Lewitikɔso 26:31 - AHYERƐLƐ KRONGRON

³¹ Ngɔma ɛmɔ nguro nemɔ kɔbɔ, ná masɛkye ɛmɔ nekaa krongron nemɔ, na me nye ngɔgye ɛmɔ afɔleɛ fonafona nemɔ anwo.

Lewitikɔso 26:31 Iomraidhean Croise

Gyenesise 8:21

Na AWURADE tele afɔleɛ ne fona nen, ɔhane ye ye ti anu kyɛ, “Ɔnate kuro sona ti mengɔnoma aseɛ ko, ofikyɛ sona ti anu nzusuleɛ te bɔne fite ye ngwadaa nu; na sɔ ala yeɛ mengɔsɛkye abɔdeɛ biala ko kyɛbɔ mayɔ ye ɔ.”

2 Ahemvo 22:19

mmerɛ bɔ ɛtele edwirɛ bɔ nga mvale maen he ɔne nu ama nwo, kyɛ maen ne kɔbɔ ná musue kɔto bɛ ne, ɔnate kyɛ enuni wɔ nwo ná ɛbrɛle wɔ nwo ase wɔ AWURADE nyunu, ná afei esunzuale wɔ ndaadeɛ nu, ná esuni wɔ me nyunu ne ati, me koso mate bɔ aha ne. Bɔ AWURADE kã hɔ ɛne.

2 Aberɛso Dwirɛ 36:19

Bɛyerale Nyameɛ awuro ne, bebubuli Yerusalem fasue ne beguale, bɛyerale Yerusalem ahemvie nemɔ amukoraa, na nu nningyein bɔ ye nyɔboɛ yɛ se ne, bɛyerale ye mukoraa.

Nehemia 1:3

Na bɛbɔle me amaneɛ kyɛ, “Mmenia bɔ bangye bɛ nnure bangɔ bie, ná bɛwɔ maen ne anu ne, amaneɛ ne animguaseɛ kandinga paa ato bɛ. Pɔfoɛ nemɔ babubu Yerusalem fasue ne bagua, yeɛ ye pambim nemɔ koso bato nu see bayera bɛ.”

Nehemia 2:17

Yeɛ nga ngyirele bɛ kyɛ, “Ɛmɔanwu edwirɛ bɔ wato yɛ ye: kyɛbɔ Yerusalem wakakyi kurofoen, bɔ ye pambim nemɔ koso bato nu see ɔ. Ɛ́mɔdwɔso maa yɛsa yɛkyekye Yerusalem fasue ne, amaa yɛ nyunu wangɔ so wangua ase.”

Nehemia 2:3

Na nzele Nana kyɛ, “Nana, wɔ ngoa so oo! Ɔkɔyɛ sɛɛ bɔ me wora ngɔbɔ ɔ, wɔ aberɛ bɔ kuro bɔ me nana mɔ asieleɛ wɔ so ne, wabɔ bɔ bafa see bayera ye pambim mɔ ɔ?”

Yesaya 1:7

Ɛmɔ maen ne abɔ, bafa see bayera ɛmɔ nguro nemɔ, amanvrafoɛ bɛfẽ ɛmɔ fieso aleɛ bɛfa bɔ ɛmɔ nye tua ɔ; wabɔ, kyɛbɔ ɛwɔfoɛ mɔ basɛkye ye ne.

Yesaya 6:11

Yeɛ mmisale kyɛ, “O AWURADE, ɛhe kɔhɔ so alaa maa okoodwu kyinzu?” Na obuale kyɛ, “Kɔpem kyɛ nguro kɔkakyi kurofoen bɔ sona nne so ɔ, ɔne kyɛ awuro mɔ kɔkakyi dandue bɔ sona nne nu ɔ, ɔne kyɛ aseɛ ne kɔsɛkye bɔkɔɔ kɔla berɛ mbaen ɔ,

Yesaya 63:18

Wɔ maen krongron ne, onyane w’agyapadeɛ ne mmerɛ kãa bie, nakoso yɛ pɔfoɛ mɔ bahwi bafa wɔ nekaa krongron ne aso.

Yesaya 64:9

O AWURADE, nnɛfɛ yaa piri, yeɛ nnɛkaye amumuyɛɛ afebɔɔ. Yɛsrɛ wɔ ala, kaye, yɛ mukoraa yɛte wɔ maen.

Yesaya 66:3

“Sona bɔ oku nandwie ne, ɔte kyɛ bɔ oku mmenia ɔ ala, bɔ ɔfa boaen bɔ afɔleɛ ne, ɔte kyɛ bɔ obu kyea kɔme anu ɔ, bɔ ɔbɔ aburoo afɔleɛ ne, ɔte kyɛ bɔ ɔfa prako mogya bɔ afɔleɛ ɔ, bɔ ɔyera ɛyɛɛ ne, ɔte kyɛ sona bɔ ɔsɔ amoen ɔ. Bɛ de, bali bɛ bɔbɔ bɛ ti piri, na b’akyiwadeɛ nemɔ yeɛ bɛ kra nye gye ye nwo ɔ.

