Lewitikɔso 26:36 - AHYERƐLƐ KRONGRON

³⁶ Na ɛmɔ nu mmenia bɔ bekonya bɛ ti bekodidi nu ne, ngɔfa ahunundetelɛ ngɔto bɛ so wɔ bɛ pɔfoɛ mɔ aseɛ nemɔ aso. Nyaa bɔ mvrama bɔ ye ne, ye nwo dede po kɔmaa bɛkɔnwati, bɛkɔnwati kyɛ ebie bɔ ɔnwati fi ngrandɛ noa ɔ, na bekofifi ase wɔ aberɛ bɔ ebiala mvoa bɛ ɔ.

Lewitikɔso 26:36 Iomraidhean Croise

Gyenesise 35:5

Na besili nu bɔ bɛ́kɔ ne, Nyameɛ mane esuronyi kandinga tɔle nguro bɔ né bapɛ bɛ nwo bayia ne aso, yiti bangora bamvoa Yakob mma mmienzua nemɔ.

Gyenesise 4:12

Sɛ ɛyɔ aseɛ ne aso boo a, ɔngɔhye aleɛ ngɔma wɔ ko. Ɛkɔyɛ kobɔniɛ, na engonya amandena wɔ aseɛ so.”

2 Aberɛso Dwirɛ 14:14

Nguro bɔ bapɛ Gera nwo bayia ne, Yudafoɛ lili bɛ so ngonim, ofikyɛ AWURADE nwo suronyi tɔle sɔ nguro nemɔ aso. Bɛfene nguro nemɔ amukoraa nu nningyein, ofikyɛ né koɛ nu nzesadeɛ pee wɔ berɛ.

YOB NWOMAA NE 13:25

Nyaa bɔ mvrama bɔ ye kɔ ɔ, aso ekonwunanwuna ye? Aso ɛkɔfoa ɛserɛ worowaa?

Edwein 53:5

Berɛ yeɛ esuronyi kandinga kɔtɔ bɛ so ɔ, esuronyi bɔ ebie ɔhhane bɛ le ɔ. Ofikyɛ bɛ bɔ bɛko betia wɔ ne, Nyameɛ kɔto bɛ mmowue kɔpete, ɛkɔma bɛ nyunu kogua ase, ofikyɛ Nyameɛ aye ye sa wafi bɛ bo.

Edwein 53:6

Ao, ahaa né Yisrael ngoalelɛ wafi Sion wawa! Na sɛ Nyameɛ ma ye maen bɛ sa kã b’agyapadeɛ bieku a, Yakob koli ahurusi, na Yisrael nye kɔgye.

Edwein 89:43

Afei koso, ama ye ngrandɛ noa atiri, na angyina ye si wɔ koɛ nu.

Anyandera 28:1

Bɔnefoɛ nwati wɔ aberɛ bɔ ebiala mvoa ye ɔ, na teneneeniɛ de, ye hue yɛ se te kyɛ gyata.

Yesaya 30:17

Bɛ nu ko nwo suronyi ɔkɔma mmenia apee kɔnwati, bɛ nu nnu nwo suronyi ɔkɔma ɛmɔkɔnwati, kɔpem kyɛ ɛmɔ ayieleɛ kɔyɛ kyɛ frangaa bɔ ogyi bokaa ti afia ɔ, kyɛ sɛngyerɛnneɛ bɔ ogyi pambaa so ɔ.

Yesaya 7:2

Na bɛbɔle Dawide awuro ama mɔ amaneɛ kyɛ, “Siria ne Efraim bayɛ apam” nen, Yuda hene Ahase ne ye mmenia bɛ nwo wosole bɛ tɛtɛtɛtɛ kyɛ ɛhɔayeɛ nu mmakaa bɔ mvrama woso bɛ ɔ.

Yesaya 7:4

ná se ye kyɛ, Gyina pindinn, yɛ konn, nnɛsuro, yeɛ nnɛma wɔ kunu tete wɔ wɔ gyetia nyɔ hemɔ bɔ begye monɛɛmonɛɛ ne anwo, bɔ bɛ ole Sirianiɛ Resin ɔne Remalia awa ne bɛ yaa hahii bɔ bafɛ ne.

Yeremia 37:10

Ofikyɛ Kaldeafoɛ koɛhonɛfoɛ amukoraa bɔ bafa koɛ baatoa ɛmɔ ne, sɛ ɛmɔdi bɛ so ngonim, ná ɔka bɛ mmenia bɔ bapurapura angome twe po a, bɛ nu biala kodwɔso kofi ye tena sua nu, na bɛkɔfa see bɛkɔɔyera kuro he.’ ”

Yeremia 46:16

Amba, ɔmane bɛ nu pee bɛtete beguale, ko te tɔle ko aso. Na besisele bɛ nwo kyɛ, ‘Dwɔso maa yɛsa yɛhɔ yɛ bɔbɔ yɛ mmenia mɔ dɔ, yɛ bɔbɔ yɛ maen bɔ nu yeɛ bɛwole yɛ ɔ, ná yɛnwati yɛfi ndaneanyeɛfoɛ ngrandɛ noa.’

