Lewitikɔso 26:17 - AHYERƐLƐ KRONGRON

¹⁷ Ngotu me nye ngosie ɛmɔ so, na ɛmɔkɔtotɔ ɛmɔ pɔfoɛ mɔ ngrandɛ noa. Ɛmɔ pɔfoɛ mɔ koli ɛmɔ so, na ɛmɔkɔnwati wɔ aberɛ bɔ ebiala ɔmvoa ɛmɔ ɔ.

Lewitikɔso 26:17 Iomraidhean Croise

Gyenesise 4:12

Sɛ ɛyɔ aseɛ ne aso boo a, ɔngɔhye aleɛ ngɔma wɔ ko. Ɛkɔyɛ kobɔniɛ, na engonya amandena wɔ aseɛ so.”

1 Ahemvo 8:33

“Sɛ wɔ maen Yisrael bɛyɔ bɔne betia wɔ, ná ye sɔ ti bɛ pɔfoɛ mɔ di bɛ so ngonim, nakoso besa benu bɛ nwo, bɛye wɔ dumaa ayɛ, ná bɛbɔ mbaeɛ besu bɛfrɛ wɔ wɔ sua ye anu a,

2 Ahemvo 13:3

AWURADE fɛle Yisrael so yaa piri, maa ɔnate so ɔfale bɛ wurale Siria hene Hasael sa mmerɛ pee, yeɛ afei ɔfale bɛ wurale Hasael awa Ben Hadade koso sa.

2 Ahemvo 13:7

Yiti Yehoahase koɛhonɛfoɛ bɔ bɛte pɔngɔhanɛfoɛ ne, né bɛmmo aburannu. Ɔhale teaseɛnam buru yeɛ koɛhonɛfoɛ bɔ bɛnate bɛ gya nu ɔ apee buru pɛ. Ofikyɛ Siria hene huhuni bɛ maa bɛsamone berɛ kyɛ mvuture bɔ sona tiatia so ɔ.

Edwein 44:10

Amaa yanwati yafi yɛ pɔfoɛ ne nyunu, na yɛ pɔfoɛ mɔ bafe yɛ nningyein bafa.

Edwein 53:5

Berɛ yeɛ esuronyi kandinga kɔtɔ bɛ so ɔ, esuronyi bɔ ebie ɔhhane bɛ le ɔ. Ofikyɛ bɛ bɔ bɛko betia wɔ ne, Nyameɛ kɔto bɛ mmowue kɔpete, ɛkɔma bɛ nyunu kogua ase, ofikyɛ Nyameɛ aye ye sa wafi bɛ bo.

Edwein 53:6

Ao, ahaa né Yisrael ngoalelɛ wafi Sion wawa! Na sɛ Nyameɛ ma ye maen bɛ sa kã b’agyapadeɛ bieku a, Yakob koli ahurusi, na Yisrael nye kɔgye.

Anyandera 28:1

Bɔnefoɛ nwati wɔ aberɛ bɔ ebiala mvoa ye ɔ, na teneneeniɛ de, ye hue yɛ se te kyɛ gyata.

Yesaya 30:17

Bɛ nu ko nwo suronyi ɔkɔma mmenia apee kɔnwati, bɛ nu nnu nwo suronyi ɔkɔma ɛmɔkɔnwati, kɔpem kyɛ ɛmɔ ayieleɛ kɔyɛ kyɛ frangaa bɔ ogyi bokaa ti afia ɔ, kyɛ sɛngyerɛnneɛ bɔ ogyi pambaa so ɔ.

Yesaya 63:10

Nakoso bɛ de, bɛyɛle lɔen bɛmane ye Sunzum krongron ne wora bɔle; yiti ɔpɛle ye nwo yɛle bɛ pɔfoɛ, na ye bɔbɔ ɔho tiale bɛ.

Yeremia 19:7

Ngɔma Yuda ne Yerusalem nzusuleɛ kɔyɛ mbaen wɔ wa, na ngɔmaa bɛkɔtotɔ ngrandɛ noa wɔ bɛ pɔfoɛ mɔ nyunu, ɔne bɛ bɔ bɛpena bɛ beku bɛ ɔ, bɛ sa nu. Na ngɔfa bɛ fuin ngɔma ewienu nnomaa ne aseɛ so ngaka aboyaa maa bekoli.

Yeremia 44:11

Yiti Asafo AWURADE, Yisrael Nyameɛ nwa nyoo: Ɛ́mɔtie, ngotu me nye ngosie ɛmɔ so maa musue kɔto ɛmɔ, na ɔnate so ngonua Yuda amukoraa bɛ boso.

