Lewitikɔso 26:25 - AHYERƐLƐ KRONGRON

²⁵ Na ngɔhwe ɛmɔ so ngrandɛ, ná matɔ ɛmɔ so wereɛ, ɔnate apam bɔ ɛmɔabu so ne ati. Na sɛ ɛmɔkɔfeafea ɛmɔ nguro nemɔ anu a, ngɔsoma anwonyerɛ tɛɛ maa ɔkɔbɔ ɛmɔ, na ngɔfa ɛmɔ ngowura ɛmɔ pɔfoɛ mɔ sa.

Lewitikɔso 26:25 Iomraidhean Croise

2 Samuel 24:15

Yiti AWURADE mane anwonyerɛ tɛɛ te pene Yisrael fite ngyerɛmɔ ne maa oodwuli mmerɛ bɔ wahyɛ ne. Fite Dan bɔ ɔkwaadwu Beɛ Hyeba ne, mmenia apee aburasoo wuwuli.

1 Ahemvo 8:33

“Sɛ wɔ maen Yisrael bɛyɔ bɔne betia wɔ, ná ye sɔ ti bɛ pɔfoɛ mɔ di bɛ so ngonim, nakoso besa benu bɛ nwo, bɛye wɔ dumaa ayɛ, ná bɛbɔ mbaeɛ besu bɛfrɛ wɔ wɔ sua ye anu a,

1 Ahemvo 8:37

“Sɛ ɛhɔen piri, anaa ɛhawo piri, anaa fieso nningyein kesenɛ, anaa asukuo, anaa mmɛbɛ, anaa nduro ba maen ye anu; sɛ bɛ pɔfoɛ mɔ kã bɛ mia wɔ bɛ nguro ne biala so sɛ ɛhawo piri anaa anwonyerɛ biala to bɛ,

2 Ahemvo 17:3

Asiria hene Salmanese lili Hosea so ngonim wɔ koɛ nu. Yiti Hosea ɔɔyɛle ye akoaa, na né otua toɔ ma ye.

2 Aberɛso Dwirɛ 24:24

Ɔwɔ nu kyɛ né Siria koɛhonɛfoɛ nemɔ banzo de, nakoso AWURADE fale Yuda koɛhonɛfoɛ ɛlɔen kandinga ne wurale bɛ sa, ofikyɛ Yudafoɛ pole AWURADE bɔ ɔte bɛ nana mɔ Nyameɛ ne. Ye sɔ ne ati, Siriafoɛ lili Yoase so ngonim.

Edwein 94:1

Ao AWURADE, wereɛtɔlɛ Nyameɛ, wereɛtɔlɛ Nyameɛ, kyire wɔ tumi!

Ɛksadɔso 5:3

Na besele kyɛ, “Hebrifoɛ Nyameɛ ne ɔne yɛ ayia, yiti yɛsrɛ wɔ, ma yɛ ate ma yɛhɔ atee bɔ bɛfa ɛlɛsa bɛpɛ ɔ wɔ ɛserɛ so, ná yɛɛbɔ afɔleɛ yɛma AWURADE yɛ Nyameɛ ne; na anyɔ a né wafa ewue anwonyerɛ anaa ngrandɛ wawa yɛ so.”

Yesaya 1:20

Nakoso sɛ ɛmɔtwi bɛfa so, ná ɛmɔyɛ lɔen a, ye de ɛmɔkɔtotɔ ngrandɛ noa, ofikyɛ AWURADE noa dwirɛ ɛne.”

Yesaya 65:12

na me koso ngɔma ɛmɔ kɔtotɔ ngrandɛ noa, na ɛmɔ amukoraa bekobu ndwerɛ maa bekohu ɛmɔ; ofikyɛ mvrɛle ɛmɔ ne, ɛmɔandɛ me so, ndwudwole ne, ɛmɔandie, na mmom ɛmɔyɔle bɔ ɔte bɔne wɔ me nye so ɔ, na bɔ menguro yeɛ ɛmɔyɔle ɔ.”

Yeremia 19:7

Ngɔma Yuda ne Yerusalem nzusuleɛ kɔyɛ mbaen wɔ wa, na ngɔmaa bɛkɔtotɔ ngrandɛ noa wɔ bɛ pɔfoɛ mɔ nyunu, ɔne bɛ bɔ bɛpena bɛ beku bɛ ɔ, bɛ sa nu. Na ngɔfa bɛ fuin ngɔma ewienu nnomaa ne aseɛ so ngaka aboyaa maa bekoli.

