Lewitikɔso 26:18 - AHYERƐLƐ KRONGRON

¹⁸ Na sɛ ɛhe amukoraa si ye po, ɛmɔanyɛ sotie bamma me a, ɔnate ɛmɔ bɔne ti, ngɔhɔ so ngɔhwe ɛmɔ so mmɔhoɛ nzoo.

Lewitikɔso 26:18 Iomraidhean Croise

Edwein 119:164

Ɛlɛho biala, meye w’ayɛ pɛen nzoo, ɔnate wɔ tenenee nhyehyɛleɛ ne ati.

Ɛksadɔso 9:14

Ofikyɛ afei de, mebaama me hawo amukoraa ba wɔ bɔbɔ wɔ so, wɔ somvoɛ mɔ ne wɔ maen so, amaa ɔnate so anwu ye kyɛ ebiala nne berɛ bɔ ɔte kyɛ me ɔ wɔ aseɛ so amukoraa.

Anyandera 24:16

ofikyɛ, teneneeniɛ kɔhora kofĩ ase pɛen nzoo, nakoso osa dwɔso, nakoso bɔnefoɛ de, musue to ye ma ye ayieleɛ yie ye.

Yesaya 5:25

Yiti AWURADE fɛle ye maen so yaa piri paa, odwɔso tiale bɛ huhuni bɛ, mmokaa mɔ wosole, na bɛ fuin mɔ to petene kyɛ fofoɛ bɔ ogua dwaaso ɔ. Na ɛhemɔ amukoraa nu po ne, wanyakyi bɛ so yaafɛlɛ, na ɔtɛ dwɔso tia bɛ.

Yeremia 14:4

Aseɛnwo ayɛ katerepee, ɔnate esue bɔ ɔndɔ ngua aseɛ ne aso ti; akuafoɛ nemɔ nyunu agua ase, na bɛkata bɛ ti so.

Daniel 3:19

Yeɛ Nebukadenesa fɛle yaa hahii, na omunane Sadrake, Mesake ne Abedinego so paa. Na ɔhyɛle kyɛ behua foonoo see ne anu paa ma nu ɔyɛ hye pɛen nzoo ɔtra kyɛbɔ ɔyɛ a ye hyerɛ te ne.

Lewitikɔso 26:21

“Sɛ ɛmɔkɔso bedwɔso betia me, na ɛmɔandie me dwirɛ a, ɔnate ɛmɔ bɔne ti, ngɔhɔ so ngɔfa amaneɛ piri ngɔto ɛmɔ so pɛen nzoo.

Lewitikɔso 26:24

ye de me koso ngɔhɔ so ngodwɔso ngotia ɛmɔ, ná ɔnate ɛmɔ bɔne ti, mahwe ɛmɔ so pɛen nzoo.

Lewitikɔso 26:28

ye de nne ɛyaa piri ngodwɔso ngotia ɛmɔ, na ɔnate ɛmɔ bɔne ti, me bɔbɔ ngɔhwe ɛmɔ so pɛen nzoo.

1 Samuel 2:5

Bɛ bɔ né bɛ ko ayi ne, afei de bekoli paa koraka né banya aleɛ bali, nakoso bɛ bɔ né ɛhɔen apɛ bɛ ne, afei de aleɛ abu bɛ so. Mmotaen braa wawo nzoo, nakoso braa bɔ ye mma pee ne, afei de waha ye ngome.