Lewitikɔso 26:28 - AHYERƐLƐ KRONGRON

²⁸ ye de nne ɛyaa piri ngodwɔso ngotia ɛmɔ, na ɔnate ɛmɔ bɔne ti, me bɔbɔ ngɔhwe ɛmɔ so pɛen nzoo.

Lewitikɔso 26:28 Iomraidhean Croise

Edwein 79:12

Ao AWURADE, ngorohoɛ bɔ maen maen bɔ bapɛ yɛ nwo bayia bɛgoro wɔ nwo ne, tua bɛ so kerɛ pɛen nzoo.

Yesaya 27:4

M’ahone atɔ nzue nu. Sɛ menwu agurɛ ne mmowue a, ahaa ngɔfa koɛ ngɔtoa bɛ, ahaa ngɔyera bɛ ngɔbɔ nu.

Yesaya 59:18

Okotua bɛ kerɛ kyɛbɔ bɛ yɔleɛ te ɔ, ye ahone kohu bɛ bɔ bekyi ye ɔ so, yeɛ okotua ye pɔfoɛ mɔ so kerɛ, yeɛ supɔ mɔ koso, okotua bɛ so kerɛ.

Yesaya 63:3

“Me ngome yeɛ matiatia bobe mmaa ne aso wɔ kumaa ne anu ɔ, na me maen ne anu ama ne, nu ko po wammoka me so. Me yaafɛlɛ nu yeɛ ndiatiale bɛ so ɔ, m’ahonehulɛ nu yeɛ ndwi mvale bɛ so ɔ, na bɛ mogya yeɛ wabɔ wapete m’ataadeɛ nu ye, bɔ wasɛkye me tena mukoraa nu ye.

Yesaya 66:15

“Ɛ́mɔtie, AWURADE kɔfa see ne ye teaseɛnam mɔ bɔ bɛte kyɛ mvrama piri yeɛ ɔkɔwa ɔ,, kyɛ ɔbaafa ye ahonehulɛ ne otua so kerɛ ɛyaafɛlɛ so, ná ɔfa see wuronyiwuronyi ɔtea bɛ.

Yeremia 21:5

Me bɔbɔ nne ɛyaa, ahonehulɛ ne anyeborolɛ ngɔfa tumi asaa ne anwoserɛ asaa ngɔho ngotia ɛmɔ.

Yeremia 7:20

Yiti bɔ AWURADE Nyameɛ kã hɔ ɛhe: Tie, m’ahonehulɛ ne me yaa piri ne, ngohwie ngogua ɛwa, kuro sona ne ngaka so, eburo mmakaa ne aseɛ so mmakaammaa so; ɔkɔyera bɔ ongonua ɔ.

Awuye 4:11

AWURADE ala ye ɛyaafɛlɛ ali wayie, wama ye ahone ahu kandinga paa. Yeɛ wasɔ see wɔ Sion, maa wayera ye fapem nemɔ.

Hesekiel 5:13

“Sɔ yeɛ me yaafɛlɛ ne kɔyɔ bɛ nwo adwuma koyie ɔ, m’ahone kohu bɛ so maa m’ahone kɔtɔ nzue nu. Na sɛ m’ahone hu bɛ so a, yeɛ bekonwu ye kyɛ me, AWURADE, me nungunɛhwenɛ nu yeɛ mahã ɔ.

Hesekiel 5:15

Na sɛ mebua wɔ ndɛen wɔ ahonehulɛ ne anyeborolɛ so, ná metwe wɔ so serɛserɛ a, ɛkɔkakyi animguaseɛ, ngorohoɛ nikye, kɔkɔbɔlɛ ne edwirɛ nwanwa kɔma maen maen bɔ bapɛ wɔ nwo bayia nemɔ; me AWURADE, me yeɛ mahã ɔ.

Hesekiel 8:18

Ye sɔ ne ati, ngɔhwe bɛ so anyeborolɛ so. Mengɔkorɔkorɔ bɛ, yeɛ mengonwu bɛ anwumvoin. Na ɔwɔ nu kyɛ bɛkɔteatea nu bekosu bɛkɔfrɛ me de, nakoso mengɔtɛ bɛ so.”

Lewitikɔso 26:24

ye de me koso ngɔhɔ so ngodwɔso ngotia ɛmɔ, ná ɔnate ɛmɔ bɔne ti, mahwe ɛmɔ so pɛen nzoo.

Lewitikɔso 26:27

“Nakoso sɛ ɛhe asi ye, ɛmɔyɛ asoserɛ betia me ná ɛmɔdwɔso betia me a,

Lewitikɔso 26:41

maa ɔnate so me koso ngɔle so ndwɔso ndiale bɛ, na mvale bɛ mmale bɛ pɔfoɛ mɔ aseɛ so; sɛ bɛbrɛ b’ahone bɔ wapini ne ase, ná bede bɛto nu kyɛ bedi fɔ a,

Nahum 1:2

Nyameɛ ɔtwe nungunɛ, na ɔte AWURADE bɔ ɔtɔ wereɛ ɔ. AWURADE tɔ wereɛ, na ye yaafɛlɛ te piri; AWURADE tɔ bɛ bɔ bekyi ye ɔ so wereɛ, na ye ahonehulɛ wɔ berɛ ma ye pɔfoɛ mɔ.

Nahum 1:6

Nwa yeɛ ɔkɔhora kogyina ye ahonehulɛ ne nyunu ɔ? Nwa yeɛ ɔkɔhora kogyina ye yaa noa hyerɛhyerɛ ne noa ɔ? Ye yaafɛlɛ ne hwie gua kyɛ see, na ɔma nyɔbotaen mɔ nu dwudwa.