Yeremia 24:10

Na ngɔsoma ngrandɛ, ɛhɔen ne ewue anwonyerɛ maa bɛkɔhɔ bɛ so, kɔpem kyɛ bɛ boso konua bɔkɔɔ kofi aseɛ bɔ mva mane bɛ ne bɛ nana mɔ ne aso ɔ.

Yeremia 50:28

“Ɛ́mɔtie oo, kyɛ, bɛ bɔ bɛ́nwati bɛpena bɛ ti bedidi nu befi Babilɔn aseɛ so ne, bɛ́ba bɛbabɔ AWURADE yɛ Nyameɛ wereɛtɔlɛ, ye asɔneyɛɛ sua nwo wereɛtɔlɛ nwo dawure wɔ Sion ɔ.

Yeremia 51:11

“Ɛ́mɔsi agyaen nemɔ noa! Ɛ́mɔma akokyɛm nemɔ aso! AWURADE akanyane Medese ahemvo mɔ sunzum, ofikyɛ wanya Babilɔn nwo adwene kyɛ ɔkɔsɛkye ye, AWURADE wereɛtɔlɛ ne, ye ɛne; ye asɔneyɛɛ sua nwo wereɛtɔlɛ ne, yɛ ɛne.

Yeremia 9:16

Maen maen bɔ bɛ ne bɛ nana mɔ bɛttele bɛ nga le ne, so yeɛ ngɔbɔ bɛ ngɔsande ngɔhɔ ɔ; na ngɔsoma ngrandɛ maa okoli bɛ si kɔpem kyɛ ngonua bɛ boso ɔ.”

Awuye 2:21

Ngwadaa ne mbanyi, bɛlela aseɛnwo wɔ dwaa nemɔ aso. Me ndaluwa mɔ ne me mmerandeɛ mɔ, batotɔ ngrandɛ noa. Ahũhũ bɛ wɔ wɔ yaafɛlɛ kyẽa ne anu; ahũhũ bɛ, na annwu bɛ anwumvoin.

Hesekiel 14:17

“Anaakyɛ, sɛ metwe ngrandɛ metia sɔ maen ne, ná mekã kyɛ, ‘Ngrandɛ, fa aseɛ ne aso maa ngukũ mmenia ne ngaka mvi so a;

Hesekiel 20:37

Ngɔmaa ɛmɔkɔsẽ bɛkɔfa pɔmaa ne abo, na ngɔmaa ɛmɔkoli apam ne aso.

Hesekiel 29:8

Yiti AWURADE Nyameɛ nwa nyoo: Tie, mebaafa ngrandɛ meba wɔ so, na ngohũhũ wɔ nu mmenia ne ngaka.

Hesekiel 33:2

“Sona awa, dwudwo kyire wɔ maen mmaa, ná se bɛ kyɛ, Sɛ mefa ngrandɛ meba maen bie aso, ná sɛ maen ne anu ama bɛye bɛ nu bienzua ko bɛfa ye bɛyɛ wɛmvoɛ;

Hesekiel 5:17

Ngɔsoma ɛhɔen piri ne ngaka aboyaa maa bɛkɔwa ɛmɔ so, bɛkɔma ɛmɔ mma mɔ bekofi ɛmɔ sa, ɛmɔkonwu ewue anwonyerɛ ne mogya, na ngɔfa ngrandɛ ne ngɔwa ɛmɔ so. Me, AWURADE, me yeɛ mahã sɔ ɔ.”

Hesekiel 6:3

ná kã kyɛ, ‘Ɛmɔ, Yisrael mmokaa, ɛ́mɔtie AWURADE Nyameɛ noa dwirɛ. Bɔ AWURADE Nyameɛ ɔkã kyire mmokaa ne pambaa mɔ, asue mɔ ne bɔnza mɔ ɛhe: Ɛ́mɔtie, me, mebaafa ngrandɛ meba ɛmɔ so, na ngɔsɛkye ɛmɔ asɔneyɛɛ nemɔ.

