Lewitikɔso 26:19 - AHYERƐLƐ KRONGRON

¹⁹ Ngɔbrɛ anwoserɛ bɔ ɛmɔfa bekyire bɛ nwo ne ase, ngɔma ewienu bɔ ɔkata ɛmɔ so ne kɔyɛ kyɛ buralɛ, ná aseɛ bɔ ɛmɔte so ne ayɛ kyɛ kɔɔbere.

Lewitikɔso 26:19 Iomraidhean Croise

1 Ahemvo 17:1

Tisibeniɛ Elia bɔ ofi Tisibe bɔ ɔwɔ Gileade ne, osele Ahabo kyɛ, “AWURADE Yisrael Nyameɛ teasefoɛ bɔ yeɛ ngyi ye nyunu ne, kyɛbɔ ɔte ase ye de, mekã kyɛ, bosue anaa esue ngɔpe ase afoɛ ye mɔ anu, sana mafa me noa dwirɛ mama ye nwo ate koraka.”

1 Ahemvo 8:35

“Sɛ ɔnate bɔne bɔ wɔ mmenia bayɔ batia wɔ ti, esi esue ate wɔ nyameɛso maa esue ndɔ, ná sɛ bɛfa bɛ nye bekyire ɛwa bɛbɔ mbaeɛ bɛye wɔ dumaa ayɛ, ná ɔnate kyɛ ahwe bɛ so ne ati, bɛsakyera b’adwene béfi bɛ bɔne nwo a,

Yesaya 2:12

Na Asafo AWURADE ole ye kyẽa bɔ ɔkɔwa ebiala bɔ ɔte anwomasoɛ ne ahandaen ɔ so, ɔne ebiala bɔ wama ye nye atra ye ndo nwiaa ɔ so, na ɔkɔbrɛ ye ase;

Yesaya 25:11

Ɔwɔ nu kyɛ ɔkɔtrɛtrɛ ye sa nu wɔ bokaa ne anu, kyɛbɔ sona trɛtrɛ ye sa nu obia asue nu ɔ, nakoso ye anwomasoɛ ne ye yɔleɛ ne, AWURADE kɔbrɛ ye ase.

Yesaya 26:5

Ofikyɛ ɔbrɛ bɛ bɔ betira tumi ɔ ase, kuro bɔ babɔ ye nwo waen pambee ne, ɔbrɛ ye ase, odwiri ye gua ase, obu ye gua mvuture nu.

Yesaya 28:1

Wɔ yaakɔ, Efraim akɔnomnzafoɛ anwomasoɛ abotire ne, ɔne ye nyerɛen nyemenenyemene bɔ ye nyemene gu so okyikyi ne, abotire bɔ ɔwɔ bɔnza bɔ ɔkye aleɛ ne ti afia, akɔnomnzafoɛ bɛ kuro ne!

Yeremia 13:9

“Bɔ AWURADE kã ɛhe: Sɔ ala yeɛ Yuda anwomasoɛ ne Yerusalem anwomasoɛ kandinga ne, ngɔsɛkye ye ɔ.

Yeremia 3:3

Yiti nyenyenzue ne ayakyi tɔlɛ, yeɛ bamborɔ ne koso ɔndɔ ko, nakoso wɔ ndo nwiaa te kyɛ gyanderaniɛ deɛ, na ɛnze fɛrelɛ.

Hesekiel 24:21

‘Kã kyire Yisrael awuro ama kyɛ, AWURADE Nyameɛ nwa nyoo: Tie, mebaagua me nekaa krongron ne anwo fiɛ, bɔ ɔte ɛmɔ anwoserɛ bɔ ɛmɔfa bɛhoahoa ɛmɔ nwo ne, nikyee bɔ ɔla ɛmɔ ahone nwo ne, ɔne bɔ ɛmɔ kra nye gye ye nwo ne. Na ɛmɔ mma mmienzua ne ɛmɔ mma mmrasua bɔ ɛmɔyakyili bɛ berɛ bɛwale ne, bɛkɔtotɔ ngrandɛ noa.

