Lewitikɔso 26:30 - AHYERƐLƐ KRONGRON

³⁰ Ngɔsɛkye ɛmɔ asɔneyɛɛ so nemɔ ná mabubu ɛmɔ ɛyɛɛ afɔleɛ bokyea nemɔ magua. Ngɔboaboa ɛmɔ fuin noa ngogua ɛmɔ mmosoen wuruwaa nemɔ aso. Na ngɔpɔ ɛmɔ.

Lewitikɔso 26:30 Iomraidhean Croise

Gyenesise 19:13

na yɛbaasɛkye kuro ye, ofikyɛ abubue bɔ babɔ bagua nu mmenia ti so ne asone wɔ AWURADE nyunu, na AWURADE asoma yɛ kyɛ yɛɛsɛkye ye.”

1 Ahemvo 13:2

Nyameɛ sona ne teane nu fale AWURADE dwirɛ dwudwo tiale Betel afɔleɛ bokyea ne kyɛ, “Afɔleɛ bokyea, afɔleɛ bokyea, AWURADE nwa nyoo, ‘Bɛkɔwo baa bienzua bie wɔ Dawide awuro ama nu bɔ bɛfrɛ ye Yosia ɔ. Na asɔneyɛɛ so asɔfo mɔ bɔ bɛfa ɛyɛɛ bɛbɔ afɔleɛ wɔ wɔ so ne, wɔ so yeɛ Yosia kɔfa bɛ kɔbɔ afɔleɛ ɔ. Na ɔkɔyera kuro sona mmowue wɔ wɔ so.’ ”

1 Ahemvo 13:32

Ofikyɛ edwirɛ bɔ ɔnate AWURADE dwirɛ so hã tiale afɔleɛ bokyea bɔ ɔwɔ Betel ne, ɔne Samaria nguro nu asɔneyɛɛ so amukoraati ne, ɔkɔwa nu amba.”

2 Ahemvo 23:16

Afei Yosia pɛnene ye nye, na onwuni asieleɛ mɔ bɔ bɛwɔ bokaa ne aso ne. Ɔmaa bɛɛsesale sona mmowue befili asieleɛ nemɔ anu bɛwale. Ɔyerale bɛ wɔ afɔleɛ bokyea ne aso, na ɔnate so ɔfale efiɛ hane afɔleɛ bokyea ne. Ɛhe sili kyɛbɔ AWURADE dwirɛ bɔ ɔnate Nyameɛ sona ne aso hane [wɔ mmerɛ bɔ Yeroboam oogyinane afɔleɛ bokyea ne anwo aluolue kyẽa ne,] ɔte ne ala. [Yosia pɛnene ye nye, na onwuni Nyameɛ sona bɔ ɔhyɛle sɔ ngɔm ne ye asieleɛ ne.]

2 Ahemvo 23:20

Asɔneyɛɛ nemɔ aso asɔfo amukoraa bɔ né bɛwɔ berɛ ne, ohuhuni bɛ wɔ afɔleɛ bokyea nemɔ aso, na ɔyerale sona mmowue wɔ afɔleɛ bokyea ne aso. Afei osale ye si hɔle Yerusalem.

2 Ahemvo 23:8

Ɔboaboale asɔfo nemɔ amukoraa bɛ noa fili Yuda nguro nemɔ anu, na asɔneyɛɛ mɔ bɔ né asɔfo nemɔ bayera ɛyɛɛ wɔ so ne, ɔfale efiɛ hane bɛ, ofi Geba bɔ ɔkwaadwu Beɛ Hyeba. Asɔneyɛɛ nemɔ bɔ bɛwɔ kuro berɛ amrado Yosua ye pambim ne anoa nu berɛ, bɔ né bɛwɔ kuro berɛ pambim ne bɛen so ne, obubuli bɛ.

2 Aberɛso Dwirɛ 23:17

Yeɛ maen ne anu mmenia amukoraa bɛhɔle Baal asɔneyɛɛ so beebubuli bosoen ne beguale ase. Ye afɔleɛ bokyea mɔ ne ye amoen mɔ koso, bebubuli bɛ nu pasapasa. Behuni Baal kɔmeɛ Matan wɔ afɔleɛ bokyea nemɔ anyunu.

2 Aberɛso Dwirɛ 31:1

Afei belili aluolue ne beyiele ne, Yisraelfoɛ bɔ né bayia berɛ ne amukoraa, bɛhɔle Yuda nguro nemɔ aso beebubuli mmosoen bonima nemɔ beguale, bɛpepɛle Asera dosii nemɔ beguale, na bɛsɛkyele asɔneyɛɛ nemɔ ne afɔleɛ bokyea nemɔ wɔ Yuda ne Benyamin ne Efraim ne Manase amukoraa, kɔpem kyɛ bɛsɛkyele bɛ mukoraa ɔ. Afei Yisraelfoɛ amukoraa besa bɛhɔle bɛ nguro nemɔ aso, na bɛ nu biala hɔle ye aseɛ so.

Edwein 106:40

Yeɛ AWURADE fɛle ye maen ne aso yaa paa, na ohyili ye agyapadeɛ ne.

Edwein 89:38

Nakoso ato ye aye apo ye; afɛ wɔ sona bɔ apopa ye ngoo ne aso ɛyaa piri paa.

