nekaa bɔ maye masie berɛ mafa me dumaa mato so ne.’

Ɛksadɔso 20:5

Nnɛkoto bɛ, yeɛ nnɛso bɛ; ofikyɛ me, AWURADE wɔ Nyameɛ ne, nde nungunɛ Nyameɛ, na meprapra seɛ mɔ bɛ bɔne nwo asohwenɛ megua bɛ mma mɔ so, maa okodwu aworɛ ndoatoasoɛ nza ne nna bɔ bɛpɔ me so.

Ɛksadɔso 34:7

bɔ ye dɔ bɔ onni ngasi wɔ berɛ ma mmenia apee apee, bɔ ɔfa amumuyɛɛ ne mmeraatolɛ ne bɔne kyɛ ɔ. Nakoso ɔmma sona bɔ odi fɔ ne ɔmva ye nwo tɔtorɔtɔɔ, na ɔprapra seɛ mɔ bɔne nwo asohwenɛ gua bɛ mma mɔ ne bɛ nnomaa mɔ so, maa okodwu aworɛ ndoatoasoɛ nza ne nna so.”

Yesaya 14:21

Ɔnate bɛ se mɔ amumuyɛɛ ti, ɛ́mɔsiesie akumyɛɛ bɔ bekohu ye mma wɔ berɛ ɔ; amaa ɔnate so bandwɔso bamva aseɛ ne banni so tumi ná bangyekye nguro wɔ ewiase nekaa biala.”

Yesaya 24:16

Yɛte ayɛyelɛ dwein yɛfi aseɛ so nekaa biala kyɛ, Animnyam hã Teneneeniɛ ne. Nakoso ngane kyɛ, “Mawu oo, mawu oo, edwirɛ ato me oo! Nnakannakafoɛ begu so bɛlakalaka, nnakannakafoɛ bɛ nnakalɛ ne wayɛ piri.”

Yeremia 29:12

Afei ɛmɔkosu bɛkɔfrɛ me, ɛmɔkɔwa bɛkɔɔbɔ mbaeɛ bekohyire me, na ngotie ɛmɔ.

Yeremia 3:25

Ɛ́mɔma yɛlela berɛ wɔ y’animguaseɛ nu, ná yɛ nwo nyanzoen ne ɔkata yɛ so, ofikyɛ ofi yɛ ngwadaa nu bɔ ɔbaadwu ɛnɛ ye, yɛ ne yɛ nana mɔ yayɔ bɔne yatia AWURADE yɛ Nyameɛ, na yanyɛ sotie yamma AWURADE yɛ Nyameɛ noa dwirɛ.”

Yeremia 31:29

Sɔ mmerɛ ne anu, bɛngɔhã ye ko kyɛ, ‘Seɛ mɔ bali abrɛbɛ bisii, na mmaa mɔ yeɛ bɛ gye anya ɔ.’

Awuye 1:3

Amaneɛnwunɛ ne nhyɛsoɛ kandinga nu yeɛ bahye Yuda nnure bahɔ ɔ. Waatena amaen maen mɔ nu, na onnya nekaa bɔ ɔkɔtena kole ye nwome ɔ, bɛ bɔ bɛfoa ye ne amukoraa baato ye, bahã ye bapua wɔ atee kyenɔnn bie aso.

Awuye 4:9

Bɛ bɔ bafa ngrandɛ bahũhũ bɛ ne, bɛte paa bɛtra bɛ bɔ ɛhɔen amaa bawuwu ɔ, bɔ bafɔ bayɛ kangenaen, ɔnate fieso aleɛ bɔ wabɔ bɛ ne ati.

Hesekiel 18:19

“Nakoso ɛmɔ de, ɛmɔnwa: ‘Nzu ati yeɛ baa onnya ye baba amumuyɛɛ nwo asohwenɛ ɔ?’ Sɛ baa ne ayɔ bɔ ɔte paa ne bɔ ɔtengyɛ, ná wali m’ahyɛdeɛ mukoraa so nahorɛ nu a, nahorɛ nu, okonya ngoa.

Hesekiel 20:43

Berɛ yeɛ ɛmɔkɔkaye atee bɔ ɛmɔnate so ɔ, ɔne bɔ ɛmɔayɔ amukoraa bafa bagua ɛmɔ nwo fiɛ ɔ; na ɔnate ɛmɔ bɔne amukoraa bɔ ɛmɔayɔ ne ati, ɛmɔ nwo kɔyɛ ɛmɔ tɛ.