Hesekiel 30:6

“AWURADE nwa nyoo: Bɛ bɔ bɛboka Misraim ne, bɛkɔtotɔ, na ye anwomasoɛ anwoserɛ ne kɔbrɛ ase: ofi Migidol bɔ ɔkwaadwu Siene ne, bɛkɔtotɔ ngrandɛ noa wɔ berɛ, AWURADE Nyameɛ noa dwirɛ ɛne.

Hesekiel 33:28

Ngɔkakyi aseɛ ne kurofoen, na ɔkɔla berɛ mbaen, na ye anwomasoɛ anwoserɛ ne, ye bo kɔpɛ; yeɛ Yisrael mmokaa nemɔ kɔla berɛ mbaen bɔ ebiala ngɔfa so ɔ.

Hesekiel 7:24

Ngɔfa maen maen bɔ bɛ ti anu yɛ se paa ɔ ngɔwa maa bɛkɔɔfa b’awuro nemɔ. Ngɔma anwoserɛfoɛ b’anwomasoɛ ne bo kɔpɛ, na ngogua bɛ nekaa krongron nemɔ nwo fiɛ.

Daniel 4:37

Na afei de, me Nebukadenesa, mefa ayɛyelɛ, ɛkamvolɛ ne anidie mema nyameɛso Hene ne, ofikyɛ bɔ ɔyɔ amukoraa te turoloo, na ye atee tengyɛ, na bɛ bɔ bɛbɔ anwomasoɛ bra ne, ɔkora brɛ bɛ ase.

Sefania 3:11

“Sɔ mmerɛ ne, w’animguaseɛ yɔleɛ amukoraa bɔ ɛfa tole me mmeraa ne, ngɔye ngofi berɛ, na bɛ bɔ bedi anwomasoɛ nu ahurusi ne, ngotu bɛ bo ngofi wɔ nu, na ɛngɔyɛ ahandaen ko wɔ me bokaa krongron ne aso.

Luka 4:25

Nahorɛ nu, mekã mekyire ɛmɔ kyɛ, Elia aberɛ so bɔ anwuro nu tole afoɛ nza ne bue, bɔ ɛhɔen piri bie wale aseɛ ne aso amukoraa nen, né akunafoɛ mmrasua pee wɔ Yisrael,

Deuteronomi 11:17

ofikyɛ ɔba ye sɔ a, AWURADE kɔfɛ ɛmɔ so yaa piri paa, ná ɔkɔto nyameɛso nu bɔ esue ngɔtɔ ɔ, na aseɛ ngɔma aleɛ biala ko, na ɛmɔkowuwu ndɛndɛ so bekofi aseɛ paa bɔ AWURADE ɔ́fa ma ɛmɔ ne aso.

Deuteronomi 28:23

Ewienu bɔ ɔkata wɔ so ne kɔyɛ kyɛ kɔɔbere, na aseɛ bɔ egyi so ne kɔyɛ kyɛ buralɛ.

1 Samuel 4:11

Filistifoɛ lele Yisrael sa nu Nyameɛ alaka ne, na Hofini ne Finehase bɔ bɛte Eli mma nyɔ ne koso bɛtotɔle.

1 Samuel 4:3

Na mmerɛ bɔ Yisrael koɛhonɛfoɛ nemɔ sa wale b’asikyeleɛ ne anu ne, bɛ mbanyi mɔ bisale kyɛ, “Nzu ati yeɛ AWURADE amaa ɛnɛ yali ngoguo wɔ Filistifoɛ nyunu ye? Ɛ́mɔma yɛɛfa AWURADE apam alaka ne yɛfi Silo yɛbra, ná ɔɔtena yɛ nu ole yɛ fi yɛ pɔfoɛ mɔ sa nu.”