Awuye 1:5

Bɛbɔ bekyi ye ne, bakakyi ye mene mɔ, wayie ye pɔfoɛ mɔ yé, ofikyɛ AWURADE aprapra amaneɛ wagua ye so. Na ɔnate ye mmeraatolɛ worawora ne ati, ye pɔfoɛ mɔ bahye ye mma mɔ nnure, na bafa bɛ bahɔ.

Awuye 2:4

Wakondo ye agyaen nu kyɛ pɔfoɛ, wagyina watengyɛ ye sa famaa kyɛ ebie bɔ okyi bɛ ɔ. Ohuhuni bɔ ɔyɛ yɛ nye so nyemene amukoraa, wɔ Sion awa brasua ɛtena sua ne anu. Ohwiele ye yaa bɔ wafɛ ye hahii ne kyɛ see.

Hesekiel 15:7

Ngotu me nye ngosie bɛ so. Ɔwɔ nu kyɛ benyane bɛ ti bedidili nu befili see nu de, nakoso see foforɛ kɔyera bɛ; na sɛ metu me nye mesie bɛ so a, ɛmɔkonwu kyɛ me ole AWURADE.

Lewitikɔso 17:10

“Sɛ ebiala bɔ ofi Yisrael awuro anaakyɛ ɛwɔfoɛ mɔ bɔ baatena bɛ nu, odi mogya biala a, ngotu me nye ngosie sɔ sona ne aso, na ngɔpɛ ye asue ngofi maen ne anu.

Deuteronomi 28:25

“AWURADE kɔmaa ekoli ngoguo wɔ wɔ pɔfoɛ mɔ nyunu. Ɛkɔfa atee ko aso kɔhɔ bɛ so, nakoso ɛkɔfa atee ahoroɔ nzoo so ɛkɔnwati kofi bɛ nyunu. Na edwirɛ bɔ ɔkɔto wɔ ne kɔyɛ aseɛ so ahennie mukoraati nwanwa.

Yosua 7:4

Yiti mmenia kɔyɛ apee nza fo hɔle dɔ, na bangora Ayefoɛ nyunu gyina, bɛnwatili.

Maenbulɛfoɛ 2:14

Yiti AWURADE fɛle Yisrael so yaa paa, na ɔfale bɛ wurale apaabɔlɛfoɛ sa maa bɛfene bɛ nningyein bɛfale. Bɛ pɔfoɛ mɔ bɔ bapɛ bɛ nwo bayia ne, ɔmaa beewurale bɛ bo bɔ bangora bɛ pɔfoɛ nemɔ nyunu gyina ko ɔ.

Maenbulɛfoɛ 3:14

Yiti Yisraelfoɛ sole Moabo hene Eglon afoɛ buru ne mmɔtwɛ.

Maenbulɛfoɛ 3:8

Yiti AWURADE fɛle Yisrael so yaa. Ɔfale bɛ wurale Mesopotamia hene Kusan Risatim sa, na Yisraelfoɛ sole Kusan Risatim afoɛ mmɔtwɛ.

Maenbulɛfoɛ 6:2

Midian lili Yisrael so, na ɔnate Midian ti, Yisraelfoɛ bɔle bɛ nwo adwaa wɔ mmokaa so, nyɔboɛ bɔ wasi sua mɔ nu, ɔne anwoserɛ afealeɛ mɔ nu.

1 Samuel 12:15

Nakoso sɛ ɛmɔandie AWURADE dwirɛ, ná sɛ ɛmɔtwi bɛfa AWURADE mmeraa dwirɛ so de a, ye de AWURADE tumi kotua ɛmɔ so kerɛ, kyɛbɔ otuale ɛmɔ nana mɔ so kerɛ ne.

1 Samuel 31:1

Afei Filistifoɛ fale koɛ bɛɛtetale Yisrael. Yisrael mmienzua nwati fili Filistifoɛ nyunu, na bɛ nu pee totɔle wɔ Gilboa bokaa ne aso.

1 Samuel 4:10

Yiti Filistifoɛ hone koɛ ne. Yisrael lili ngoguo, na koɛhonɛniɛ biala nwati hɔle ye tena sua nu. Mmenia pee totɔle, ofikyɛ Yisrael koɛhonɛniɛ apee aburasa bɔ bɛnate ase yeɛ bɛtotɔle ɔ.