Yeremia 22:5

Nakoso sɛ ɛmɔandie edwirɛ hemɔ a, ye de meta me bɔbɔ me nwo ndaen kyɛ awuro he kɔkakyi dandue, AWURADE noa dwirɛ ɛne.

Yeremia 26:6

ye de, ngɔyɛ awuro he kyɛ Silo, na ngɔma kuro he kɔyɛ ɛnomalɛ nikyee ngɔma aseɛ ye aso maen maen amukoraa.’ ”

Yeremia 26:9

Nzu ati yeɛ afa AWURADE dumaa ahyɛ ngɔm kyɛ, ‘Awuro he kɔyɛ kyɛ Silo, ná kuro ye koso kɔyɛ kurofoen, bɔ ebiala ngɔtena so ɔ’?” Na mmenia ne amukoraa bɛpɛle Yeremia nwo beyiale wɔ AWURADE awuro berɛ.

Yeremia 4:26

Ndole me nye nneane, na yieee, né aseɛ bɔ ɔkye aleɛ ne wakakyi ɛserɛ, na ye nguro amukoraa bakakyi kurofoen wɔ AWURADE nyunu, wɔ ye ɛyaa piri ne anyunu.

Yeremia 4:27

Ofikyɛ AWURADE nwa nyoo: “Aseɛ ne amukoraa kɔkakyi kurofoen, nakoso mengonua bɛ boso bɔkɔɔ.

Yeremia 4:7

Gyata bie afi ye sosorɛ bo wafite, na maen maen sɛkyelɛniɛ ne, waye ye ti ɔba; wafi ye atenaleɛ berɛ ɔba, kyɛ ɔbaabɔ wɔ maen ne; na wɔ nguro nemɔ kɔkakyi kurofoen, bɔ sona biala ngɔtena so ɔ.

Yeremia 44:2

“Bɔ Asafo AWURADE, Yisrael Nyameɛ kã ɛhe: Ɛmɔanwu musue amukoraa bɔ maprapra magua Yerusalem ne Yuda nguro amukoraa so ne. Na ɛ́mɔnea, ɛnɛ bayɛ kurofoen bɔ ebiala nne berɛ bɔ ɔte so ɔ,

Yeremia 44:6

Yiti me yaafɛlɛ ne m’ahonehulɛ wale, na begyele wɔ Yuda nguro mɔ ne Yerusalem mmorɔnoɛ mɔ so maa babɔ bakakyi kurofoen, kyɛbɔ ɔte ɛnɛ ye.

Yeremia 52:13

Ɔyerale AWURADE awuro ne, ahemvie ne, ɔne Yerusalem sua amukoraa, na atitire nemɔ sua ne koso, ɔtole bɛ nu see yerale bɛ.

Yeremia 9:11

Ngɔma Yerusalem kɔkakyi esire sire, ɛserɛ so ngyea atenaleɛ; ngɔma Yuda nguro kɔkakyi kurofoen, bɔ sona biala nne so ɔ.”

Awuye 1:1

Ao, kuro bɔ né mmenia ayɛ nu mitimiti ne, ye yeɛ afei waha ye ngome e! Kuro bɔ né odi mu wɔ maen maen mɔ nu ne, ye yeɛ afei wakakyi kyɛ kunaniɛ ye! Kuro bɔ né odi maen maen mɔ so hemmaa ne, ye yeɛ afei de bede ye ndɔ e!

Awuye 1:10

Pɔfoɛ ne, watengyɛ ye sa wɔ ye nningyein nyemene ne amukoraa so, na wanwu kyɛ maenmaensofoɛ nemɔ, bɔ ahyɛ bɛ kyɛ nnɛmaa bɛkɔ wɔ badwa ne anu ne, bahɔ ye nekaa krongron ne anu.

Awuye 2:6

Ole anyeborolɛ ɔsɛkyele ye ɛtena sua kyɛ ɔsɛkye eboo ɔ. Wasɛkye ye nekaa mɔ bɔ beyia nu ne; AWURADE ama bɛ wora afi, aluolue ne afofingyẽa nemɔ wɔ Sion, na ye ahone bɔ wahu ne, wabu ɛhene ne ɔsɔfo animtia.

Awuye 2:7

AWURADE agyi ye afɔleɛ bokyea ne wato, okyi ye nekaa krongron ne. Ye ahemvie nemɔ, wafa bɛ fasue nemɔ wawura pɔfoɛ ne sa. Babɔ ese wɔ AWURADE awuro berɛ, kyɛ kyẽa bɔ bedi aluolue ɔ.

Hesekiel 12:20

Nguro bɔ bɛtete so nemɔ kɔbɔ, aseɛ ne kɔkakyi kurofoen, na ɛmɔkonwu kyɛ me ole AWURADE.”

