Lewitikɔso 26:32 - AHYERƐLƐ KRONGRON

³² Ngɔsɛkye ɛmɔ aseɛ ne pasaa, maa ɛmɔ pɔfoɛ mɔ bɔ bekotu bɛkɔɔtena nu ne, ɔkɔyɛ bɛ nwanwa.

Lewitikɔso 26:32 Iomraidhean Croise

1 Ahemvo 9:8

Sua ye kodwiri kogua kɔyɛ kyɛ esire. Na ebiala bɔ ɔkɔpɛ nu wɔ ye nwo ne, ɔkɔyɛ ye nwanwa maa okosobi ye noa kogua so kɔhã kyɛ, “Nzu ati yeɛ AWURADE ayɛ maen ye ɔne awuro ye sɔa ye?”

Yesaya 24:1

Tie, AWURADE kɔsɛkye aseɛ maa ɔkɔla berɛ mbaen, okobutu aseɛ nye ase, ná wabɔ so ama wasande.

Yesaya 5:6

Ngɔmaa ɔkɔkakyi adangasa, mengɔdwaadwaa ye nwo, yeɛ mengɔbɔ ye nwo, nu kofu agurɛ ne mmowue. Asa koso, ngɔhyɛ munungum kyɛ nnɛmaa ɔtɔ esue gua so.

Yesaya 5:9

Asafo AWURADE ahã agua me so anu kyɛ, “Nahorɛ nu, awuro pee kɔbɔ, awuro mbiri mbiri nyemenenyemene mɔ kɔkakyi dandue.

Yesaya 6:11

Yeɛ mmisale kyɛ, “O AWURADE, ɛhe kɔhɔ so alaa maa okoodwu kyinzu?” Na obuale kyɛ, “Kɔpem kyɛ nguro kɔkakyi kurofoen bɔ sona nne so ɔ, ɔne kyɛ awuro mɔ kɔkakyi dandue bɔ sona nne nu ɔ, ɔne kyɛ aseɛ ne kɔsɛkye bɔkɔɔ kɔla berɛ mbaen ɔ,

Yesaya 64:10

Wɔ nguro krongron nemɔ, bakakyi ɛserɛ, Sion akakyi ɛserɛ, yeɛ Yerusalem akakyi kurofoen.

Yeremia 12:11

Basɛkye ye pasaa, osũ kyire me kyɛ wasɛkye pasaa. Aseɛ ne amukoraa wayɛ pralaa, nakoso ebiala nne berɛ bɔ ɔdwene ye nwo ɔ.

Yeremia 18:16

Bama b’aseɛ ne aso ayɛ pralaa, na wayɛ nikyee bɔ mmenia sobi bɛ noa begua so afebɔɔ ɔ. Ebiala bɔ ɔpɛ nu berɛ ne, ye nwo kodwiri ye, na okopusu ye ti.

Yeremia 19:8

Ngɔma kuro ye kɔkakyi kurofoen, ɔne nikyee bɔ mmenia sobi bɛ noa begua so ɔ. Na ebiala bɔ ɔpɛ nu berɛ ne, ye nwo kodwiri ye, na okosobi ye, ɔnate ye amaneɛ ne amukoraa ti.

Yeremia 25:11

Aseɛ ne amukoraa kɔkakyi kurofoen ne anwodwiri nikye, na maen maen hemɔ, bɛkɔso Babilɔn hene afoɛ aburasoo.

Yeremia 25:18

Bɛ ɛhe: Yerusalem ne Yuda nguro, nu ahemvo ne nu nnehyeɛ, kyɛ bɛyɛ kurofoen, anwodwiri nikye, bɔ mmenia besobi bɛ noa gua bɛ so ɔ, ɔne ɛnomalɛ nikye, kyɛbɔ ɔte ɛnɛ ye;

Yeremia 25:38

Wafi ye dabea kyɛ gyata; ofikyɛ bɛ maen ne akakyi kurofoen ɔnate pɔfoɛ ngrandɛ ne, ɔne ye ɛyaafɛlɛ piri ne ati.”

