Lewitikɔso 26:20 - AHYERƐLƐ KRONGRON

²⁰ Ɛmɔkɔsɛkye ɛmɔ anwoserɛ mbaen: ɛmɔ aseɛ ngɔhye aleɛ, yeɛ aseɛ ne aso mmakaa ngosu mmaa.

Lewitikɔso 26:20 Iomraidhean Croise

Gyenesise 4:12

Sɛ ɛyɔ aseɛ ne aso boo a, ɔngɔhye aleɛ ngɔma wɔ ko. Ɛkɔyɛ kobɔniɛ, na engonya amandena wɔ aseɛ so.”

1 Ahemvo 18:2

Yiti Elia sili nu hɔle kyɛ ɔkwaafa ye nwo kyire Ahabo. Né ɛhɔen ne noa yɛ se paa wɔ Samaria.

YOB NWOMAA NE 31:40

ye de, nnɛma atokoɔ fifi so, na mmom ma mmowue, nnɛma ayuo fifi so, na mmom ma ndetema.” Yob noa ape.

Edwein 107:34

ɔkakyi aseɛ bɔ ɔkye aleɛ ɔ maa ɔyɛ ɛgyɛhyerɛ, ɔnate aseɛ ne aso ama bɛ bɔne ti.

Edwein 127:1

Sɛ AWURADE anzi sua ne a, suasilɛfoɛ nemɔ bɛfɛ ye nwo mbaen. Sɛ AWURADE wanwɛne kuro ne a, wɛmvoɛ ne osiri ye nwo pɛ mbaen.

Yesaya 17:10

Ofikyɛ wɔ ngoalelɛ Nyameɛ ne, wɔ wora afi ye, na angaye Nyɔbotaen bɔ ɔbɔ wɔ nwo waen ne. Ye sɔ ne ati, ɔwɔ nu kyɛ edua nningyein paa paa de, edua nningyein bɔ ofi maen bie aso de,

Yesaya 17:11

ɔwɔ nu kyɛ ɛmaa befifi kyẽa bɔ edua ne ala de, ɛmaa bɛbɔ nyerɛen ngyerɛmɔ ne ala bɔ edua ne de, nakoso aworabɔlɛ ne anwonyerɛ koangɔ kyẽa ne, ye mmaa bɔ wasu ne kotu komini.

Yesaya 49:4

Na nzele kyɛ, “Mafɛ mbaen, masɛkye m’anwoserɛ magua mbaen bɔ mvasoɛ amma so ɔ. Nakoso, nahorɛ nu, me ndɛenbualɛ wɔ AWURADE sa nu, yeɛ m’akatuaa wɔ Nyameɛ sa nu.”

Yeremia 12:13

Balua atokoɔ, nakoso bate mmowue, bafɛ alaa, nakoso bannya ye nwo mvasoɛ biala. Ɔnate AWURADE yaa piri bɔ wafɛ ne ati, ɛmɔ fieso nningyein bɔ ɛmɔkonya ye ne, ɔkɔyɛ bɛ fɛre.”

Hosea 2:11

Ngɔma ye ahurusililɛ ne amukoraa bo kɔpɛ, yeɛ ye aluolue ngyẽa mɔ, ye ɛsraen foforɛ mɔ, ye afofingyẽa ne ye aluolue bɔ bahyehyɛ amukoraa.

Lewitikɔso 26:4

ngɔma esue kɔtɔ kɔma ɛmɔ wɔ mmerɛ bɔ ɔsɛ ɔ nu, aseɛ ne kɔhye aleɛ, ná fieso nningyein asu mmaa.

Habakuku 2:13

Tie, aso nna Asafo AWURADE yeɛ wahyehyɛ kyɛ mmenia bɛfɛ bɛyɔ adwuma ma see ɔyera ye, ná maen maen bɛfɛ bɛma nningyein bɔ ɔte mbaen ɔ.

Hagae 2:16

ɛmɔ asetena nu te ɛmɔ sɛ? Sɛ ebie ba kyɛ ɔbaabu aburoo kɛndɛen aburanyɔ a, onya buru; sɛ ebie ba nekaa bɔ bekyi mmakaammaa nu bɛyɔ nzaa kyɛ ɔbaafa nzaa bua aburannu a, aburanyɔ yeɛ onya ɔ.

1 Korintofoɛ 3:6

Me de nnuale, yeɛ Apolo wora oguaguale so nzue ɔ, nakoso Nyameɛ yeɛ ɔmaa onyini ɔ.

Galatiafoɛ 4:11

Mesuro kyɛ ebiaa ɛmɔ nwo fɛɛ bɔ mafɛ ne ayɛ mbaen.

Deuteronomi 11:17

ofikyɛ ɔba ye sɔ a, AWURADE kɔfɛ ɛmɔ so yaa piri paa, ná ɔkɔto nyameɛso nu bɔ esue ngɔtɔ ɔ, na aseɛ ngɔma aleɛ biala ko, na ɛmɔkowuwu ndɛndɛ so bekofi aseɛ paa bɔ AWURADE ɔ́fa ma ɛmɔ ne aso.

Deuteronomi 28:18

Musue kɔto wɔ kunu mmaa, w’aseɛ ngɔhye aleɛ, musue kɔto wɔ nandwie mmaa ne wɔ mmoaen mmaa.

Deuteronomi 28:42

Ɛsaa koli wɔ mmakaa ne w’aseɛ so mmakaammaa mukoraati.

Deuteronomi 32:22

Ofikyɛ m’ahone bɔ wahu ne asɔ see, na ogye toonn kodwu ɛborɔ ye bo dɔ, ɔyera aseɛ ne so aleɛ, na ɔfa see to mmokaa mɔ bɛ nyinasoɛ nu.