Hesekiel 21:15

Mafa ngrandɛ anoa nnaennaen magyinagyina bɛ pambim amukoraa nu, amaa ɔnate so ahunundetelɛ atɔ bɛ so, ná b’amaneɛnwunɛ ayɛ pee. Ah! ɔte yerɛmyerɛm kyɛ agralaa, na bahwi ye nwo bɔ bɛbaafa bekũkũ ɔ.

Hesekiel 21:7

Na sɛ bebisa wɔ kyɛ, ‘Nzu ati yeɛ egua anwongokoɔ e?’ a, bua kyɛ, ‘Edwirɛ bɔ ɔ́ba ne ati ɔ. Ɔba a, ahunundetelɛ kɔtɔ ebiala so, ebiala abasa nu kodwo, ebiala nwo ngaka kotu komini, na ebiala nangoroma nu kɔyɛ mmerɛ kyɛ nzue. Ɛ́mɔnea, ɔ́ba, na ɔkɔwa nu koso amba,’ ” AWURADE Nyameɛ noa dwirɛ ɛne.

Hesekiel 24:21

‘Kã kyire Yisrael awuro ama kyɛ, AWURADE Nyameɛ nwa nyoo: Tie, mebaagua me nekaa krongron ne anwo fiɛ, bɔ ɔte ɛmɔ anwoserɛ bɔ ɛmɔfa bɛhoahoa ɛmɔ nwo ne, nikyee bɔ ɔla ɛmɔ ahone nwo ne, ɔne bɔ ɛmɔ kra nye gye ye nwo ne. Na ɛmɔ mma mmienzua ne ɛmɔ mma mmrasua bɔ ɛmɔyakyili bɛ berɛ bɛwale ne, bɛkɔtotɔ ngrandɛ noa.

Hesekiel 6:6

Kuro biala bɔ ɛmɔte so ne, ɔkɔkakyi kurofoen, ɛmɔ asɔneyɛɛ nemɔ kɔsɛkye kɔlela berɛ mbaen, na ɛmɔ afɔleɛ mmokyea nemɔ kodwiri kogua kɔsɛkye; ngobubu ɛmɔ mmosoen nemɔ ngogua ngɔsɛkye bɛ, ngobubu ɛmɔ amoen nemɔ ngogua, na ngɔsɛkye ɛmɔ sa noa adwuma nemɔ.

Hesekiel 9:6

Ɛ́mɔhũhũ bɛ bɔkɔɔ: nworowaa, mmerandeɛ, ndaluwa, ngwadaa ne mmrasua. Nakoso ebiala bɔ bahyɛ ye nzorɛ ne de, nnɛma ɛmɔfa ɛmɔ sa bɛkã ye. Ɛ́mɔhyɛ ye bo béfi me nekaa krongron ne.” Yiti bɛhyɛle ye bo befili mbanyi bɔ bɛwɔ sua ne anyunu nemɔ aso.

Daniel 2:46

Yeɛ Nana Nebukadenesa fale ye nyunu butuli berɛ, ɔfale anidie mane Daniel, na ɔhyɛle kyɛ bɛbɔ aleɛ afɔleɛ ne ɛyɛɛ afɔleɛ bɛma Daniel.

Amose 7:9

Yisake asɔneyɛɛ nemɔ kɔkakyi kurofoen, Yisrael nekaa krongron nemɔ kɔkakyi aseɛ pralaa, na ngɔfa ngrandɛ ngɔho ngotia Yeroboam awuro ama.”

Mika 3:12

Yiti ɔnate ɛmɔ ti, bekofundam Sion kyɛ eboo; Yerusalem kɔkakyi esire sire, na bokaa bɔ awuro ne gyi so ne, ɔkɔkakyi ɛhɔayeɛ nu asɔneyɛɛ.

Sefania 3:6

“Mabɔ maen maen mɔ pasaa, b’abandenden nemɔ adwiri agua, mama bɛ dwaa nemɔ so ayɛ bɔfonn bɔ ebiala mva so ɔ; mabɔ bɛ nguro nemɔ tɔɔ bɔ sona biala anga, bɔ ebiala ɔtte nu ɔ.

Luka 21:24

Bɛkɔtotɔ ngrandɛ noa, bɛkɔhye bɛ nnure bɛkɔhɔ maen maen mukoraa so; na Amaenmaensofoɛ kotiatia Yerusalem so koodwu kyɛ Amaenmaensofoɛ nemɔ bɛ mmerɛ ne kɔwa nu ɔ.

Asomafoɛ 6:14

ofikyɛ yɛtele kyɛ ɔkã kyɛ sɔ Yesu ne bɔ ofi Nasarɛte ne, okodwiri ɛwa kogua, ná wasa wasesã amanneɛ bɔ Mose hyehyɛle mane yɛ ne!”

Hebrifoɛ 10:26

Na sɛ yɛnya yɛnya nahorɛ ne nwo nimdeɛ, na ye si ye yɛ nye la ye nwo yɛkɔ so yɛyɔ bɔne de a, ye de bɔnefakyɛ afɔleɛ biala nne berɛ ko;