Hesekiel 24:23

Ɛmɔkɔbɔ ɛmɔ abotire, yeɛ ɛmɔkowura ɛmɔ mbaboa. Ɛmɔngɔbɔ awuye, yeɛ ɛmɔngosu, na mmom ɛmɔkoli aworabɔlɛ bekonwu ɛmɔ amumuyɛɛ nwo amaneɛ, na ɛmɔkɔpenepene bekohyirehyire ɛmɔ nwo ngoko ngoko.

Hesekiel 33:10

“Na wɔ, Sona awa, se Yisrael awuro ama kyɛ, Ɛmɔnwa: ‘Yɛ mmeraatolɛ ne yɛ bɔne wabu watia yɛ, ye sɔ ati yeɛ onyie yɛ yé ye; na ɔkɔyɛ sɛɛ né yanya ngoa?’

Hesekiel 36:31

Na afei ɛmɔkɔkaye ɛmɔ bɔne yɔleɛ ne ɛmɔ yɔleɛ bɔ ɔtte mayee ne. Na ɔnate ɛmɔ amumuyɛɛ ne ɛmɔ akyiwadeɛ bra ne ati, ɛmɔ nwo kɔyɛ ɛmɔ tɛ.

Hesekiel 4:17

amaa ɔnate so aleɛ ne nzue nwo ayɛ se ama bɛ; na ebiala nwu obiɛngo a, ye nwo kɔyɛ ye anwodwiri, na ɔnate bɛ bɔne ti bɛkɔfɔ bɛkɔtete.

Hesekiel 6:9

Na ɛmɔ nu mmenia bɔ bekonya bɛ ti bekodidi nu ne, bɛkɔkaye me wɔ maen maen bɔ bahye bɛ nnure bahɔ so nemɔ aso, ofikyɛ ngɔbrɛ b’adwaman ahone bɔ wapo me ne ase, yeɛ ngosi bɛ nye bɔ bɛfa bɛbɔ adwaman bedi bɛ mmosoen mɔ si ne. Na bɔne bɔ bayɔ, ɔne akyiwadeɛ mukoraa bɔ bayɔ ne, ɔkɔma bɛ bɔbɔ bɛ nwo kɔyɛ bɛ tɛ.

Hosea 5:15

Ngosa ngɔhɔ m’atenaleɛ berɛ, kɔpem kyɛ bekole bɛ bɔne bɛkɔto nu, ná bɛkɔpena me si atee ɔ. B’amaneɛnwunɛ mmerɛ nu, bɛkɔpena me si atee ndɛndɛ.

Sakaria 10:9

Ngolualua bɛ wɔ maen maen mɔ so, na bɛkɔkaye me wɔ maen maen mɔ so dedeede dɔ, na bɛ ne bɛ mma mɔ bekonya ngoa ná basa bawa.

Numeri 14:18

‘AWURADE ahone nhu ndɛ, na ye ɔdɔ bɔ onni ngasi sone; ɔfa amumuyɛɛ ne mmeraatolɛ kyɛ, nakoso ɔmma sona bɔ odi fɔ ne, ɔmva ye nwo tɔtorɔtɔɔ; ɔprapra seɛ mɔ bɔne nwo asohwenɛ gua bɛ boso ama mɔ so, maa okodwu aworɛ ndoatoasoɛ nza ne nna so.’

Deuteronomi 28:65

Wɔ nwo ngɔtɔ wɔ le wɔ sɔ maen nemɔ aso, yeɛ engonya amandena wɔ berɛ. AWURADE kɔfa ahunundetelɛ kɔto wɔ so wɔ berɛ; wɔ nye kɔyɛ wusiwusi, na wɔ wora kɔbɔ.

Deuteronomi 30:1

“Na sɛ edwirɛ he amukoraa: saleɛ ne musue bɔ mafa masie wɔ nyunu ne ba wɔ so, ná ɛkayekaye edwirɛ hemɔ wɔ maen maen mukoraa bɔ AWURADE wɔ Nyameɛ wafoa wɔ wahɔ so ne aso,

Deuteronomi 5:9

Nnɛkoto bɛ, yeɛ nnɛso bɛ; ofikyɛ me, AWURADE wɔ Nyameɛ ne, nde nungunɛ Nyameɛ, na meprapra seɛ mɔ bɛ bɔne nwo asohwenɛ megua bɛ mma mɔ so, maa okodwu aworɛ ndoatoasoɛ nza ne nna bɔ bɛpɔ me so.

Deuteronomi 8:20

Na kyɛbɔ AWURADE sɛkye maen maen bɔ bɛko betia wɔ ne, sɔ ala yeɛ sɛ andie AWURADE wɔ Nyameɛ dwirɛ a, ɔkɔsɛkye wɔ ɔ.