Yeremia 33:10

“AWURADE nwa nyoo: Ɛwa bɔ ɛmɔnwa, ‘Wayɛ kurofoen bɔ sona anaa kaka biala ɔnne so’ ne, Yuda nguro ne Yerusalem dwaa mɔ so bɔ wayɛ kurofoen, bɔ sona anaa kuromani anaa kaka biala ɔnne so ne, bekosa bɛkɔte

Yeremia 44:2

“Bɔ Asafo AWURADE, Yisrael Nyameɛ kã ɛhe: Ɛmɔanwu musue amukoraa bɔ maprapra magua Yerusalem ne Yuda nguro amukoraa so ne. Na ɛ́mɔnea, ɛnɛ bayɛ kurofoen bɔ ebiala nne berɛ bɔ ɔte so ɔ,

Yeremia 44:22

AWURADE wangora wammu ye nye wangua ɛmɔ bɔne yɔleɛ, ɔne akyiwadeɛ bɔ ɛmɔyɔle ne aso. Yiti ɛmɔ maen akakyi kurofoen, anwodwiri nikye ɔne ɛnomalɛ nikye bɔ sona fee ɔtte so ɔ, kyɛbɔ ɔte ɛnɛ ye.

Yeremia 9:11

Ngɔma Yerusalem kɔkakyi esire sire, ɛserɛ so ngyea atenaleɛ; ngɔma Yuda nguro kɔkakyi kurofoen, bɔ sona biala nne so ɔ.”

Awuye 4:12

Ahaa aseɛ so ahemvo, yeɛ wiase ama amukoraa bengole bengoli, kyɛ ateeteefoɛ ne pɔfoɛ nemɔ bekoowura Yerusalem pambim nemɔ anu ɔ.

Awuye 5:18

Sion bokaa ne ayɛ kurofoen, yiti eburo ngyea natenate so.

Hesekiel 5:15

Na sɛ mebua wɔ ndɛen wɔ ahonehulɛ ne anyeborolɛ so, ná metwe wɔ so serɛserɛ a, ɛkɔkakyi animguaseɛ, ngorohoɛ nikye, kɔkɔbɔlɛ ne edwirɛ nwanwa kɔma maen maen bɔ bapɛ wɔ nwo bayia nemɔ; me AWURADE, me yeɛ mahã ɔ.

Daniel 9:18

O me Nyameɛ, yɛ asoɛ tie, bukye wɔ nye ná nea amaneɛ bɔ wato yɛ ne kuro bɔ wɔ dumaa la so ne; ofikyɛ nna yɛ tenenee so yeɛ yɛgyi bɔ yɛfa yɛ sufrɛ yɛto wɔ nyunu ɔ, na mmom w’anwumvoinnwunɛ piri ne ati ɔ.

Daniel 9:2

ye ahennie afoɛ bɔ oli moa ne anu, me, Daniel, mbɛnzɛmbɛnzɛle ngrataa nemɔ anu nwuni afoɛ aburasoo bɔ odi kyɛ ɔpɛ nu koraka né Yerusalem abɔ, bɔ ɔte AWURADE dwirɛ bɔ ɔlale ye ali hyirele ngɔmhyɛlɛniɛ Yeremia ne.

Habakuku 3:17

Ɔwɔ nu kyɛ borɔdoma mmɔ nyerɛen, bobe nemɔ benzu mmaa, olive sulɛ wali ngasi, eboo mɔ bɛngye aleɛ, mmoaen nemɔ bɛ boso ayera wɔ tuin ne anu, yeɛ nandwie biala nne tuin nemɔ anu,

Luka 21:20

“Na sɛ ɛmɔnwu kyɛ koɛhonɛfoɛ bapɛ Yerusalem nwo bayia a, ye de ɛ́mɔnwu ye kyɛ ye bɔlɛ apingye.

Deuteronomi 28:37

Maen maen mukoraati bɔ AWURADE kɔfa wɔ kɔhɔ so ne, bɔ ɔkɔto wɔ ne kɔyɛ bɛ nwanwa, na ɛmɔkɔkakyi berɛ ama mɔ bɛ noa nu anyandera ne ngorohoɛ dwirɛ.