Lewitikɔso 26:3 - AHYERƐLƐ KRONGRON

³ “Sɛ ɛmɔdi m’ahyɛdeɛ so, ɛmɔyɛ me mmeraa dwirɛ nwo sotie, ná ɛmɔfa bɛyɔ adwuma nahorɛ nu a,

Lewitikɔso 26:3 Iomraidhean Croise

Nehemia 1:9

nakoso sɛ ɛmɔsa bɛba me berɛ, ná ɛmɔdi me mmeraa dwirɛ so a, ye de aseɛ ye aso nekaa biala bɔ mama ɛmɔ babɔ aya baagua ne, ngɔboaboa ɛmɔ noa ngofi dɔ; ná mafa ɛmɔ mawa nekaa bɔ maye masie berɛ mafa me dumaa mato so ne.’

Ɛksadɔso 23:25

AWURADE ɛmɔ Nyameɛ yeɛ odi kyɛ ɛmɔsɔne ye ɔ, na ngoyira ɛmɔ aleɛ ne ɛmɔ nzue so, ná maye anwonyerɛ mafi ɛmɔ so.

Yesaya 1:19

Sɛ ɛmɔpene so ná ɛmɔyɛ sotie a, ye de aseɛ ne aso nikye paa yeɛ ɛmɔkoli ɔ.

Yesaya 30:23

Na afei ɔkɔtɔ esue kogua nningyein bɔ edua ye wɔ aseɛ so ɔ so, ɔne aseɛ ne aso aleɛ bɔ ɔkɔwa ɔ so, na bɛkɔyɛ mbiri mbiri ne pee. Sɔ mmerɛ ne, wɔ nyɛmmoa kodidi wɔ aseɛ pirikua bɔ ngaka aleɛ wɔ so ɔ so.

Yeremia 11:4

apam bɔ nhyehyɛle mane ɛmɔ nana mɔ mmerɛ bɔ nyele bɛ mvili Misraim aseɛ so, buralɛ foonoo nu ne. Na ngane kyɛ, ɛ́mɔtie me dwirɛ, na ɛ́mɔli ahyɛdeɛ amukoraa bɔ mafa mama ɛmɔ ne aso. Ɔba ye sɔ a, ɛmɔkɔyɛ me maen, ná me koso mayɛ ɛmɔ Nyameɛ,

Lewitikɔso 19:25

Nakoso ye afoɛ nnu ne aso de, ɛ́mɔli bɛ mma bɔ bekosu ne bie, amaa ɔnate so basu pee bama ɛmɔ: Me ole AWURADE ɛmɔ Nyameɛ.

Sakaria 8:12

Ofikyɛ nningyein lualɛ kɔyɛ asomdwee nu, bobe kosu ye mma, aseɛ kɔhye aleɛ, anwuro kɔtɔ ye bosue, na maen he mmenia bɔ baha ne, ngɔmaa bekonya ɛhemɔ amukoraa.

Malaki 3:10

Ɛ́mɔfa buru nu ngyɛmuɛ ko ne amukoraa bɛbra nekaa bɔ besie nningyein ne, amaa ɔnate so aleɛ awa m’awuro. Ɛ́mɔfa béso me bɛ́nea, sɛ mengobukye nyameɛso mboma mengɔma ɛmɔ a, sɛ mengohwie saleɛ ngogua ɛmɔ so ma ongobu ngɔfa so a, Asafo AWURADE noa dwirɛ ɛne.

Deuteronomi 7:12

“Na sɛ ɛmɔyɛ asoɛ betie sɔ nhyehyɛleɛ hemɔ, ná ɛmɔdi so pɛpɛɛpɛ a, ye de adɔeɛ apam bɔ AWURADE wɔ Nyameɛ tale ye nwo ndaen hyirele wɔ nana mɔ ne, AWURADE koli so kɔma wɔ.

Nyekyire 22:14

Bɛ bɔ bɛpo bɛ ndaadeɛ ne, banya saleɛ, kyɛbɔ bekonya ngoa bakaa ne nwo atee, ná bafa anoa ne anu bahɔ kuro ne anu ɔ.