Yesaya 27:9

Yiti ɔnate ɛhe aso, okokyikyi Yakob amumuyɛɛ kofi berɛ, na ye bɔne bɔ baye bafi berɛ ne, so mmaa mukoraa bɔ okosu ɛhe: Okobubu afɔleɛ bokyea nyɔboɛ ne amukoraa, okofurofuro bɛ koti bɛ muhumuhu kyɛ nnɛterɛ, bɔ Asera dosii ne ɛyɛɛ bokyea biala ngogyinagyina berɛ ko ɔ.

Yeremia 14:19

Aso apo Yuda koraa? Sion nwo ayɛ wɔ kra tɛ anaa? Nzu ati yeɛ abobɔ yɛ agua berɛ maa yɛnnya ye noa ayire ye? Yɛ nye lale asomdwee ate, nakoso nikye paa biala wamvi nu wamma. Yɛ nye lale anwonyerɛsalɛ mmerɛ ate, nakoso, yieee, ahunundetelɛ mmom yeɛ watɔ yɛ so ɔ!

Yeremia 16:18

Na ngoli moa ngotua bɛ b’amumuyɛɛ ne bɛ bɔne so kerɛ mmɔhoɛ nyɔ, ofikyɛ bagua m’aseɛ nwo fiɛ, na bafa bɛ nningyein fiɛ ne b’akyiwadeɛ mɔ fuin bayi m’agyapadeɛ ne aso to.”

Hesekiel 16:39

Ngɔfa wɔ ngowura bɛ bɔ ekuro bɛ nemɔ sa, na bekodwiri wɔ simbini ne bekogua, yeɛ bekobubu wɔ mmosoen asɔneyɛɛ nemɔ koso bekogua. Bekopuro wɔ nwo ndaadeɛ, bekole wɔ mbembenanneɛ nyemenenyemene nemɔ, ná bayakyi wɔ kwaterekwa maa wɔ nwo ala so.

Hesekiel 43:7

Na osele me kyɛ, “Sona awa, ɛwa yeɛ ɔte nekaa bɔ m’ahennie bia ogyi ɔ, ɔne nekaa bɔ mefa me gya mesiesie ɔ, bɔ ɔte nekaa bɔ ngɔtena wɔ Yisraelfoɛ nu afebɔɔ ɔ. Na Yisrael awuro ama, bɛ ne bɛ hene mɔ, bɛngɔfa b’adwamanbɔlɛ ne, ɔne bɛ hene mɔ bɛ fuin wɔ b’asɔneyɛɛ nemɔ aso bengogua me dumaa krongron ne anwo fiɛ ko.

Hesekiel 6:13

Na ɛmɔkonwu kyɛ me ole AWURADE, mmerɛ bɔ bɛ mmenia kɔtotɔ kɔlela bɛ mmosoen nemɔ afia, bɔ bɛkɔpɛ b’afɔleɛ mmokyea nemɔ anwo bɛkɔbra bekoyia ne, wɔ pambaa tendenn biala so, wɔ mmokaa mukoraa bɛ ti afia ne, wɔ bakaa monɛ biala bo, wɔ eluii kusuu mukoraa bo, nekaa biala bɔ bɛbɔle ayirefona afɔleɛ bɛmane bɛ mmosoen nemɔ amukoraa ne.

Hosea 10:2

B’adwene ayɛ ndaa ndaa, afei odi kyɛ bɛsoa bɛ mvomsoɛ; AWURADE kobubu b’afɔleɛ mmokyea mɔ, na ɔkɔsɛkye b’amoen nemɔ.

Lewitikɔso 20:23

Maen maen bɔ mefoa bɛ mefi ɛmɔ nyunu ne, bɛ yɔleɛ nemɔ, nnɛma ɛmɔyɔ bie. Ɔnate kyɛ bɛyɔle sɔ nningyein nemɔ ati, mvɛle bɛ so yaa paa.

Lewitikɔso 26:11

Ngɔyɛ m’atenaleɛ wɔ ɛmɔ afia, na mengɔpɔ ɛmɔ.

Lewitikɔso 26:15

sɛ ɛmɔpo m’ahyɛdeɛ, ná ɛmɔtwi bɛfa me nhyehyɛleɛ so, ná ɛmɔanni me mmeraa dwirɛ amukoraa so, ná ɛmɔbu m’apam so a,

Amose 6:8

AWURADE Nyameɛ wata ye nwo ndaen, (AWURADE, Asafo Nyameɛ nwa), “Yakob ye anwomasoɛ ne yɛ me tɛ, yeɛ mekyi ye anwoserɛ afealeɛ nemɔ; yiti ngɔfa kuro ne, ɔne bɔ ɔwɔ nu amukoraa ngowura pɔfoɛ mɔ sa.

Amose 7:9

Yisake asɔneyɛɛ nemɔ kɔkakyi kurofoen, Yisrael nekaa krongron nemɔ kɔkakyi aseɛ pralaa, na ngɔfa ngrandɛ ngɔho ngotia Yeroboam awuro ama.”

Deuteronomi 32:19

“Na AWURADE nwuni ye sɔ nen, ɔnate ye mma mmienzua ne mmrasua mɔ bɛ nwo ahi ti, ɔpole bɛ.