Lewitikɔso 26:22 - AHYERƐLƐ KRONGRON

²² Ngɔsoma ngaka aboyaa maa bɛkɔwa ɛmɔ so, na bekohũhũ ɛmɔ mma mɔ maa bekofi ɛmɔ sa; bekohũhũ ɛmɔ nyɛmmoa. Bɛkɔma ɛmɔ somaa so kɔte, bɔ ɔnate so sona fee ngɔfa ɛmɔ atee nemɔ aso ɔ.

Lewitikɔso 26:22 Iomraidhean Croise

2 Ahemvo 17:25

Mmerɛ bɔ bɛɛtenane aseɛ ne aso ne, banzɔne AWURADE, yiti AWURADE somane gyata mɔ maa bɛwale bɛ nu beehuhuni bɛ nu biemɔ.

2 Ahemvo 2:24

Ɔpɛnene ye nye neane bɛ, na ɔfale AWURADE dumaa payele bɛ. Yeɛ kwabrafo beleɛ nyɔ fili eburo bɛɛtetele mmɛɛmaa nemɔ anu aburanna ne nyɔ nu pasapasa.

2 Aberɛso Dwirɛ 15:5

Sɔ mmerɛ nemɔ anu, né ɔyɛ suro kyɛ ekotu wɔ gya ɔ, ofikyɛ né amaneɛ mbiri mbiri atoto maen maen mɔ nu mmenia amukoraa.

Yesaya 24:6

Ɔnate sɔ ati, musue ahã aseɛ, na so ama benwu amaneɛ. Yiti aseɛ so ama bɛ́yera, na waha mmenia kaaba bie.

Yesaya 33:8

Atimbire nemɔ aso ayɛ kenananana, mmenia mva so bendu atee ko, bɛpepɛ apam mɔ nu, bebu adanzefoɛ animtia, na bɛmva sona bɛnyɛ huu.

Yeremia 15:3

“Na ɛhawo ahoroɔ nna yeɛ ngɔprapra ngogua bɛ so ɔ, AWURADE noa dwirɛ ɛne. Bɛ ole ngrandɛ bɔ okohũhũ bɛ ɔ, ngyea bɔ bɛkɔtete bɛ naen ɔ, yeɛ ewienu nnomaa ne aseɛ so ngaka aboyaa bɔ bekohũhũ mmenia ná bɛkɔtete bɛ naen ɔ.

Yeremia 42:2

na besele ngɔmhyɛlɛniɛ Yeremia kyɛ, “Yɛsrɛ wɔ ala, tie yɛ sufrɛ, ná bɔ mbaeɛ kyire AWURADE wɔ Nyameɛ ma yɛ, yɛ mmenia ngaa bɔ yaha ye (ofikyɛ mmenia wora ye, yɛ nu kãa bie yeɛ yaha ɔ, kyɛbɔ wɔ nye tua yɛ ye),

Awuye 1:4

Sion atimbire nemɔ bedi aworabɔlɛ, ofikyɛ sona biala mma aluolue nemɔ abo, ye pambim amukoraa bɛlela berɛ too, ye asɔfo mɔ bedi yealɛ, ye mmabunu mɔ bayɛ anwumvoin anwumvoin, na ye bɔbɔ wora onwu amaneɛ paa.

Hesekiel 14:15

Yeɛ sɛ mema ngaka aboyaa bɛba aseɛ ne aso, bekũkũ so ama maa ɔyɛ kurofoen, bɔ ɔnate ngaka ne ati sona biala mbɛ nu berɛ a,

Hesekiel 14:21

“AWURADE Nyameɛ nwa nyoo: Nzaade me ndɛenbualɛ suronyisuronyi nna, bɔ bɛ ole ngrandɛ, ɛhɔen, awerɔm ngaka aboyaa ne ewue anwonyerɛ ne, sɛ meprapra megua Yerusalem so mekũkũ so mmenia ne ngaka mefi so ɛ?

Hesekiel 33:28

Ngɔkakyi aseɛ ne kurofoen, na ɔkɔla berɛ mbaen, na ye anwomasoɛ anwoserɛ ne, ye bo kɔpɛ; yeɛ Yisrael mmokaa nemɔ kɔla berɛ mbaen bɔ ebiala ngɔfa so ɔ.

Hesekiel 5:17

Ngɔsoma ɛhɔen piri ne ngaka aboyaa maa bɛkɔwa ɛmɔ so, bɛkɔma ɛmɔ mma mɔ bekofi ɛmɔ sa, ɛmɔkonwu ewue anwonyerɛ ne mogya, na ngɔfa ngrandɛ ne ngɔwa ɛmɔ so. Me, AWURADE, me yeɛ mahã sɔ ɔ.”

Lewitikɔso 26:6

Ngɔma maen ne konya asomdwee, na ɛmɔkɔla wɔ aberɛ bɔ ebiala ngonwunanwuna ɛmɔ ɔ; ngɔfoa ngaka bɔ bɛte awerɔm ɔ ngofi aseɛ ne aso, na koɛ biala ngɔhɔ so wɔ ɛmɔ aseɛ ne aso.

Mika 3:12

Yiti ɔnate ɛmɔ ti, bekofundam Sion kyɛ eboo; Yerusalem kɔkakyi esire sire, na bokaa bɔ awuro ne gyi so ne, ɔkɔkakyi ɛhɔayeɛ nu asɔneyɛɛ.

Sakaria 7:14

Na mvale mvrama bɔ ɔpɛ ye nwo ɔ mmɔle bɛ nzandele maen maen amukoraa bɔ bɛnze bɛ ɔ so. Na aseɛ bɔ bɛyakyili ye bɛ si ne ɔlale berɛ mbaen, bɔ sona biala wambɛ nu berɛ, kyɛ ɔkɔ oo, anaa ɔba oo, na aseɛ nyemenenyemene ne lale berɛ mbaen.”

Deuteronomi 32:24

Ɛhɔen kɔmaa bɛkɔfɔ, bɛ nwo kɔyerayera bɛ, na ewue anwonyerɛ kɔbɔ bɛ. Ngɔma ngaka aboyaa kɔɔhye bɛ koli, na ngɔma mvuture nu ewoo bɔ ye noa le borɔ kɔkeka bɛ.

Maenbulɛfoɛ 5:6

Anate awa Samega mmerɛ so, Yaele mmerɛ so, atimbire so yɛle bɔfonn; na akwandufoɛ makyele bɛɛfale eburo atee mɔ so.