Hosea 11:6

Ɔnate b’agyirɛ bɔ batu ne ati, ngrandɛ kohũhũ mmenia wɔ ye nguro nemɔ aso, na okobubu mmuralɛ bɔ ɔbrambram ye anoa nemɔ asi ne.

Lewitikɔso 26:6

Ngɔma maen ne konya asomdwee, na ɛmɔkɔla wɔ aberɛ bɔ ebiala ngonwunanwuna ɛmɔ ɔ; ngɔfoa ngaka bɔ bɛte awerɔm ɔ ngofi aseɛ ne aso, na koɛ biala ngɔhɔ so wɔ ɛmɔ aseɛ ne aso.

Amose 4:10

“Anwonyerɛ mɔ bɔ mva mmɔle Misraim ne, nzomane maa ɔɔbɔle ɛmɔ; mvale ngrandɛ ngukuni ɛmɔ mmerandeɛ mɔ; nzesale ɛmɔ mbɔngɔ mɔ ngɔle, mmane ɛmɔ asikyeleɛ nu pambaen ne wurale ɛmɔ bonyi anu, nakoso ɛmɔanza bamma me berɛ,” AWURADE noa dwirɛ ɛne.

Habakuku 3:5

Né ewue anwonyerɛ li ye nyunu, na né ɛhawo nate ye gya bo.

Numeri 14:12

Ngɔfa ewue anwonyerɛ ngɔto bɛ so ná mapo bɛ, na ngɔfa wɔ ngɔyɛ maen bɔ ɔte piri bɔ ye nwo yɛ se tra bɛ ɔ.”

Numeri 16:49

Bɛ bɔ bewuwuli wɔ amaneɛ piri ne anu ne, bɛ somaa te apee buru ne nna ɔne ɛyaa nzoo, asora bɛ bɔ bewuli wɔ Kora ɛlɔenyɛlɛ ne anu ne.

Numeri 31:3

Yiti Mose sele Yisrael maen ne kyɛ, “Ɛ́mɔboaboa ɛmɔ mmenia ne bie noa maa bɛhɔ koɛ, ná bɛ ne Midian bɛɛho, ma AWURADE wereɛtɔlɛ ɔ́bra Midian so.

Luka 21:11

aseɛwosolɛ serɛserɛ kɔwa nekaa ahoroɔ, ɛhɔen ne anwonyerɛ ahoroɔ kɔwa; na nningyein suronyisuronyi ne nzɛngyerɛnneɛ mbiri mbiri kofi nyameɛso kɔwa.

Deuteronomi 28:21

AWURADE kɔfa ewue anwonyerɛ kɔto wɔ so, kɔpem kyɛ ɔkɔpra wɔ boso kofi aseɛ bɔ ɛkwaafa tena so ne aso ɔ.

Deuteronomi 32:25

Bɛ mma kɔtotɔ ngrandɛ noa wɔ dwaaso, na ɛserɛ kɔha bɛ wɔ sua nu. Mmerandeɛ ne ndaluwa kowuwu, nnɔma ne mbanyi bɔ bafu gyein koso sɔ ala.

Deuteronomi 32:35

Wereɛtɔlɛ ne akatuaa te me deɛ, ɔngɔhyɛ biala, bekosoti; ofikyɛ b’amaneɛnwunɛ kyẽa ne apingye, na b’ayieleɛ ɔ́ba ndɛndɛ.

Deuteronomi 32:41

sɛ mesi me ngrandɛ nahanaha ne, ná me sa sɔ nu wɔ ndɛenbualɛ nu a, ngɔtɔ me pɔfoɛ mɔ so wereɛ, na bɛ bɔ bekyi me koso, ngotua bɛ so kerɛ.

Maenbulɛfoɛ 15:11

Yeɛ Yuda koɛhonɛfoɛ apee nza sili nu bɛhɔle nyɔboɛ bɔ wasi sua, bɔ ɔwɔ Etam nyɔbotaen anu ne, na besele Samson kyɛ, “Ɛnze kyɛ Filistifoɛ, yɛ mene mɔ ole bɛ ɔ? Nzikyɛ dwirɛ yeɛ aahwe aberɛ yɛ ye?” Na obuale kyɛ, “Nikyee bɔ bɛfa bɛyɔle me ne, sɔ ala yeɛ mafa mayɔ bɛ ɔ.”