Lewitikɔso 26:26 - AHYERƐLƐ KRONGRON

²⁶ Ngɔma ɛhɔen kɔwa ɛmɔ aseɛ so; mmrasua buru yeɛ bɛkɔto ɛmɔ aleɛ wɔ bokyea komapɛ aso ɔ. Mmrasua nemɔ kosusu aleɛ ne mmaa mmaa bie yeɛ bɛkɔma ɛmɔ ɔ, yiti sɛ ɛmɔdi a, ɛmɔ ko ngoyi.

Lewitikɔso 26:26 Iomraidhean Croise

2 Ahemvo 6:25

Ɔnate kyɛ ɔhɔle so tuale Samaria ne ati, ɛhɔen pohonandafe bie wale kuro ne aso. Ɔnate so, né bɛfa afunum ti ko bede ɛdwetɛ sekel aburawɔtwɛ, yeɛ né bɛfa abubure ye bondua kongo bue bede ɛdwetɛ sekel nnu.

Edwein 105:16

Ɔmane ɛhɔen wale aseɛ ne aso, ná ɔsɛkyele b’aleɛ amukoraa ne,

Yesaya 3:1

Ɛ́mɔtie! AWURADE, Asafo AWURADE ɔbaaye ɛhemɔ fi Yerusalem ne Yuda: pɔmaa ne bakaa biala bɔ bekisa ye ɔ, aleɛ biala ne nzue biala,

Yesaya 5:10

Ofikyɛ bobe boo eka buru kɔma wɔ nzaa bua ko pɛ, yeɛ edua aburoo angora ko a, ekonya olonka buru.”

Yesaya 9:19

Asafo AWURADE ɛyaafɛlɛ piri ne, wama aseɛ ne ayera, na mmenia ne ayɛ kyɛ eyein bɔ bɛfa bɛsɔ see ɔ, na ebiala wannwu obiɛngo anwumvoin.

Yesaya 9:20

Befoti aleɛ wɔ famaa so, nakoso ɛhɔen tɛ ku bɛ, bedidi wɔ bɛ sa bɛen so, nakoso bɛ ko nyi, na ebiala keka ye bɔbɔ ye sa nwo naen di.

Yeremia 14:12

Sɛ bɛyɔ akɔngyere a, mengotie bɛ sufrɛ. Yeɛ sɛ bɛbɔ naen yeralɛ afɔleɛ ne aburoo afɔleɛ po a, mengole bɛ mengɔto nu. Na mmom ngɔfa ngrandɛ, ɛhɔen ne ewue anwonyerɛ ngohũhũ bɛ pasapasa.”

Hesekiel 14:13

“Sona awa, sɛ maen bie ɔyɔ bɔne tia me, bɔ wanni nahorɛ wamma me, ná sɛ metengyɛ me sa metwe ye so, ná mema aleɛ nwo yɛ se wɔ nu, ná mema ɛhɔen pe so, ná mekũkũ mmenia ne ngaka mefi nu,

Hesekiel 4:10

Na ɛlɛho biala w’aleɛ bɔ ekoli ne, odi kyɛ ɛkari kilo ko ye ngyɛmuɛ nnu nu ko, na ɛlɛho biala odi kyɛ edi ye mmerɛ noa mmerɛ noa.

Hesekiel 4:16

Osa sele me kyɛ, “Sona awa, tie, nekaa bɔ Yerusalem onya ye aleɛ fi ne, ngɔma ye bo kɔpɛ; na bɛkɔfa ahunundetelɛ bɛkɔkari aleɛ kaaba bie bekoli, na bɛkɔfa anwodwiri yeɛ bekosusu bɛ nzue bɛkɔno ɔ;

Hesekiel 4:17

amaa ɔnate so aleɛ ne nzue nwo ayɛ se ama bɛ; na ebiala nwu obiɛngo a, ye nwo kɔyɛ ye anwodwiri, na ɔnate bɛ bɔne ti bɛkɔfɔ bɛkɔtete.

Hesekiel 5:16

Na sɛ mema ɛhɔen ba bɛ so kyɛ agyaen suronyisuronyi, bɔ okohũhũ bɛ, bɔ ngɔto ngohũ ɛmɔ ne: ngɔma ɛmɔkɔhɔ so bekoli hɔen, na ngɔma nekaa bɔ ɛmɔnya b’aleɛ ɔ ye bo kɔpɛ.

Hosea 4:10

Bekodidi, nakoso bɛ ko ngoyi; bɛkɔbɔ gyandera, nakoso bɛngɔta pee, ofikyɛ bapo AWURADE.

Lewitikɔso 26:27

“Nakoso sɛ ɛhe asi ye, ɛmɔyɛ asoserɛ betia me ná ɛmɔdwɔso betia me a,

Mika 6:14

Ekodidi, nakoso wɔ ko ngoyi; ɛhɔen kandinga kɔwa wɔ wɔ nu, ɛkɔfa nningyein kosie, nakoso ɛngɔhora ngɔbɔ ye nwo waen; nakoso bɔ ɛkɔbɔ ye nwo waen ne, ngɔmaa okofi wɔ sa wɔ koɛ nu.

Hagae 1:6

Ɛmɔalua pee, nakoso kaaba bie yeɛ ɛmɔanya bafi nu ɔ; ɛmɔdidi, nakoso ɛmɔ ko nyi; ɛmɔno nzaa, nakoso ɔmmo ɛmɔ; ɛmɔkera ɛtena, nakoso ebiala nwo nyɛ ye hye; yeɛ bɔ ode akatuaa ne, ode gua bɔtɔ bɔ ye bo atofitofi ɔ nu.