Awuye 1:3

Amaneɛnwunɛ ne nhyɛsoɛ kandinga nu yeɛ bahye Yuda nnure bahɔ ɔ. Waatena amaen maen mɔ nu, na onnya nekaa bɔ ɔkɔtena kole ye nwome ɔ, bɛ bɔ bɛfoa ye ne amukoraa baato ye, bahã ye bapua wɔ atee kyenɔnn bie aso.

Awuye 1:6

Sion awa brasua ne, ye anwonyemene amukoraa atu amini; ye atitire mɔ bayɛ kyɛ dabɔɔ bɔ bennya aleɛ benni ɔ, na banwati bɔ b’anwoserɛ ayie, wɔ bɛ bɔ bɛfoa bɛ nemɔ bɛ nyunu.

Awuye 4:19

Yɛ ndaneanyeɛfoɛ mɔ, bɛ nwo yɛ nyera tra ewienu kɔleɛ mɔ. Bɛfoane yɛ wɔ mmokaa nemɔ aso, bɛtetɛle yɛ wɔ ɛserɛ so.

Hesekiel 21:12

Sona awa, sũ ná bɔ awuye, ofikyɛ sɔ dwirɛ ne kɔto me maen; ɔkɔto Yisrael mbanyi amukoraa; mafa bɛ ne me maen mawura ngrandɛ sa, yiti fa wɔ sa gua w’ahone so di aworabɔlɛ.

Hesekiel 21:15

Mafa ngrandɛ anoa nnaennaen magyinagyina bɛ pambim amukoraa nu, amaa ɔnate so ahunundetelɛ atɔ bɛ so, ná b’amaneɛnwunɛ ayɛ pee. Ah! ɔte yerɛmyerɛm kyɛ agralaa, na bahwi ye nwo bɔ bɛbaafa bekũkũ ɔ.

Hesekiel 21:7

Na sɛ bebisa wɔ kyɛ, ‘Nzu ati yeɛ egua anwongokoɔ e?’ a, bua kyɛ, ‘Edwirɛ bɔ ɔ́ba ne ati ɔ. Ɔba a, ahunundetelɛ kɔtɔ ebiala so, ebiala abasa nu kodwo, ebiala nwo ngaka kotu komini, na ebiala nangoroma nu kɔyɛ mmerɛ kyɛ nzue. Ɛ́mɔnea, ɔ́ba, na ɔkɔwa nu koso amba,’ ” AWURADE Nyameɛ noa dwirɛ ɛne.

Hosea 8:3

Yisrael agyi nikye paa ne wato, na pɔfoɛ ne kɔfoa ye.

Lewitikɔso 26:17

Ngotu me nye ngosie ɛmɔ so, na ɛmɔkɔtotɔ ɛmɔ pɔfoɛ mɔ ngrandɛ noa. Ɛmɔ pɔfoɛ mɔ koli ɛmɔ so, na ɛmɔkɔnwati wɔ aberɛ bɔ ebiala ɔmvoa ɛmɔ ɔ.

Lewitikɔso 26:35

Afoɛ mɔ bɔ ɛmɔtenane aseɛ ne aso belili afofi ne, sɛ aseɛ ne da berɛ mbaen a yeɛ okole ye nwome ɔ.

Deuteronomi 1:44

Na Amorifoɛ bɔ bɛte sɔ mmokaa aseɛ ne aso nen, bɛwale ɛmɔ so, na bɛfoane ɛmɔ kyɛbɔ ɛwommaa foa mmenia ɔ, na bɛbole ɛmɔ wɔ Sɛre toonn beedwuli Hɔma.

Yosua 5:1

Amorifoɛ ahemvo amukoraati bɔ bɛwɔ asue Yɔɔdan si eyia atɔleɛ bue nu dɔ ne, bɛ ne Kanaanfoɛ ahemvo amukoraa bɔ bɛwɔ mboanoa ne, mmerɛ bɔ bɛtele kyɛ AWURADE ama Yɔɔdan nu nzue wawewe wama Yisraelfoɛ, kɔpem kyɛ bɛpɛle ye nen, ahunundetelɛ tɔle bɛ so, na ɔnate Yisraelfoɛ ti bɛ nwo ngaka nwatili.

Yosua 7:5

Ayefoɛ huhuni bɛ nu mmenia kɔyɛ aburasa ne nzia, bɛfoane bɛ befili kuro berɛ pambim ne asi toonn beedwuli Hyebarim, na behuhuni bɛ wɔ bokaa ne ndoroleɛ nu. Ɛserɛ hane Yisraelfoɛ, na bɛbɔle fuin.

1 Samuel 17:24

Na Yisrael koɛhonɛfoɛ ne amukoraa nye bɔle biaa ne aso nen, ɛserɛ hane bɛ maa bɛnwatili befili ye nyunu.